JAC Information Centre, KKL Complex ah tuni sunma dak 11:00 in KNO-UPF makaih in JAC, JPO leh Innpi te’n meeting nei in, salpha mi 9 gam leh leitang a dia hinna ana pete luang hongtung ding February 13, 2016 chiang a vui ding in thupuk uhi.

{youtube}/-2VB88E-jOE{/youtube}

Hiai meeting ah KNO-UPF lam apan palai hunkhop kihel in, JAC, JPO leh Innpi makaite leng kimtak in kihel ua, PS Haokip, President, KNO in thugenna hun zang in, tutung movement paidan nouneltak a pulakna nei in tribal martyr-te luang vuikhiat hunta ahih dan gen hi. Program hunsung in Siemtinthang, President, UPF leh John Pulamte, President, Hmar Inpui te’n thugenna hun zang ua, JAC leh JPO makaite apan in bel ngaihdan genna bangmah omlou hi. Hiai hun ah PS Haokip, President, KNO in resolution tuamtuam omte pulakna nei in, salpha sungkuante kiang ah Rs. 10 lakhs chiat piak a hih ding banuah a tanau naipen kiang ah sepna piak hiding ua, liamna tuakte leng zangnadopna piak hiding uh hi’n gen hi. Tuni a kipan UPF-KNO in Bill 3-te toh kisai enkaita ding ua, a kul leh poimoh bangbang a amau panlata ding uh ahihdan gen hi.

XXXXXXXX

SBI-RSETI in Ak khoina (Poultry) leh Beauty Parlour lam a lunglutna neite a ding in tunung sawtlou in Free Short Term Training Course pat sawm ua, tuailai sepna neilou kum 18 leh kum 45 kikal mi te’n ngaihven theih ding hi. Thutut kingah dan in, Ak khoidan (Poultry) toh kisai in training February 15 apan a pat hiding a, hiai a dia seat awng omzah ahihleh 22 apan 25 kikal hiding a, ni 6 sung training piak hiding uhi. Beauty Parlour Management ahihleh February 22, 2016 in kipan ding a, mi 25 a dia bikhiah hih banah ni 30 sung training piak hiding uhi. Lunglutna nei te’n SBI-RSETI Office, Bijang (near petrol pump) ah form ngah theih ding a, training neih hun dia kibikhiah ma ngei a piaklut ngai ding hi’n thutut kingah hi. 

XXXXXXXX

Cancer, Diabetes, Hypertension, Heart Disease leh Stroke neite khualna in Lamka Damdawi Inn OPD ah tuni’n Non Communicable Disease (NCD) Clinic honkhiak a om in MO Incharge makaih in One Day Diabetes, Hypertension & Obesity Detection & Treatment Camp neih in om hi. Hiai hun ah damlou tuamtuamte kiang ah Blood Sugar, Hepetitis B & C leh BMI test a thawn in hihsak in om a, Dr. Y. Premchandra Singh, Diabetologist, Dr. AK Swarialata leh M. Ibeyaima, Dietician makaih in Counselling Session neih in om hi. NCD Clinic ahihleh Cancer, Diabetes, Hypertension, Heart Disease leh Stroke neite etkolna ding leh Counselling piakna mun a zat hiding a, Seppatni, Nilaini leh Sintawpni teng OPD hunsung in kihong gige ding a, Dr. Y. Premchandra Singh etkaina nuai a om ding hi’n thutut kingah hi. Tuni a Free Diabetes & Hypertension Camp neihna hun ah Dr. Nirpendra, MD Radiotheraphy in Cancer natna apan kiven ding dan toh kisai sinsakna nei in, Dr. Y. Premchandra Singh in nek-le-dawn a kisum ding dan leh zunkhum neite a dia exercise lak a poimoh dan sinsakna nei hi.

XXXXXXXX

India government in India gamsung ah Huut chikhat Soil Transmitted Helminths (STH) kichi beisakna ding in zingchiang February 10 pen National Deworming Day a puang in kum 1 – 19 kikal naupangte kiang ah huut-lou neksak hiding a, zinglam dak 9:30 in Vimala Raina High School ah DC/CCPur Lunminthang Haokip, IAS in National Deworming Day honna nei ding hi. Hiai hun ah Chief Medical Officer, Zonal Education Officer, District Project Officer, ICDS, District Program Management Unit leh CCPur District Privater Schools Association te’n uap in, Dr. Thangchinkhup Guite, CMO/CCPur in National Deworming Day message genna nei ding hi.

XXXXXXXX

Churachandpur District a dia school kumlui mahmah Bijang Loubuk Jr. High School in tuni zinglam dak 11:30 in school mun ah SSA tungtawn a Class I – VIII student-te a dia hong pai text book hawmkhiakna nei uhi. Hiai hun ah Kaikhanlian Guite, DI/CCpur Block in uap in student-te kiang ah hasotna thu gen in textbook-te student-te kiang ah piakkhiakna nei hi. Aman government school a kai naupangte hampha mahmah uh ahihdan gen in, hiai school apan in leng officer liantak suah theih ahihman in kuamah lungkelou dia hasuan in kuhkalna leh chihtakna toh pan la tou ding in student-te hasuan hi. Tulel in Bijang Loubuk Jr. H/S ah Thangkhansuan in Headmaster Incharge hihna len in teacher 13-te etkaina nuai ah tu academic session ah student 206 omlel hi’n thutut kingah hi.

XXXXXXXX

Ebenezer Academy in tuni zinglam dak 10:30 in school mun ah tukum a Class X leh Class XII exam dingte hasotna leh thumsakna hun zang uhi. Hiai hun zatna ahihleh H. Liankhanlal, Principal, Ebenezer Academy in makaih a, Miss Priscilla Vaiphei in thumna in hun honna nei in, S. Ginzalian Ngaihte, Vice Principal in exam na toh kisai a naupangte a dia theih tuak poimoh tuamtuam omte pulakna nei hi. Ebenezer Academy ahihleh Evangelical Baptist Convention etkaina nuai ah 1980 kum in kipankhia, 1985 kum in Board of Secondary Education Manipur nuai ah recognition ngah in 2004 kum in Class X I leh Class XII sin theihna ding in dopsang in om hi. Hiai school apan tuni chiang in Class X leh Class XII exam ah result hoihtak muh hitou zel a, Pastor, Missionary leh Government a sepna hoih taktak nei hunkhop ana suangkheta hi. Tuni a Class X leh Class XII exam dingte hasotna leh thumsakna hun ah Class X apan Master T. Haumuanlal leh Class XII apan Miss Jamnunmoi te’n exam dingte sik-le-tang in kipahthu genna hun zang ua, Rev. Ginmalsawm, Director of Social Development, EBC in hasotna thu gen in student-te a ding in thumsakna nei hi.

XXXXXXXX

New Lamka huamsung a government school omsun New Lamka JB School kuapeuh in a phatuampih theihna ding uh tupna in bialtu MDC CT Lian Guite in tuni’n hiai school a sem teacher-te orientation neihpih hi. Hiai hun ah CT Lian Guite, New Lamka West MDC in student-te sinsakna piak ding dan toh kisai banah khe khat ding a naupangte etkol a poimoh dan uangtak in gen hi. Thutut kingah dan in, New Lamka West MDC in ama bialsung a government school omsun New Lamka JB School tua sang a hoih zawsem a pai a, student tamzaw te’n a hamphatpih theihna ding un nikum December kha in teacher-te kimuhpih in maban pai ding dan genkhawmna nei ua, tukum bul in ama makaih in school chei thakna nei in tu in etlawm tuan magmagta hi. New Lamka JB School ah tulel in Hranghmingthang in Headmaster hihna len in amah nuai ah teaching staff 15 leh Non-Teaching Staff 2 om a, 2015 Academic Session ah student 178 om a, tukum in Class VIII tan sin theih ding in honbeh a om in, seat leng full vekta hi’n thutut kingah hi.

XXXXXXXX

All Tribal Movement Lamka Whatsapp group-te makaih in Salphate zahna program Lamka Damdawi Inn ah paitouzel in, zan nitak in leng program lohchingtak in zat in om nawn hi. Zan nitak a program zatna ahihleh PausonlianKhuptong in makaih a, mipi paikhawm te’n lenkhopna nei in, K. Chinkhansuan, Thanga Tonsing leh Pa Khanpi tel in mi tuamtuam apan thugen ngaihkhiakna om hi. Program hunsung in ngeina bang in Salphate zahna in Candle detna om in, minute 1 sung dai dide in suunna hun zat in om a, ATML lapi leh slogun sapna leng neih in om hi.

XXXXXXXX

Baptist Dorcas Fellowship, Lamka South Division, EBC saina in tuni’n Pethuel EBCC ah Upa Ordaine zi-te a ding in “Numei hoih a pasal a ding in mang lukhu ahi” chih thupi zang in Fellowship om hi. Hiai hun zatna ahihleh Rev. V. Nenglian, Divisional Supdt., Lamka South Division in hongkhia in, Mrs. Zamkhanvung, Vice President, DBDF in vaidawnna thu gen a, Lamka South Division EBC saptuam huamsung a om Upa Ordaine zite mi 300 vel kihel uhi. Program hunsung in Miss Liankhoman, Dorcas Co-ordinator, EBC in Fellowship thupi zang in sinsakna nei a, Nu Nemzakhawl, Secretary, DBDF in fellowship neihna toh kisai report pia in Pastor K. Pumsuanthang, Local Pastor, Pethuel EBCC in fellowship khakna nei hi.

XXXXXXXX

India government in India gamsung ah Huut chikhat Soil Transmitted Helminths (STH) kichi beisakna ding in tuni (February 10) pen National Deworming Day a puang in kum 1 – 19 kikal naupangte kiang ah huut-lou neksak hi a, zinglam dak 10:30 in Vimala Raina High School ah National Deworming Day honna program zat in om hi. Hiai hun zatna Chief Medical Officer, Medical Supdt, DFWO/CCPur, Zonal Education Officer, District Project Officer/ICDS, District Program Management Unit leh CCPur District Privater Schools Association te’n uap ua, mun tuamtuam apan school naupang leh nu-le-pa hunkhop hiai hun zatna ah kihel uhi.

{youtube}/T7Jt0XMpKL8{/youtube}

Inauguration Program zatna Vungmary, DCM in makaih a, Dr. Thangchinkhup Guite, CMO/CCPur in National Deworming Day hongkhia in Dr. Donna Vungngaihching makaih in mi poimoh chial a om te’n naupangte kiang ah Huut-lou (Albenezole) piakna nei uhi. Thutut kingah dan in, CCpur District in kum 1 apan kum 6 kikal naupangte leh kum 19 naupang school kai nawnloute Anganwadi Centre ah hiai damdawi nesak in, a dang teng amau school chiat ah neksak in om a, Zodawn lam a te’n ahihleh ASHA Worker-te tungtawn in hiai damdawi neksak in om uhi. Dr. Thangchinkhup Guite, CMO/CCPur a National Deworming Day message a genna ah, khovel pumpi ah Huut chikhat Soil Transmitted Helminths vei naupang 200 million val om in, huaite lak ah India gamsung ah hiai natna vei 64 percent phazou hi’n gen a, hiai toh kisai India Government in ngai poimoh mahmah in, nikum 2015 in State 10 leh Union Territory 1 ah pilot project dan in Deworming (huut-lou neksakna) pan in, lohching mahmah ahih dan theihkhiak ahih nung in 2016 apan zat pat ding in February 10 pen National Deworming Day a puang in tuni’n India gamsung pumpi ah naupang kum 1 apan kum 19 kikal mite kiang ah Huut-lou (Albenezole kichi damdawi) neksak in om a, tuni a ne khaloute a ding in February 16, 2016 chiang in Mop-up program om nawn ding hi’n gen hi.

XXXXXXXX

Manipur State sung a District Council Chairman teng in tuni sunma dak 11:00 in Hotel Imphal ah meeting poimoh tak nei in, haksatna tuamtuam a neihte uh kikum khawm ua, District Boundary toh kisai a over-lapping omte genkhawmna nei uhi. Hiai meeting ah District Council Chairman teng kimtak in kihel ua, District Boundary toh kisai a over-lapping omte kaikhawm a February 16, 2016 chiang a genkhawm nawn dia thupuk in, hiai toh kisai Chief Minister leh Concern Minister kiang tut hiding in gen uhi. Tua toh kiton in Langkhanpau Guite, Chairman, ADCC makaih in zingchiang sunma dak 11:00 in District Council Office Hall, Tuibuang ah elected member te’n haksatna tuamtuam a neihte uh genkhawmna nei in district boundary toh kisai a over-lapping omte kikup khawmna nei ding ua, Chief Association tuamtuam banah mimal lunglutna nei khempeuh tel theih ding hi’n thutut kingah hi.

XXXXXXXX

Churachandpur Consumers’ Club in Press Release bawl in Lamka khopi sung a om dawr khat in Maximum Retail Price (MRP) sang a tamzaw a van a zuak ziak in a tungtang Consumer Court tut om hi. Hiai toh kisai a Churachandpur Consumers’ Club in thusuah a bawlna ah Tedim Road, New Bazar a om M/S Lamka Steel in thil belhna dia kizang Fevikwik kichi original price tag a Rs. 10 kigelh Rs. 15 in zuak ua, hiai in consumer-te right naktak a bohsiatna hi’n taklang hi. Hiai toh kisai a van leitu in CCPur Consumers’ Club ah report bawl in a receipt leh a van leite pekhia a, hiai thu toh kisai CCPur Consumer Club in Consumer Court tun hi. Hichibang kineksiatna pen Consumer Protection Regulation Act (COPRA), 1986 leh Food Safety & Standard Act, 2016 bohsiatna ahih banah sum tamtak liau theihna leh jail tanpha taan theihna hi’n taklang a, maban ah hichibang thil kuaman a hih nawnlou ding in theihsakna leh ngetna bawl uhi.

XXXXXXXX

Zenhang Lamka a om Bijang Loubuk Govt. Jr. High School in zan a SSA tungtawn a textbook hong paite student-te lak ah hawmkhiakna a neih nung un tuni sun dak 12:00 in hiai school a kai thak student-te kiang ah Uniform hawnkhiakna nei nawn in, naupangte Huut-lou neksakna nei uhi. Hiai hun zatna L. Thanzam Pulamte, AI/CCPur Block in uap in, SSA tungtawn a uniform hong paite student-te kiang ah piakkhiakna nei hi. Bijang Koubuk Govt. Jr. H/S ahihleh CCPur district a dia school kumlui mahmah ahih banah tulai a mi poimoh tuamtuam tamtakte khanletna hi’n kigen a, tulel in Thangkhansuan in hiai school ah Headmaster Incharge hihna len in ama etkaina nuai ah teacher 13 leh student 206 omlel hi’n thutut kingah hi.

XXXXXXXX

Lamka khopi sung a Facebook leh WhatsApp group banah Student Movement a admin teng in thusuah bawl in, UPF leh KNO in February 13, 2016 chiang a salphate luang vui dia thutanna a bawl uh deihlouh etsakna in February 11, 2016 zankim apan dakkal 24 sung Lamka khopi sung Total Shutdown puang uh hi’n taklang hi. Hiai hun zahtaklou a Dawr hong teitei hiam, Gari a taikhe teitei a om a, haksatna bang hiam a tuah leh amoh amau a kipuak ding a, kuamah ngoh theilou ding hi’n taklang hi. Hiai bandh in medical, water supply, electricity leh Press/Media-te huam khalou ding a, himahleh I-card hoihtak a neih kei ua leh paisuak phal hituanlou ding uh hi’n leng taklang uhi.

XXXXXXXXX

SSPP Residential School Managing Board te’n zan nitak dak 6:00 in SSPP Residential School Hall, Nghathal ah SSPP GHQ etkaina nuai a om Bukpi High School leh SSPP Residential School apan tukum a Class X exam dingte hasotna leh thumsakna program zang uhi. Hiai hun zatna Pausuanlian in makaih a, Siamnunlian Valte, Chairman, SMC in vaidawnna thu gen in, Rev. Ginmalsawm, Director, Social & Development, EBC in hasotna thu gen in Class X exam dingte thumsakna nei hi. Program hunsung in Nangmuansang Lethil, General Secretary, SSPP GHQ in student-te kiang ah exam maituah ding dan toh kisai a theih tuak poimoh tuamtuam omte pulakna nei a, Miss Kimbiaksang, Headmistress, SSPP Residential School in kipahthu gen in D. Thangchinmawi, Finance Secretary, SMC in thumna in hun khakna nei hi. Tukum SSPP Residential School min a Board exam dingte a batch 4na hita ding a, a vek un student 24 pha in, SSPP GHQ in a etkai Bukpi High School apan student 4 leh Suangdoh High School apan student 8 te’n Board exam pe ding uhi. Thutut kingah dan in, SSPP GHQ in Zodawn lam a siamsinna lam khansakna dia Saptuam, Village Authority, Elected Representative leh organization tuamtuamte toh pangkhawm a pan a lakna uh tungtawn in tukum in Zodawn lam apan HSLC Exam ding student 40 a om banah tu Academic Session thak ah SSPP in malakna a neihna khuate ah sinlai naupang tamtak kibehlap hi’n thutut kingah hi.

XXXXXXXX

Songtal Siamsin Award Committee saina in hongtung ding February 20, 2016 sunma dak 11:30 in G Paukholian tenna inn College Veng New Lamka ah Songtal khomi tukum a Class X leh XII exam dingte thumsakna hun zang ding uhi. Hiai hun ah Joel Tonsing in vaidawn thu gen in thil omdan pulakna neiding a, Rev M Khamlianmang in exam dingte Hasotna leh Thumsakna nei in, Sir Thianlalven in Briefing neiding a, Minlian in kipahthu genna neiding hi.

Xxxxxxxx

Manipur Tribals’ Forum, Delhi in tuni February 10, 2016 tan a I movement uh leh I nget te uh toh kisai a Manipur Tribals’ Forum, Delhi in Delhi tual a pan a lakna tuamtuam omte mipite leh public makai theihding in public notice bawl uhi. MTF Delhi in public notice tuni a a bawl uh kimu in a taklat dan in, Manipur Tribals’ Forum, Delhi (MTFD) in tuni tan in channel tuamtuam zang in Manipur singtangmite a ding thil nget tuamtuam ana neitou uh a, Political front ah Manipur Tribals’ Forum, Delhi (MTFD) in India President, Home Minister, MoS (Home), Joint Secretary (North-East), leh official tuamtuam tamveitak kimuhpih khin uh a, a kimuhpih te uapan singtangmite thilnget te ahiding mah ahihdan ana genpih zel uh hidan a gen in, thuchiam hoihtak tak leng Manipur Tribals’ Forum, Delhi (MTFD) kiang ah bawl in, I thilngette uh ahiding mah ahi chih pom chiat uh hin gen a, Legal front ah legal toh kisai minthang taktak leh constitutional experts te tanpha Manipur Tribals’ Forum, Delhi (MTFD) in thuzak in kimuhpih uh a, amaute’n a kul leh poimoh dungzui in Manipur singtangmite haksatna huhdia mansa a om uh ahi chin Manipur Tribals’ Forum, Delhi (MTFD)in a thusuah uah taklang hi. Huaiban ah Manipur Tribals’ Forum, Delhi (MTFD) in India gamsung a Member of Parliament (MP) bangzah hiam toh kithuzak uh a, singtang mite haksatna toh kisai in bangzah hiam in Manipur singtang mite haksatnate Parliament ah tangkoupihta uh chin MTF Delhi in gen hi.

Tulel in leng maban a Parliament Budget Session om hun ah singtang mite haksatna tangkoupihna ding in MP tamtak te gupna MTF Delhi in ngetna neilel hin leng gen hi. Phualpi solkal toh MTF Delhi in kihouna a neihte uh crucial mahmah a, himahleh I thilngette uh uh leh I kihounate uh serious tak a I ngaih mahbang un, salphate bangzak a si uh hiam chih ngaihtuah kawm a salphate luang zahtak tak a vui a om theih ding deih uh hin MTF Delhi in taklang uhi. MTF Delhi kichi I gam humbitna ding leh I diknate tangkoupih banah tribal community makaite toh kithuzakna ah a laizang a om hin gen a, Jantar Mantar mun a hunchiam omlou indefinite sit-in protest leng neih a om nawn hin taklang hi. MTFD in salphate zahna sangpen a piak kawmkawm un a sihna ziak uh a thawn a beisak ngeilou ding uh hin taklang ua, kumlui August 31, 2015 a Manipur solkal in Bill 3 a passed te Phualpi solkal ah koltang in theihpihna leng tuni tan pelou uh a, huai kawmkawm in MTF delhi in Phualpi solkal kiang ah Manipur singtang gam buaina ah Phualpi solkal kigolh dingleh salpha 9 te sihna toh kisai in, High Level inquiry pan a tualthattute Dan toh kituak a gawtna a piak ding uh ngetna neitou den uh hin tua thusuah a gen uhi.

Thusuah in a taklat zelna ah, MTF delhi in Manipur singtang gam teng India danbupi nuai a Sixth Schedule nuai a koih ding in ngen ua, empowered model kichi kivaihawmna tuamkhat dinkhiak a singtangmite humbit ahihding deih a panla uh hin gen hi. Huaiban ah, Manipur state solkal in singtangmite kiang ah thupha tawisawm in Hiamkham kichi bawl mahleh salphate thattue tuni tan mat ahih nailouh ziak un, MTFD in Court pansan in FIR gelhlut ding a panla uh hin gen hi. Singtangmite a ding a MTF delhi in nget a neih uh chi tuamtuam lak ah a sawt daih ding in a tuam a kivaihawmna separate administration kichi dinkhiak a hihtheihna ding in MTF Delhi in panla tawntung dia kiman sa a om ahihdan leh panla lelel uh hin tua thusuah in gen a, India Danbupi nuai a Article 371C pansan in singtanggam nelh siahna toh kisai in phualpi solkal in a ut hunhun in Manipur state solkal kiang ah Singtangmite a ding in “directions” a piaktheihna ding in special power nei gige hin leng tua thusuah in taklang hi. Singtang gam humbitna ding a salphate’n a luang uh a thoh nung uh ni 163 chingta ahihman in, siluang vuikhiak ding thu ah pilvan poimoh mahmah a singtangmite’n kituaktak a lungsim leh ngaihdan a kirual chiang in vuikhiak hileh chih deihthu leng gen ngal uhi.

xxxxxxxxxx

EAC nuai a om Relief & Development-te saina in Lamka khopi sung a Women Self Help Group tuamtuamte a ding in ni 13 sung daih ding Micro-Entreprise Development Program nuai ah Piggery (Vok) leh Poultry (Ak) Farm bawl ding dan toh kisai training kipan a, tuni zinglam dak 10:30 in honkhiatna Program zat in om hi. Hiai hun zatna Lalhossan, Vice Chairman, ADCC in Chief Guest hihna toh uap in, G. Thangchinkhup, DDM/NABARD Guest of Honour in pang a, Lamka khopi sung a Women Self Help Group tuamtuam apan mi hunkhop kihel uhi.

{youtube}/492hwRKt5Y0{/youtube}

Thutut kingah dan in, hiai training program ahihleh NABARD sensakna tungtawn a EAC Relief & Development te’n a sai uh hi a, Pangkhawm Women SHG, IB Veng WSHG, Lunglut Pawl WSHG, Nunu WSHG, Lawmhoih WSHG, Ak Gou Pawl WSHG, Tilsan WSHG leh Chitak Pawl WSHG apan member 30 val hiai training ah tel ua, February 25, 2016 in zousiang ding uhi. Inaugural Program ahi Simon L. Hrangchal, Director, Relief & Development Deptt, EAC in vaidawnna thu gen in, numei te’n mahni innsung etkai kawm a sum tam loulou ana huilut theihna ding uh ngimna a hiai training sai a om ahih dan gen hi. CCPur District mipi te’n thil hih theih kihau mahmah a, himahleh siamna taktak nei a omlouh ziak in nek-le-tak lam ah kitoudelh zou kuamah omlou hi’n gen a, voksa leh aksa bek a kitoudelhna theihna ding ngimna a hiai training sai a om hi’n gen hi. Guest of Honour a pang G. Thangchinkhup, DDM/NABARD in a gendan in, nidang in NABARD in REDP, STI chihte nei sek mahleh huai teng subei in numei te’n leng khosuah theihna ding khop thil a laisuah theihna ding un Micro-Enterprise Development Program (MEDP) kichi pankhia a, hiai in a tuppen ahihleh Women Self Help Group tuamtuam te’n siamna hoihtak nei a farm hiam ahihkei leh sumdawnna a bawl theihna dung uh ngimna hi’n gen hi. CCPur District mipi’n thil bangkim ah traditional practice kipaipih in skill development lam a kingaihsaklouh ziak in thil paidan hoihtak kitheilou ahih man in I thil hih khempeuh uah kilohsam tangpi hi’n gen hi. Training a tel te lungluttak a tel a, hiai tungtawn a thil tamtak zilkhiak sawm a panla ding in hasuan hi. Chief Guest a pang Lalhossan, Vice Chairman, ADCC in vok vulh, ak khoi chihte ah lunglut mahmah ahihdan gen in, mipi a tam theipen in ak leh vok vul a mahni kitoudelh District a hih theihna dia NEC ah project pelut dia kisa lel uh hi’n gen hi. NABARD in EAC toh pangkhawm a hiai bang hon sai pen kipahpih mahmah ahih dan gen in tamtak in a phatuampih uh a lamet thu gen hi.

XXXXXXXX

Zomi Re-Unification Organization (ZRO) in tuni’n thusuah bawl in UPF-KNO in February 13, 2016 chiang a salphate luang vuikhiat dia thupukna a bawl pen pomtheilou hidan in taklang hi. Thusuak in a taklat dan in, UPF leh KNO in apaisa February 7, 2016 in Imphal ah meeting nei in, huai meeting ah palai piakhawm te’n 3 Bill toh kisai banah salphate luang vui khiat ding dan toh kisai mipite toh February 9, 2016 chiang a consultative meeting neih masak ding in thupuk uhi. Thupukna dungzui in February 9, 2016 in KKL Complex, Headquarters Veng ah meeting neih himahleh Bill 3-te toh kisai himhim genkhak a hihlouh banah, JAC/JPO leh stake holder tuamtuamte ngaihdan lakkhawmna leng omlou a, huchi khawmkal ah PS Haokip, President, KNO in ama deih dan in salphate luang vuikhiat ni ding bikhiah mawk hi’n taklang hi. Hichibang a kivaihawm khumna pen ZRO in ngai theilou in salphate luang vuina dia a ni bikhiah a om leng pom theilou a, kitheihsiamna hoihtak a om masiah salphate luang vui hilou ding hi’n a thusuah ah taklang hi. 

XXXXXXXX

Government leh Private company tuamtuam a sepna zawng te’n biahsamtak a amuh theihna ding ua panpihtu ding in Lamka Job Consultancy kichi IB Road-Mission Road Junction ah honkhiak in om a, a nasepdan uleh thil paidan ginlelh huai sakna ziak in tuni sunnung dak 2:00 vel in Lamka Traders & Self Employed Association (LATSEA) in etkhiakna nei ua, licence bangmah muh ahihlouh banah document tuamtuam lah ding a neihlouh ziak un tuni’n khaksak uhi. Lamka Job Consultancy ahihleh apaisa February 7, 2016 vel a kihongkhia hi a, navy, airforce, banking leh a dangdang ah sepna zonsak thei uh hidan a kigen in, Keishampat Junction a om Sana Land Job Centre toh kizom uh hi’n kigen ua, tuni in leng Imphal apan interview nei ding in mi 2 - Bidyachandra leh Bijendra hong paitou uh hi’n kigen hi. Amau tungtawn a sepna zong te’n application form man mi khat tung ah Rs. 300 la zel ua, sepna a muhsak chiang ua Calling letter a ngah theihna ding un Rs. 1,000 a piak behlap uh ngai ding hidan in rules & regulation a bawlna uah taklang ua, tuni tan in form 194 hawmkheta ua, form a hawmkhiak teng uh a sum a tuat in Rs. 59,000 val phazou hi’n kigen hi. LATSEA in tuni a etkhiakna a neihna uah, Lamka Job Consultancy kichi neitu mumal omlou banah trade licence kichiantak leng neilou uh ahihdan musuah ua, thudot tuamtuam a neihte uh mumal tak in dawnna pe theilou uhi. Hiai bang thu om tak in Interview bawl dia hong pai mi 2 te’n LATSEA toh kihouna nei dia Imphal a om Job Consultancy Manager hong pai ahih dan theisak mahle uh tunitak dak 6:00 tan in leng hong tung nailou hi. LATSEA in Lamka Job Consultancy a luhkhiak hun un vanzat tuamtuam uh Laptop 2, Receipt Book 2 leh seal tuamtuam hentang sak ua, kihoulemna a neih matan uh pekhelou ding uh ahih dan LATSEA te apan thutut kingah hi. Hiai Lamka Job Consultancy pen a taktak leh taktaklouh theihkhiak hinaikei mahleh, sepna tuamtuam a zonsak dan uleh rules & regulation a bawl dan uapan ginlelh huai mahmah hi’n kilang a, maban ah leng kuapeuh in khemna I tuahlouhna ding in thil omdan kanchian masa thei zel leng hoih mahmah ding hi.

XXXXXXXX

Siamsinpawlpi Joint Headquarters Lamka in tutung Class X Board Exam dingte khualna in hongtung ding February 16 apan February 26, 2016 sung in CCPur Govt. College ah Mathematics leh Science Subject ah Free Coaching sai sawm ua, February 13, 2016 (Kiginni) zinglam dak 9:30 in honkhiakna program om ding hi. Hiai hunzatna Langkhanpau Guite, Chairman, ADCC in Chief Guest hihna toh uap in hongkhe ding a, G. Thangkhosuanmung, EM/ADCC leh Lianzapau Samte, President, SSPP GHQ te’n Guest of Honour leh Functional President hihna toh hiai hun zatna uap ding uhi. Hiai hun ah Coaching a tel dingte thumsakna om ding ahih man in Coaching a tel dia min khumlut teng kimtak a tel ding in SSPP JHQ Lamka in theihsakna bawl a, tuaban ah, lunglutna nei min khumlut nailou te’n leng huai ni in Passport size limlak copy 2 leh Enrolment Fee Rs. 100 tawi in min khumlut theih lai ding hi’n thutut kingah hi.

XXXXXXXXX

Hongtung ding February 13, 2016 (Kiginni) zinglam dak 10:30 apan in National Legal Services Authority, New Delhi leh Manipur State Legal Services Authority-te etkaina nuai ah CCpur District Legal Services Authority te’n Chief Judicial Magistrate Court Compound, Tuibuang ah Bank toh kisai a thubuai neite a dia Lok Adalat om ding chih himahleh CCPur District sung a dan leh thupiak lam a nawngkaina om ziak a March 12, 2016 chiang a dia a hun suan gamlat a om hidan in Lamkhanpau Tonsing, Secretary, CCPur Legal Services Authority apan thutut kingah hi.

XXXXXXXXX

Langkhanpau Guite, Chairman, ADCC makaih in elected member leh kho hausa tuamtuam te’n tuni sunma dak 11:00 in District Council Office Halk, Tuibuang ah consultative meeting nei in, district boundary toh kisai a overlapping omte toh kisai genkhawmna nei uhi. Hiai meeting ah Lalhossan, Vice Chairman, ADCC, Genneikhup Vaiphei, EM/ADCC, G. Thangkhosuanmung, EM/ADCC leh T. Khaikhomang, Chairman, Finance Committee banah United Chief Committee, CoPTAM leh District boundary a om kho hausa tuamtuam tamtak kihel ua, haksat tuamtuam a neihte uh genkhawm in district humbitna dia panlak theih dan tuamtuam omte kikum khawm uhi. Thutut kingah dan in, Manipur State sung a Autonomous District Council Chairman teng in February 16, 2016 chiang in kimuhkhawmna nei nawn ding ua, kho hausa leh stakeholder tuamtuam te’n haksatna a genkhawmte uh Chief Minister leh Concern Minister kiang tut hiding hi’n thutut kingah hi.

XXXXXXXX

Hongtung ding Sintawpni February 12, 2016 in Saipum khomipite’n LM Khaute, DGP Manipur, N Neihsial, GK Chin Khaute leh C Zorammuana a ding in Maicham bawlsak ding uh chih himahleh Lamka Total Shut Down ding ziak in Maicham bawl hunding kalnawn Seppatni February 15, 2016 a ding in a hun suan uh a, huai hun toh kituak in kuamah Bandh, Strike bawlkhum lou hamham ding in Maicham Organising Committee Saipum in ngetna news tungtawn in bawl uhi.

xxxxxxxxxxxxx

Singtangmite tanvou nelhsiah a om na ziak a salpha 9 hinna ana pete vui khiak hiding chia UPF leh KNO in thusuah a bawl uh deihlou a, Social media group tuamtuam in Lamka khopi sung a Total Bandh tunitak zankim apan zingchiang February 12, 2016 zankim tan Lamka khopi sung Total shut down a puan uh Social Media group Alert Zone kichi pawl in unconditional support puang uh hi. Alert Zone in thusuah a bawlna uah Bandh puan a om pen a lohchin theihna ding in full co-operation peding uh a, huai kawmkawm in singtangmi kichi khempeuh in bandh hun ah JAC leh MTF Delhi te’n singtangmite a ding a thilnget a neihte uh nungthuap kawm a, Tribal movement hihse thei dingte himhim doudal ding in ngetna nei uhi. Alert Zone in a taklat zelna uah, UPF leh KNO makaite’n leng a lungsim put zia uh khek a, mipi toh kal a thil deihhuai lou a tunlouhna ding in mipite sou (pulse) dom ding in ngetna nei uh a, huai kawmkawm in Alert Zone in mipite Movement kichi paipih in nungthuap zelding chi hi. Tulel a JAC leh MTF Delhi in singtangmite hamphatna ding a pan a laknate uh leh tunung a a lakding te uh leng nungthuap tou zel uh hin taklang ua, tulel a stakeholders tuamtuam omte leh hong omlai dingte kiang ah leng MTFD leh JAC in plan leh strategy a neihte uh zahtak sak a, side khat kia ngaihtuah lou a nasem ding in ngetna nei uhi. Huaibanah, Alert Zone in JAC leh MTFD makaihna nuai a Tribal Movement pailel hoihsa mahmah uh ahihdan taklang kawm in, JAC leh MTFD panlakna hihbuai leh su thadah theiding kuaman hihlou ding in ngetna bawl uh a, Tribal movement a pai kawmkawm in social reformation kichi khotang kikhekna pailel pen Alert Zone in focus a nei a hihdan gen in, nekgukna omlouhna Society hong piankhiak ngei lam-en tinten uh hin tua thusuah ah taklang in, thil bangteng om mahleh thudik tuh thudik mah ahi thouthou ding chin Alert Zone in a thusuah uah taklang uhi.

Xxxxxxxxxxxxx

SBI-RSETI in sepna neilou tuailai kum 18 apan kum 45 kikal mite a dia EDP Training pailel 47th Batch te’n tuni’n training zousiang in sunnung dak 1:00 in certificate piakkhiatna nei uhi. Hiai training ahihleh ni 6 sung daih ding hi a, apaisa February 5, 2016 ni a kipan in, mun tuamtuam apan mi 20 val kihel ua, S. Mangboy Vaiphei, MBA leh CT Lian Guite, MBA te’n sinsakna nei uhi. Training hunsung in resource person te’n sum-sinna lam toh kisai a theih tuak poimoh tuamtuam omte hoih tak in sinsak ua, K. Hirachandra Singh, Director, SBI-RSETI/CCPur in training a telte kiang ah certificate piakkhiatna nei hi.

XXXXXXXX

New Delhi: When the decision to bury nine dead bodies still lying in a Churachandpur hospital was taken on Tuesday during a meeting convened by the Kuki National Organisation (KNO) and United People’s Front (UPF) at Churachandpur and attended by the JAC against anti-tribal bills and Zomi Re-Unification Orgainization, the Manipur Tribals’ Forum Delhi (MTFD) through a press release has reiterated its stand of a dignified burial. However, MTFD has also made it clear that the sacrifices of the nine people who died while pretesting against the promulgation of those “anti-tribal bills” should not go in vein. The press release dated February 10 states that the forum is in touch with central government and several MPs and has been pushing for a discussion on this issue on the coming session of the parliament.

While protesting in Janatar Mantar incessantly for more 100 days, the forum has also pressed for a high level enquiry of the killing. It has also demanded sixth scheduled status for the tribal areas of Manipur.

Moreover, the bills as of now are with the central government and the centre is yet to give its assent in the said bills. In such circumstances, the forum says the decision to put the martyrs in rest should be in the collective interest of all the tribals of Manipur. On the other hand, the Zomi Re-Unification Organization which also attended the February 9 meeting is opposing the February 13 burial tooth and nail. In a press release dated February 11, it says on February 9 meeting the opinions of other stakeholders were not heard. It further says, PS Haokip of KNO suddenly fixed and dictated the burial date of the martyrs. ZRO wants a mutual consensus on burial dates and as for now ZRO in disagreement with proposed date.

-NET Bureau

Imphal: There was tension in Manipur's Churachandpur district on Friday after a couple of organisations decided to bury the bodies of nine tribals killed allegedly in police firing last September.

Sources said the UPF and KNO decided to bury the bodies and that the state government supported the idea. But the Joint Action Committee, which is spearheading the protest, said it still stood by the charter of demands and other preconditions it had laid down to resolve the land bills and the "tribal martyrs" issue.

February 13th was the day the two organisations decided for the burial but some of the locals have formed a ring outside the morgue to prevent anyone from entering the place where the bodies are kept.

On 31 August 2015, the Manipur Assembly passed three bills in response to a demand for reintroduction of the Inner Line Permit (ILP) by the valley people -- the Meiteis living in four non-hill districts -- to stem influx of migrants into the State. They were the Manipur Shops and Establishments (Second Amendment) Bill, 2015, The Protection of Manipur People Bill, 2015 and the Manipur Land Revenue and Land Reforms (Seventh Amendment) Bill, 2015.

Next day, a violent demonstration took place in Churachandpur town against the bills by the hill people -- those occupying the six hill districts of Ukhrul, Senapati, Tamenglong, Chandel, Sadar Hills and Churachandpur. They alleged the bills will give the Meitei-majority state government "sweeping powers" to not only take away their traditional rights over their land, as granted by the Constitution, but also eventually compromise their tribal identity.

Police allegedly opened fire against the demonstrators when they took to the streets. Nine people, including an 11-year-old boy were reportedly killed.

Protesters have refused to bury them till their charter of demands are met, which includes Manipur government withdrawing the bills and the central govt granting them autonomy.

Tutung Manipur singtangmite buaina toh kisai a awlmohna liantak nei a Lamka khopi pansan a Facebook leh WhatsApp group tuamtuam a Admin te’n All Tribal Movement of Lamka (ATML) makaih a Lamka khopi sung dakkal 24 sung daih ding Total Shutdown a puang uh lohchingtak leh buaina bangmah omlou in beita mahleh All Manipur Tribal Women Union makaih in zingchiang tan Total Shutdown sutzop hilai ding hi’n thutut kingah hi.

{youtube}/3eE3NMviZmw{/youtube}

Thutut kingvah dan in, UPF leh KNO in a ziak a zal bangmah omlou banah organization leh stakeholder tuamtuamte lemsakpihna tellou a zingchiang (February 13, 2016) a salphate luang vui dia thutanna a bawl uh mipi tamtak in deihlou a, tuaban ah tutung tribal movement pailel toh kisai leh Bill 3-te toh kisai a Centre hi’n Manipur Government apan thu leh la bangmah omnailoupi a salphate luang vui ding chih mawk pen mipi kuapeuh in ngai theilou a, UPF-KNO in hiai bang a thupukna a lak mawk pen deihlouh etsakna a ATML makaih a Joint Admin te’n total shutdown a puan uh hi’n thutut kingah hi. Bandh hunsung in khopi sung ah Press/Media-te zat gari chihlouh gari dang tai muh ding omlou a, office leh school teng teng a kikhak banah Lamka Damdawi Inn a damdawi zuakba dawrte chihlou khopi sung ah dawr kihong muh ding omlou a, kikawmtuahna leng nawngkai mahmah hi. Tutung bandh kibawl pen nidang toh a kibatlouhna ahihleh facebook leh whatsapp group tuamtuam a telkha teng bandh volunteer hivek ua, kholai dung ah mipi tam mahmah in hindan ngeina nawngkai mahmah hi. Bandh Volunteer-te Lanva Lei leh Sielmat Lei ah om deuh tangpi ua, tyre sia kihal khu vengvung in, khopi sung ah sepaihte gari natawm lutsak hilou hi. Tuni a bandh neihna toh kisai a mipi in naktak a kithuahpihna a piak ziak in ATML in kipahthu gen a, zingchiang in tuni a sang a khauh zawsem a paitouhpih sawm ahihman in mipi’n tuni a bang a kithuahpihna pia a, innsuan apan mi khat chiat bandh volunteer dia kuankhe chiat ding in ngetna bawl uhi.

XXXXXXXXX

Zomi Counci makaih in hongtung ding February 20, 2016 zingkal dak 7:00 in Zomi Council Office, ZC Colony, New Lamka ah Zomi Nam Ni a 67veina zat hiding hi. Hiai hun ah Zomi Council Chairman B. Dongzalian Simte in Zomi Flag kaipalh in thugenna hun zang ding a, Rev. Khen P. Tombing, Chief Co-ordinator, PCI (R) makaih in makai mualliamsate suunna hun zatna om ding a, Zomi Council nuai a om Tribe leh Frontal Organization a Cabinet Member teng in Zomi Nam puan silh a kimtak a tel chiat ding in Dr. Neng Ngaih Lian, Secretary, Zomi Council in theihsakna bawl hi.

XXXXXXXX

District AIDS Prevention & Control Unit (DAPCU) in monthly report a suahkhiakna ah, January, 2016sung in Churachandpur District ah HIV positive 12 muhkhiak a om hi’n taklang hi. Report in a taklat dan in, tu January khasung in minautangte lak ah sisan test mi 370 om in, huaite lak ah HIV Positive 8 muhkhiak in om a, Numei nau paai 513-te sisan test a om in HIV Positive 3 muhkhiak a om hi’n taklang hi. Tuaban ah, tu January khasung mah in Female Sex Worker (Numei kizuak) sisan test 158 om in, khamtheih hih (Injecting Drug User) mi 126 in sisan test ua, amaute lak ah HIV Positive muhkhiak omlou hi. Tuni tan in ART Centre ah PLHIV 3,451 in registration bawl in, ART ne mi 1,341 omlel hi’n leng report in taklang hi.

XXXXXXXX

Baptist Youth Fellowship, EBC in zingchiang (February 13) a Tuailai 1434 Pro Poster Campaign leh Thumkhawmna neihna ding toh kisai in gamsung dinmun en kawm in program zat ding dan lep thak a om hi’n Rev. Paukhanmang Guite, Director of Missions, EBC in thusuah bawl hi. Thusuak in a taklat dan in, Tuailai 1434 Pro Poster takkhiatna ding toh kisai in Local BYF te’n amau lemtan dandan a semsuah ding uh hi’n taklang a, Tuailaite Centenary Hall a paikhawm a thumkhawmna neih ding kichi pen leng hun lemtang masapen a dia suan in om a, himahleh Tuailai 1434 Pro Website honna leh EBC Centre Choir Album honna zingchiang zinglam dak 10:00 in Mini Auditorium, EBC Guest House ah neih hiding hi’n taklang hi. Hiai hun ah program zatna T. Lianchinpau, Chairman, CBYF in makaih ding a, Rev. V. Thangkhangin, Director of Missions in Tuailai 1434 Pro website hongkhia in, Rev. Paukhanmang, Director of Ministries in EBC Central Choir Album hongkhe ding hi. Hiai hun ah CBYF Committee Member, Lamka South leh Lamka North Division a committee member-te banah mipi a ut peuhmah tel theih ding hi’n thutut kingah hi.

XXXXXXXX

Centre Government in nek-le-tak zonna lam a hak deuhte khualna a social security scheme tuamtuam a patkhiakte join theih hun December 2015 tan a ding in bikhiah bawl mahleh mipi a tam thei lam in hiai scheme tuamtuamte a phatuampih theihna ding uh ngimna in Department of Finance Services, Govt. of India in join theih hun May 2016 tan a ding in a hun suksau a om hi’n thutut kingah hi. Centre Government in May 2015 a social security scheme a patthakte ahihleh Pradhan Mantri Suraksha Bima Yojana (PMSBY) leh Pradhan Mantri Jeevan Jyoti Bima Yojana (PMJJBY) hi a, khosak haksa deuh te’n man tawmchik a insurance a ngah theihna ding uleh a sep zoh nawnlouh hun ua kivakna ding sum a neih theihna ding uh tupna a phualpi sorkar in hiai bang hon patkhiak hi’n kigen hi. PMSBY ahihleh tuahsiatna (accidental) insurance scheme hi a, mimal khatpeuh kum 18 apan kum 70 kikal a upa Bank Account nei khempeuhte tel thei ding ua, Kum khat in Rs. 12 kia sung in, huai kum sung a banghiam sihna-manna a tuah uleh Rs. 2 Lakhs insurance mu ding uhi. Huailou in, PMJJBY ahih leh term life insurance hi a, Rs. 2 lakhs insurance cover neihna ding in kum khat a sum sun Rs. 330 ahi. Kum 18 apan kum 50 kikal mite’n bank account a neih ua leh May 31, 2016 tan in join thei ding uhi. December 31, 2015 tan in Manipur pumpi ah milip 82,793 val in hiai insurance scheme join-ta uh h’n thutut kingah hi.

XXXXXXXX

Singtangmi sung a India sepaih a pang officer tuamtuam te kipolh khawmna Eimi Sepaih Officer kichi te’n Salpha te ziak a Joint Philantropic Organisation (JPO) kiang a lai a khak uh a copy kimu in a taklat dan in, a paisa October 8, 2015 a Salpha 9 te a zahtaakna uh etsakna in, Eimi Sepaih Officer ten amau te gaalna sum dangka Lakh 1 JPO khut ah pekhia uh a, himahleh tua sum a piak pen uh pawl tuamtuam in amau deihbang a zat mai dinga a piak uh hilou in, Salphate gaalna dia a kithoh khawm uh hi a, huaiziak in gaalna sum dia a piakte uh Salpha 9 te' innkuan chih kianga piak khiak hileh chih deih uh hin Eimi Sepaih Officer te’n a thusuah uah taklang uhi. Huai ban ah tua sum a piakte uh gaalna sum ahihman in, akuadang akuadang hiam pawlpi hiam mimal hiam phungvuh tupna ziaka a piak uh ahihlouh man in, amu di te kiang ah tuni February 12, 2016 tan a piak khiak hileh chih a nget uh leh a deih uh hin taklang ua, gaalna sum dia a piak uh dangka Lakh 1 pen Salpha 9 te' innkuan te aki kimkim a hawm hi henla, himahleh ahawm khiakna nasep toh kisai a JPO in haksat a theih uhleh, dangka Lakh 1 pen Eimi Sepaih officer te kiang a pekhia a, a hawm khiakna lam amau mohpaw ding uh hin gen uhi. 

XXXXXXXXX

VTI Auditorium, Muollum Rengkai ah zingchiang February 13, 2016 tan daih ding Hmar Inpui General Assembly a 8veina tuni’n kipan a, agenda tuamtuam omte genkhawmna nei in zingchiang in election nei ding uhi. Hiai hun ah Tripura, Mizoram, Meghalaya, Assam, Vangai, Hmar Bial, Tuithaphai, Imphal, Guwahati leh Delhi Region apan palai 200 vel paikhawm ua, Hmar Inpui kivaipuak dan toh kisai a genkhawm banuah Hmar Inpui region tuamtuam a khen ding dan gen in, Regional Headquarters teng in Hman culture kepbitna ding in Sikpui Ruoi a thupi theipen a zat ding in thupuk uhi. Tuaban ah, Hmar Martyrs Day leng tukum apan Regional Headquarters teng ah zat hita ding a, HYA GHQ in Hmar Customary Law a bawl Hmar nam pumpi in a zat theihna dia panlak hiding in gen uhi. Zingchiang sunma dak 11:00 apan in General Election om ding a, huai ah palai paikhawm te’n President, Vice President, Secretary, Jt. Secretary, Finance leh Treasurer ding telna nei ding ua, oath taking leh thumsakna hun leng om ding hi’n thutut kingah hi.

XXXXXXXX

Tutung Manipur singtangmite buaina toh kisai a awlmohna liantak nei a Lamka khopi pansan a Facebook leh WhatsApp group tuamtuam a Admin te’n All Tribal Movement of Lamka (ATML) makaih a Lamka khopi sung Total Shutdown a puang uh lohchingtak leh buaina bangmah omlou in tuzan in beita hi.

{youtube}/WMktDk8KI48{/youtube}

ATML in Tribal Students’ Movement, The Singtangmi leh Joint Admin tuamtuamte toh pangkhawm a Lamka khopi sung Total Shutdown a puan uh February 11, 2016 zankim a kipan hi a, dakkal 24 sung daih ding chih himahleh ngetna tuamtuam tamtak a om ziak in tuni a leng sutzop touh a om hi a, buaina thupi lua gen ding omlou in tuzan zankim in bandh beita ding hi. Thutut kingah dan in, UPF leh KNO in a ziak a zal bangmah omlou banah organization leh stakeholder tuamtuamte lemsakpihna tellou a tuni (February 13, 2016) a salphate luang vui dia thutanna a bawl uh mipi tamtak in deihlou a, tuaban ah tutung tribal movement pailel toh kisai leh Bill 3-te toh kisai a Centre hi’n Manipur Government apan thu leh la bangmah om nailoupi a salphate luang vui ding chih mawk pen mipi kuapeuh in ngai theilou a, UPF-KNO in hiai bang a thupukna a lak mawk pen deihlouh etsakna a ATML makaih a Joint Admin te’n total shutdown a puan uh hi’n kigen hi. Bandh hunsung in khopi sung ah Press/Media-te zat gari chihlouh gari dang tai muh ding omlou a, office leh school teng teng a kikhak banah Lamka Damdawi Inn kiim a damdawi zuakna dawrte chihlou khopi sung ah dawr kihong muh ding omlou hi. Sunma dak 11:30 vel in bandh volunteer te’n Bijang leh Tuibuang Bazar a dawr kihongte khaksak ding in kuansuk ua, himahleh Police te’n buaina om ding venna in Bijang Petrol Pump kong ah ana dang in huai ah kinawktuahna piang man dektak a, Police leh heutu tuamtuamte panlakna tungtawn in sukveng theih in om hi. Thutut kingah dan in, security te’n salphate luang thagum a puakkhiat sawm uh chih thuthang a om ziak in, February 11, 2016 nitak apan Lamka Damdawi Inn ah mipi tamtak kipunkhawm in, salphate luang veng in zanhak ua, zan nitak in leng mipi tamtak Lamka Damdawi Inn ah zanhak nawn in, Lamka Hanmual leh Sielmat Junction ah security force-te hong lut ding veng a zanhak mi hunkhop om hi’n thutut kingah hi. Gam leh leitang itna tak toh mipi kuapeuh in Total Shutdown puan a om kithuahpihna piak ziak un ATML, Tribal Students’ Movement, The Singtangmi leh Joint Admin te’n mipite tung ah kipah thu gen ua, pangkhawmna lou ngal singtangmite a dia lampi dang omlou ahih dan gen uhi.

XXXXXXXX

VTI Auditorium, Muollum Rengkai ah Hmar Inpui General Headquarters in zan apan General Assembly a 8veina a neih uh paitou zel in, tuni’n palai paikhawm te’n 2016-19 sung Hmar Inpui General Headquarters vaipo ding telna nei in President ding in Jospeh Lalrothang telching uhi. Hmar Inpui Genneral Assembly a 8veina ahihleh zan in kipan a, Rev. Lalhmuoklien in hongkhia in Dr. John Pulamte, Hmar Inpui President in Presidential Address gen a, Region tuamtuam apan agenda piakkhawm a omte genkhawmna om in, tuni in leng sutzop in om a, sun dak 12:00 vel in general assembly zou in palai paikhawm te’n vaipo ding telna nei ngal uhi. Thutut kignah dan in, tutung Hmar Inpui General Assembly ah Tripura, Mizoram, Meghalaya, Assam, Vangai, Hmar Bial, Tuithaphai, Imphal, Guwahati leh Delhi Region apan palai 200 vel paikhawm ua, palai paikhawm te’n President ding in Joseph Lalrothang telching in, Vice President ding in Upa J. Lalchhanhima a telching banuah, General Secretary ding in Francis Songate telching in, Joint Secretary ding Dr. Immanuel Zarzousang, Finance Secretary ding inUpa Laltlanmawi leh Treasurer ding in Miss May Rose telching uhi. Telching thak a omte Rev. Dr. Huolthangsei in kichiamsakna nei in amaute a ding in thumsakna nei hi.

XXXXXXXX

Tuni zinglam dak 10:00 apan in mun tuamtuam apan mipi tamtak Lamka Damdawi Inn ah paikhawm in ATML-te makaih in Public Meeting thupitak om a, mi tuamtuam apan thugen ngaihkhiakna om hi. Thutut kingah dan in, UPF-KNO in salphate luang February 13, 2016 a vui dia thupuan a bawl uh deihlouh etsakna in tuni’n Lamka Damdawi Inn ah mipi tamtak paikhawm ua, huai hun ah H. Mangchinkhup, Chief Convenor, JAC; Chin Ngaih Pau, President YPA GHQ leh Langkhanpau Guite, Chairman, ADCC te’n thugenna hun zang ua, public meeting neihna news zoh chiang in kimtak in hong suak ding hi.

XXXXXXXX

Sielmat Junction Blockade Point a (L) Rev. Dr. Rochung Pudaite theigigena dia poster kitak bandh volunteer te’n susia a lampi dalna dia a zatna utoh kisai in ATML, Tribal Students’ Movement, The Singtangmi leh Joint Admin te’n hih khial uh ahih dan puang in Hmar Youth Association (HYA) GHQ kiang ah ngaihdam ngen uhi. Hiai toh kisai thusuak kimu in a taklat dan in, zan nitak in bandh volunteer khenkhat in Sielmat Junction Blockade point a duty te’n Sielmat luttouhna bul a Rev. Dr. Rochung Pudaite theigigena dia lim kitaak lakhia in lampi dalna ding in ana zang uh hi’n taklang a, hiai toh kisai hih khial mahmah uh ahih dan puang in, maban ah hichibang thil hih nawnlou ding uh ahih dan taklang in, hiai ngaihdam ngetna Hmar Youth Association (HYA) GHQ in pomsak ding in ngetna bawl uhi.

XXXXXXXX

Tuni zinglam dak 10:00 in Mini Auditorium, EBC Guest House ah Tuailai 1434 Pro website leh EBC Central Choir in a bawl “Toupa Thupina” kichi music video album hokhiatna program om hi. Hiai program ahihleh tuni a EBC Gospel Centenary Hall a Tuailai 1434 Pro Poster Campaign leh Thumkhawmna neihna hun a zat dia guan himahleh gamsung dinmun en kawm a program lepthak a om in, tuni’n website leh EBC Central Choir album honna neih a om hi a, Thumkhawmna ahihleh hun lemtang masapen a neih hiding hi’n thutut kingah hi. Hiai hun ah Central BYF Committee Member, Lamka South leh Lamka North Division a committee member hunkhop kihel ua, T. Lianchinpau, Chairman, CBYF in hun zatna makaih in, Rev. Pumsuanmung, Youth Co-ordinator, EBC in vaidawnna thu gen a, gamsung buaina tuamtuam kawmkal a hiai bang a program zat theih a om pen kipah huai leh kisuanlah huai a sakthu gen hi. Program hunsung in Rev. V. Thangkhangin, Director of Missions in Tuailai 1434 Pro toh kisai a kithuzak tuahna dia kibawl www.tuailai1434pro.org kichi website hongkhia in Pathian kiang ah latna nei hi. Tuailai1434pro.org ahihleh tuailaite thutak leh diktatna a akibulphuh thakna ding ua vanzat dia kibawlkhia hi a, hiai website ah convenor message a om tuailai 1434 Pro in a tup leh a ngimte chiangtak a taklat ahih banah article tuamtuam tamtak leng koih in om a, a hun bang zel a update hiding hi’n kigen hi. Tuabangkal ah, EBC Central Choir in music video album thak a bawl uh “Toupa Thupina” kichi Rev. Paukhanmang Guite, Director of Ministries in hongkhia in Pathian kiang ah latna nei hi. Thutut kingah dan in, EBC Central Choir in tutung a music video album a bawl pen a 6na hita a, nikum February a recording kibawl pan tuni a honkhiak theih a om hi’n kigen a, hiai album bawlna ding in sum Rs. 3 lakhs val beizou hi’n kigen hi.

XXXXXXXX

Director of Ministries, EBC in Tuailai 1434 Pro toh kisai a Poster Campaign neihna pen Local BYF te’n mahni lemtan dan a ana nei dia thusuah a bawl dungzui in BYF, Central Lamka EBCC in biakinn kong leh New Bazar a poster kilawmtak a bawl uh tuni zinglam dak 10:00 in Pastor Letzathang Guite, Local Pastor, EBCC/Central Lamka in hongkhia in Pathian kiang ah latna nei hi. Hiai hun ah BYF Central Lamka a committee member-te kihel in, H. Siammuanlian in vaidawnna thu gen in, hiai Poster hong piankhiat dan pulakna nei a, Central Lamka huamsung a om mi phatuamngai mimal tuamtuam te’n sum tamloulou a thoh khawmte uh zang a kibawlkhia ahih dan gen a, Poster bawlna ding in Rs. 20,000 val lut hi’n gen hi. Hiai Poster ahihleh mi tamtak in sim a, kimuhkhiakna a hon zat theihna ding un Pastor Letzathang Guite in Pathian min in hongkhia in latna nei hi.

XXXXXXXX

National Institute of Public Cooperative & Child Development (NIPCCD), Regional Centre, Guwahati leh Department of Social Welfare saina in Mini Auditorium, Dorcas Jubilee Hall, New Lamka ah ni 5 sung daih ding Vertical Training Program of Block Level ICDS Functionaries of Manipur for Quality Improvement in ICDS Program kichi tuni’n kipan a, zinglam dak 10:00 in DC/CCPur Lunminthang Haokip, IAS in hongkhia hi.

{youtube}/-8dOW9EOvgg{/youtube}

Hiai training ah CCpur District sung block tuamtuam a CDPO leh Supervisor banah Lamka TD Block huamsung a Anganwadu Worker-te kihel ua, February 19, 2016 in training zousiang ding uhi. Training hunsung in Mrs. K. Sunita Seshadri, Asst. Director, NIPCCD, Mrs. T. Mawi Guite, Faculty Member, NIPCCD, Dr. Pricilla leh Dr Neison Kom te’n thupi tuamtuam zang in sinsakna nei ding uhi. Tuni a inauguration program ah, Mrs. K. Sunita Seshadri, Asst. Director, NIPCCD in National Institute of Public Cooperative & Child Development (NIPCCD) toh kisai pulakna nei in, Mrs. T. Mawi Guite in training neihna ziak pulakna nei hi. Aman a gendan in, NIPCCD in a nasep ahihleh District Project Officer, CDPO, Superviser chihte master training dia training piak hi a, himahleh thil omdan et in worker leh master trainer-te kal ah gap liantak om ziak in Anganwadi Worker leh helper tamtak in nasep dan theilou hi’n gen a, hichibangte beisak theihna ding tupna a hiai Vartical Training sai a om hi’n gen hi. DC/CCPur in a thugenna ah, mihing a piang khe taphot naungek khalou omlou ahihdan gen in, naungek enkoltute nu-te ahih man in ICDS nuai a semte leng numei ngen seh a om ahih dan gen a, hiai training kuapeuh in phatuampih a lamet thu gen hi. 

XXXXXXX

Siamsinpawlpi Jiont Headquarters Lamka in tutung Class X exam dingte khualna a Maths leh Science Subject ahFebruary 27, 2016 tan daih ding Free Coaching tuni’n CCPur Govt. College ah kipan a, zinglam dak 9:00 in honkhiakna hun zat in om hi. Hiai hun zatna Langkhanpau Guite, Chairman, ADCC in Chief Guest hihna toh uap in hongkhia a, Guest of Honour in G. Thangkhosuanmung, EM/ADCC a pang banah Lianzapau Samte, President, SSPP GHQ in Functional President hihna toh hiai hun zatna uap hi. SSPP JHQ Lamka saina a Free Coaching neih a om ah school tuamtuam apan student 60 vel ki-enroll ua, Class ahihleh tuni in kipan ngal a, February 27, 2016 in zousiang ding uhi. Pathianni chihlouh niteng in sunnung dak 1:30 apan dak 4:30 sung class neih hiding a, Maths Subject ah Sir Langhauthang in sinsak in, Chemistry Subject ah Miss Ruth in sinsak ding a, Physics ah Sir Mung leh Biology Subject ah Sir Elvis Gindam in sinsak ding a, Program hunsung in S. Lamkhankhual, President, SSPP JHQ Lamka in presidential message gen in, mi poimoh chial a omte apan thugen ngaihkhiakna om a, Ricky Vanlallawm, Principal, CCPur College in thumna in hun khakna nei hi.Langkhanpau Guite, Chiarman, ADCC in a thugenna ah, laisiam kichite sim tam atheihte ahih man un hiai Free Coaching a tel naupang te’n quality education hoihtak a neih theihna ding ua naktak a panla a, lungke mailou ding in hasuan hi. G. Thangkhosuanmung, EM/ADCC in education kichi poimoh mahmah ahih dan gen in, siamsinna ngai poimoh a hiai bang SSPP JHQ Lamka in pan hon lak pen kipahpih mahmah ahih dan gen a, hiai coaching a tel student-te’ career kipan dek pan ahih man in hiai hun pen poimoh mahmah a, lohchinna ding in thuman poimoh masapen ahih dan gen hi. Lianzapau Samte, President, SSPP GHQ in kuapeuh in gimomtak, kuhkaltak, chi taktak leh diktat tak a sim ding in hasuan a, hiai coaching a tel teng in lohchinna sangpen a hon ngah uh a deihsak thu gen hi.

XXXXXXX

Zomi Re-Unification Army (ZRA) Drug Cell in khamtheih doudalna sumzomtou zel in, Lamka khopi sung mun tuamtuam a dapkualna uah Zenhang Lamka ah om Md. Palik Ali (24) h/o Thoibi apan Nganza kg 10 leh midang tuamtuam apan Herione (No. 4) tuun 300 leh Nitrosun leh Relipant hunkhop mankhia ua, zan (Pathianni) sunnung dak 2:30 in Lamka pansan Press/Media-te mai ah haltum vek uhi. Md. Palik Ali apan matkhiak a om Nganza ahihleh a sum a tuat in Rs. 11,000 vel man phazou dia tuat hi a, mi tuamtuam apan matkhiak a om Heroine No. 4, Nitrosun leh Relipant tangte Rs. 30,000 vel man phazou dia tuat hi a, matkhiak leh haltum a om tengteng Rs. 45,000 vel man hiding in kigen hi. ZRA Drug Cell in kum bangzah hiam paita apan khamtheih doudalna a pat uh tuni tan paitpuhpih zel in, mi tuamtuam apan damdawi khamtheih tamtak mankheta ua, mipi pankhawmna lou a dou zoh vual hilou ding ahih man in kuapeuh in kithuahpihna pe chiat ding in ngetna bawl ua, mat a om te’n leng maban a athil hih uh a sutzop nawn uleh tua sang a khauhzaw a action lak hiding hi’n theihsakna bawl uhi.

XXXXXXX

Khangthah Zuun Pawl (KZP) General Headquarters in tuni sunnung dak 1:00 in Simte Inn, Sim Veng ah Khangthah Award hawmkhiakna leh tutung a Class X leh Class XII Board exam dingte hasotna leh thumsakna program zang uhi. Hiai hun zatna ahihleh February 13, 2016 ni a dia bikhiah himahleh bandh leh buaina tuamtuam om ziak a tuni a dia a hun suan a om hi’n kigen a, program zatna B. Dongzalian Simte, President, STC GHQ, T. Jamchinthang, MDC, Hoel G. Haokip, SDO/Thanlon leh Kammuanlal Simte, AC to DC tel in Simte nam sung a mi poimoh teng in uap vek uhi. Program zatna ahihleh Th. Thonglunthang Simte in makaih a, Rev. Chinkhangen Hangnung in thumna a hongkhia in, P. Thonglianmang, President, KZP GHQ in Presidential Address gen in KZP GHQ vaipo thak dingte mellahna nei hi. Program hunsung in mi tuamtuam apan thugen ngaihkhiakna om in, Rev. Dr. HC Stephen, President, Baptist Partnership Ministry, NTBCA in tukum a Class X leh Class XII Board exam dingte a ding in hasotna thu gen in thumsakna nei hi. Thutut kingah dan in, tukum Class X Board exam ah KZP member 60 val om in Class XII Board exam ah mi 80 val om ua, Rev. Dr. HC Stephen in kuhkalna leh taihmakna lou a lohchinna om theihlou ahih dan leh a bulpi pen Pathian ahih dan gen in student-te a ding in thumsakna nei hi. Khangthah Award hawmkhiak ahihleh Hn. Thangliansiam, Chairman, KZP Education Foundation makaih in om a, Simte nampi sung a siamsinna ngaipoimoh mimal tuamtuam te’n Award a donate te uh hawmkhiakna om hi. Award-te ahihleh category 6 –Class X level award, Class XII level award, Degree Course award, Master Dehree Level Award, Doctorate Degree Award leh Non-Academic Award in kikhen a, Class X Level Award ah Simte Nampi sung a BSEM a mark mutampen L. Thianzakham Memorial Award Th. Thangliansiam s/o Chinzakap in sang a, CBSE leh Board tuamtuam a mark mutampen S. Tualkhokam Ngaihte Award Lamminlun Simte s/o Doukhanthang in sang a, BSEM nuai a Mathematics a mark mutampen B. Vumzagin Simte Memorial Award L. Chinkholal Simte s/o L. Kailal in sang in, BSEM nuai a Science subject a mark mutampen N. Tunkhopau IPKF Memorial Award Mangsuanniang d/o Th. Thangzalun in sang hi. Class X Level a Award sang teng kiang ah Memento leh Rs. 2,000 piak in om uhi. Class XII Level Award ah CoHSEM nuai aArst stream a mark mutampen T. Kaizalam Award Lamhauthang Simte s/o Pauzalian in sang a, Class XII Science a mark mutampen H. Mangminlian s/o Lamlal in S. Chingkhokoih Memorial Award sang hi. CBSE leh Board tuamtuam apan Class XII Humanities a mark mutampen Jonathan F. Lalrinkima s/p Jove Vanramthlira in Chiinzaching & Thangvanlal Memorial Award sang in, Class XII Science a mark mutampen H. Liankhothang Simte s/o H. MAngjakhup in T. Khupzalam Memorial Award sang a, Class XII Commerce a mark mutampen L. Pumlianlal s/o Thangminpau in Th. Kaizalian Memorial Award sang hi.

Class XII Level Award mu te’n Memento leh Rs. 2,500 sang uhi. Degree Course Award ah Nagaland University nuai a Education subject a 1st Position hihna la Miss Hoihkim Simte d/o Letkhothang Simte leh Manipur University nuai a Edcation subject a 9th Position luah Miss Luly Ngaineikim d/o P. Khamchindou te’n B. Tualzalam & Pi. Lamkhokim Memorial Award ngah ua, amau memento leh Rs. 1,500 tuak sang uhi. Master Degree Level Award ah Tata Institute of Social Sciences (TISS) a Best Student Award sangtu Lallian Thangsing s/o Thangliankham banah Manipur University nuai a M.Sc. (Physics) a 4th Position luah Miss Rosie Lamthiankim d/o H. Donghau leh Manipur University nuai a M.Sc. (Chemistry) a 8th Position luah Miss Chingthianmoi d/o Ts. Singkhankhup te’n T. Hellam & Pi. Ningzadon Memorial Award ngah ua, amau memento leh Rs. 1,000 chiat sang uhi. Doctorate Degree Level Award ah Dr. Esther Lalremkim d/o Pastor B. Chinlal, Dr. Lamminthang Leivang s/o Rev. L. Khammang, Dr. Jenny Kapngaihlian d/o L. Jamchinthang leh Dr. Lamlun Buhril s/o Rev. B. Nengjachin te’n H. Khamzagin Memorial Award ngah in amau Rs. 2,500 leh memento sang uhi. Non-Academuc Award ah CL John, Headmaster, Gandhi Memorial High School in Siktui Award sang in, Chairman, Simte Literature Society in Th. Nangkhotuan Memorial Award sang a, S. Douminlian in T. Lianboi Simte Memorial Award for Music sang in Lenlai FC in T. Lianboi Simte Memorial Award for Sports sang a, amau te’n memento leh Rs. 3,000 sang uhi.

XXXXXXX

Naupang kum 5 nuailamte Zeng dalna damdawi dawnsakna Intensified Pulse Polio Immunization (IPPI) First Round apaisa January 17 -19 sung lohchingtak a neih ahih nung in hongtung ding February 21-23 sung in IPPI Second Round hinawn ding hi. Hiai ding toh kisai in kisakkholna paitou zel in, February 18 apan in duty dia seh a om te’n amau mun chiat zuan in kuankhe pan ding uhi. IPPI First Round ah CCpur District huamsung a om naupang kum 5 nuailam te’n Zeng dalna damdawi baihsamtak a adawn theihna ding uh ngimna in mun 435 ah Polio Booth honkhiak a om in, naupang kum 5 nuailam mi 37,649 kiang ah Zeng dalna damdawi dawnsak hiding in panlak hi a, report dungzui in IPPI First Round ah naupang kum 5 nuailam mi 36,269 kiang ah Zeng dalna damdawi dawnsak a om in, damdawi 2,418 zat hi a, percentage leh 98 tungzou hi’n taklang hi.

{youtube}/HcEPN3LHkLo{/youtube}

Thutut kingah dan in, singtanglam a om sungkuan tamtak Lamka khopi sung leh a sehvel a pemlut a tam mahmah ziak in khopi sung ah deih bang in damdawi kiningching om zoulou a, DFWO in ngetna a bawl dungzui in Second Round ah Polio Booth 9 honbeh hiding a, Divisional Supervisor 19 leh Sectoral Supervisor 87 zat hiding hi’n thutut kingah hi. IPPI Second Round neihna ding toh kisai in S. Chinkhanzam, District Extension & Media Officer in Lamka pansan Press/Media-te kimuhpih in, First Round performance pulakna nei in, Second Round ah kuapeuh in mahni ta leh naute hiai Zeng dalna damdawi ana dawnsak siausiau ding in ngetna bawl hi. Naupang kum 5 nuailamte’n mahni thu deihtelna bawl thei nailou ahihman un Polio (Zeng) natna apan humbit ahih theihna ding ua mohpuakna liantak nei nu-le-pate hi ahih dan gen hi.

XXXXXXXX

Tuni sunnung dak 1:00 vel in Headquarter Belam Veng to Kaprang kikal kawmtuah a passenger pua a tai Diesel Auto (MN01 5330) in Tedim Road in a totkhak ST Chullouphai khen a L. Gamnom khua luttouhna bul lamsak lam ah taikhia in singkung phukha a, Auto sung a tuang naupang 2 tel in mi 6 in liamna tuak uhi. Hiai Diesel Auto in ahihleh school naupang 4 tel in passenger 9 pua in ahihleh Kangvai lam manoh a tai hi a,L. Gamnom luttouhna bul lamsak ah taikhia in lamnawl a om singkung khat phukha a, Auto a tuang school naupang 2 tel in mi 6 in liamna tuak ua, Auto leng kise nak mahmah hi. Auto hektuJangpao (60) h/o Hatkim of Siroy Jang, Tuibuang ingendan in, gari heklai a ihmut a suah mahmah ziak in ihmu kha hidia a gintak thu gen a, aman a awm lak naa sa mahmah in tu in Lamka Damdawi Inn ah etkol in omlel hi. Auto a tuang liamna tuak tulel a Lamka Damdawi Inn a etkol a omlelte ahih uleh Mrs. Nemjavah Kipgen (55) w/o Sehpao of Kaprang (a lu, a khabe leh a ban liam), Mrs. Khokhol (43) w/o Haolal of Monglenphai (a awm naa sa), Letlal (32) s/o Jamtinpao of Nahjang Village, Henglep Sub-Division tulel a B. Vengnom a om hi ua, Master Seigoulen (3) s/o Lunkhomang of N. Molsophai leh Miss Lhingneineng (5) d/o Hemin of Kaprang te’n liamna tuak mahle uh damdawi inn ah admit ngai hial lou ua, a dang mi 4-te ahihleh Lamka Damdawi Inn ah admit in om uhi. Liamna tuak naupang tegel ahihleh Greenwood Academy a Class A leh Class B simlel hi uhi. Thil tun hun in District Council Ambulance, Imphal a damlou kha a kuan hong kiklam in tuak kha in, Auto a tuang passenger teng Lamka Damdai Inn hon tut a, Hiangtam Lamka Hausa G. Thangkhosuanmung, EM/ADCC in a kul leh poimoh bang in ana buaipih banah Tuibuang Diesel Auto Service Association member te’n leng damdawi inn ah delh in a poimoh bang in kithuahpih uhi.

XXXXXXXX

Manipur state sung a Autonomous District Council te’n tuni’n Hotel Imphal ah meeting nei ua, district chih in buaina tuamtuam a neihte uh genkhawm in, Co-ordination Committee khat bawlkhia uhi. Hiai meeting ah Manipur State sung a Autonomous District Council 6 apan Chairman leh Vice Chairman teng tel in member hunkhop paikhawm ua, Manipur singtangmite buaina toh kisai a kipumkhatna dia pressure group khat bawlkhiak hoihsa in Co-ordination Committee khat bawlkhia ua, palai paikhawm te’n Co-ordination Committee a Convernor ding in Genneikhup Vaiphei, EM/ADC, CCPur guang in, Co-Convenor ding in N. Wungreiyp, Ukhrul ADC a guan banuah member ding in Kh. Morong, ADC/Chandel, L. Rangpungjohn, ADC/Senapati leh Lunthang Haokip, Sadar Hills guang uhi. Meeting hunsung in District Council tuamtuam te’n district boundary toh kisai a haksatna tuamtuam a neihte uh genkhawm in, hongtung ding February 22, 2016 sunma dak 11:00 in Hotel Imphal ah Convenor makaih ingenkhawmna nei naw ding uh hi’n thutut kingah hi.

XXXXXXXX

Rayburn High School in tuni sunnung dak 1:00 in Rayburn Chapel ah tukum a Class X leh Class XII Board exam dingte hasotna leh thumsakna hun zang uhi. Hiai hun ah Class VIII apan Class X student-te banah staff-te kihel ua, Sir Paukhanmang in vaidawnna thu gen in lasa siam minthang LL Muona tel in student-te apan lasak ngaihkhiakna om a, Dr. Sangching, Asst. Dean Academic, GBC in student-te a ding in hasotna thu gen in, lohchinna dia poimoh tuamtuamte pulakna a neih banah lohchinna ding in Pathian lauh leh nu-le-pa leh heutute thumanna poimoh mahmah a, US President lui Abraham Lincoln tangthu pansan in kuhkalna pen lohchinna thuguk ahihdan gen hi. Program hunsung in Raybung High School in tutung Republic Day Parade, New Delhi a tell eh Youth Exchange Program a tel Mercy Siamremkimi kiang ah kipahman pia in, tu academic session sung a student kaikim te kiang ah kipahman a piak banuah Class X leh Class XII Board exam dingte kiang ah thilpiak piakna nei uhi. Thutut kingah dan in, tukum in Rayburn High School apan student 362 (Class X ah student 203 leh Class XII ah student 159) te’n board exam pe ding ua, exam dingte Rev. Lian Benson, Executive Secretary, EELC in thumsakna nei hi.

XXXXXXXX

Zomi Counci makaih in hongtung ding February 20, 2016 zingkal dak 7:00 in Zomi Council Office, ZC Colony, New Lamka ah Zomi Nam Ni a 67veina zat hiding hi. Hiai hun ah Zomi Council Chairman B. Dongzalian Simte in Zomi Flag kaipalh in thugenna hun zang ding a, Rev. Khen P. Tombing, Chief Co-ordinator, PCI (R) makaih in makai mualliamsate suunna hun zatna om ding a, Zomi Council nuai a om Tribe leh Frontal Organization a Cabinet Member teng in Zomi Nam puan silh a kimtak a tel chiat ding in Dr. Neng Ngaih Lian, Secretary, Zomi Council in theihsakna bawl hi.

XXXXXXXX

Manipur Government in singtangmite dikna leh tanvou palzut a anti-tribal bill 3 a pass ziak a kiphinna paitou zel in, hun bangtan hiam paita apan numei pawl te’n Lamka Damdawi Inn Morgue a salphate luang tutpih a Lengkhawmna a khawlsan nung un apaisa February 8, 2016 apan in All Manipur Tribal Women Union makaih in lengkhawmna pat in om nawn a, tuni tan sutzop touh in om lai hi. Tuni in leng mun tuamtuam apan numei tamtak paikhawm in, salphate luang tutpih in lengkhawm ua, mi tuamtuam in Tanchinhoih genna nei uhi. Tuni a thugen tuamtuam te’n Bible a kigelh Daniel leh a lawmte thu pansan in kihihsiangthou hun ahih dan naktak in gen ua, gamsung damna ding in thumkhawmna nei uhi.

XXXXXXXX

‎Zomi Nam Ni Get-Together 2016
London, United Kingdom
20 February 2016

20 February 2016 ni in United Kingdom mun tuamtuam a om Zosuante'n London khuapi ah ‘Zomi Nam Ni Get-together 2016’ cih min vuah in kimuhkhopna na nei uh hi.

Hih ni pen 1948 kum a Chin state, Burma a om Zotate'n mipi deihna (democratically by casting of votes) tawh feudal chieftainship (hausa ki-ukna) ki phiat hen ci a thukim ni uh hi.  February 20 ni pen (1987 kum in) India kumpi in Mizoram lam a om Zotate Statehood Day a guat ni zong ahihmanin UK a om Zosuante’n hih kimuhkhopna pen poimoh ngaih ciat in khuapi tuamtuam panin mipi 80 val na paikhawm uh hi.

Holimna, lasakkhopna, lamvuikaihna, thu tomno gen a ki hanthawnna, Topa tungah lungdamkohna, gam leh nam leh unaupih mun tuamtuam a omte ading thungetsakna, salpha te sunna leh Zo ann tuamtuam nekkhopna in hun manpha leh nuam mahmah na zang khawm uh hi.

Mipi paikhawm te ahihleh kipatna khua tuamtuam pan hi uh hi - India lam panin Meghalaya, Mizoram, Manipur leh Assam state; Kawlgam/Burma lam panin Chin state, Tahan, Kaleymo leh khuapi dangdangte.  Zosuante gam tuamtuam ah om mah le uh, unau khat ahihna uh phawk thak semsem in om hi. Hih hun ah La toh hong pawllim

1. Pi Daduhi Khiangte
2. Lia Deih Cing
3. Lia Felicia Singson
4. Tang Zatea HN Zate

Thugenna hong neihsak leh a Thulu te uh:

1. The Zo people and Zomi Nam Ni – Pu Thang Sian Mung (President, Zomi Innkuan UK)
2. Our resources, our future – Pu Kailean Khongsai (Community Manager, A Rocha)
3. My vision of Zo people’s future politics – Pu CS Dal (Policy Analyst, Dept for Education, UK)
4. Challenges of/facing the Zo people – Pu Lalthanglien Ruolngul (IFS, High Commission of India, UK)

Hunnuam tak zatzoh a hih in khelah tak in kum non ading mitsuan kom in kikhen uhi.

Nehru Marg Youth Union (NYU) in tuni sunnung dak 3:00 in Pa Biakpi tenna inn (Siam Mansion), Nehru Marg ah NYU kiphutnung kum 10 chinna thupitak in lopna nei ua, Lal Hossan, Vice Chairman, ADC/CCpur in Chief Guest hihna toh uap a, vengsung mipi’n 2016-20 sung vaipo ding telna leng nei uhi. Program ahihleh sunnung dak 3:00 in kipan a, K. Hnunliansang, Secretary, NYU in vaidawnna thu gen in, T. Chinzasawm, President, NYU in Presidential Address gen a, aman vengsung in vanzat tuamtuam a neihte uh bittak a ana kemtute kiang ah thilpiak piakna nei in tu kum paita sung a NYU in vengsung a dia sep-le-bawl a neihte uh pulakna nei hi. NYU panlakna in 2014 kum in vengsung mipi’n sum kithoh khawm in CCpur District a dia a masapen ding in vengsung tanvaktu ding Solar Street Light bawl in tuni tan in meivaklouh ni chih omlou in nitak teng in vengsung vak gige zou lai a, Nehru Marg lutsukna bul ah hawktui luanna ding culvert leng mipi toh pangkhawm a bawl a om ahih dan a gen a, vengsung mipite pankhawmna ziak liauliau a hiai tan kitung zou ahih dan gen hi.

{youtube}/BcSKyrvL8t8{/youtube}

Program hunsung in M. Ngulzapau, Founder President, NYU in Nehru Marg Youth Union hong piankhiak dan leh kivaipuak dan toh kisai pulakna nei in Dr. Khamlalmuan, Asst. Secretary, NYU makaih in kipolhlimna hun zat in om a, Sabastian Lunsuanpau, Election Commissioner in election result puankhiakna nei hi. Thutut kingah dan in, tulel in Nehru Marg vengsung ah innkuan 100 vel om in, tuni a NYU vaipo ding kitelna ah innkuan 80 val in vote khia in, vengsung mipi’n 2016-20 sung a NYU President hihna len ding in T. Chinzasawm telching nawn uhi. Telching a om T. Chinzasawm in Pathian leh mipi mai ah kichiamna nei in Upa L. Tualthang in thumsakna nei a, Chief Guest apan thugen ngaihkhiakna om hi. Chief Guest in a thugenna ah, Nehru Marg vengsung mipite pankhawmna leh kithutuahna ngaisang mahmah ahih dan gen in, ama bial mipite lak ah leng Nehru Marg vengsung mipite pankhawm dan genpi pen a nei gige ahih dan gen a, hiai veng ah mun-le-mual neikei mahleh teng de tut huai a sakthu gen hi. Tunitak dak 7:00 in NYU makaih in 2015 kum a lohchinna ngahte kipahpihna program zatna om in huai hun ah T. Pauzathang, Adviser in siamsin naupangte a ding in hasotna thu gen in kipahman hawmna leh result puankhiakna om neih in om hi.

XXXXXXXXX

Board of Secondary Education, Manipur saina in zingchiang in Manipur pumpi ah High School Leaving Certificate (HSLC) Exam kipan ding a, Churachandpur District ah High School tuamtuam 74 apan External Candidate toh sim in student 3,093 te’n exam pe ding uhi. Thutut kingah dan in, tutung HSLC Exam ah CCpur District in Exam Centre 2 zang in Ebenezer Academy pen Main Centre a zat hiding a, Block A leh Block B om in Block A ah Roll No. 16812 apan 17504 kikal a om kha candidate 692-te exam in invigilator 23 in enkai ding ua, Block B ah Roll No. 17505 apan 18028 kikal a om kha candidate 524-te exam in invigilator 21 in enkai ding uhi. Don Bosco High Exam Centre ah Block A ah Roll No. 18029 apan 18628 kikal a om kha Cnadidate 600-te exam in invigilator 20 in enkai ding ua, Block B ah Roll No. 18629 apan 19070 kikal a om kha candidate 442-te exam in invigilator 16 in enkai ding uhi. Block C ah Roll No. 19071 apan 19490 kikal a om kha candidate 420-te exam in invigilator 18 in enkai ding ua, Block D ah hihleh External Candidate Roll No. 1039 apan 1452 kikal a om kha candidate 415-te exam in invigilator 11 in enkai ding uhi. Exam ahihleh zingchiang zinglam dak 9:00 in kipan ding a, candidate te’n mahni school uniform chiat a silh uh a ngaih ding banah exam hall ah electronic gadget bangmah tawilut phal hilou in invigilator te’n leng mobile phone tanpha tawilut theilou ding uhi. Zinglam dak 8:30 in gate kihong ding a, gate bul ah frisking om ding ahih man in candidate-te zinglam dak 8:15 tan a amau exam centre chiat a tun uh ngai ding hi’n kigen hi.

XXXXXXXXX

Tuni sunma dak 11:00 in Seiboi Mate, District Program Manager, NHM/CCur makaih in Block Data Manager leh HMIS Assistant te’n CMO Office ah HIMS leh MCTS toh kisai review meeting nei uhi. Hiai meeting ah Henglep, Tipaimukh, Samulamlan, Singngat leh Thanlon Block a Block Data Manager teng banah Block 5 a HMIS Assistant teng kihel ua, monthly report etkhawmna nei in, maban a panlak ding dan toh kisai genkhawmna nei uhi.

XXXXXXXXX

Kum 2016 academic session sunga CoHSEM nuai a Pawl-XI, XII leh BoSEM nuai a HSLC examination kipanta leh kipanpahta ding ahihziakin Siamsinpawlpi General Headquarters in exam a tel leh tel ding school naupang tengteng tung ah lametna liantak toh damtak a exam zoh khiaktheih ahih deihsakna thu banah, sangtak leh mahni kisakkholhna bangchiat a lungtun huaitak result muh theih ahih theih na ding deihsak Thupuan bawl uhi. Tutung i gamsung in movement I tuah leh naupangte adiak a exam dingten haksatna leh lungphawng huai tampi atuahte uh theihsiam pih kawm in, Siamsinpawlpi General Headquarters in lungkelou a pang a, pass nang ding mai hilou a theisiam taktak leh tunung a heutu dingte ahih lam uh kimangngilh lou a hong hahpan chiat ding in hasotna thu leng puang uhi. Gam dinmun en kawm in Siamsinpawlpi General Headquarters in hiai bang hun poimohtak ah kuapeuh mah in siamsin naupang te theisiam a Bandh, Strike leh lungphawng thei himhim thilte hih louh ding leh I district a authority tuamtuam om ten panla khawm a siamsinte buaina om hetlou a exam a zoh theihna ding un panla chiat ding in leng ngen ngal uhi.

XXXXXXXX

Polio natna ziak a hun sawttak lupna ngak a om Chinkhothang (35) s/o Mrs. Tinkholhai of T. Boljang sisan chauh ziak in tu in Lamka Damdawi Inn ah etkol in omlel a, T. Boljang kho hausa Khaopao Haokip, MDC panlakna tungtawn in tuni’n 7 Assam Rifles te’n sisan unit 2 pia uhi. Thutut kingah dan in, Mr. Chinkhothang in naupang chik ahih apan Polio natna ziak in a kawng nuailam teng Zeng in tuni tan lupna ngak in om a, kal masa apan a sisan a chauh ziak in Lamka Damdawi Inn ah puaklut a om in, sisan unit 3 piak hita mahleh hoih thei tuanlou hi. Hiai bang haksatna theih phet in T. Boljang kho hausa Khaipao Haokip, MDC in thil omdan 7 Assam Rifles kiang tun a, tulel a Town Commander hihna len lel Major Arun in ngai poimoh mahmah in ama panlakna tungtawn in tuni’n Blood Bank ah jawan 2 – Rakesh Kumar Singh leh SB Sharma te’n Chinkhothang a ding sisan unit 2 pia uhi. Hiai bang a 7 AR leh kho hausa Khaipao Haokip panlakna tung ah Chinkhothang sungkuante kipak mahmah uh hi’n thutut kingah hi

XXXXXXXXX

Kanan vengsung a Young Paite association, Village Development Committee leh Paite Tribe Council kikhaikhawmna Joint Committee in zan Pathianni in joint meeting nei in huai ah point tuamtuam ah thupukna la uhi. Tua Joint meeting thupukna bang in, Kanan vengsung ah Zu, Khamtheih, damdawi leh Heroin No.4 zuak leh supply khaam bikbek hi a, veng pua hin vengsung mi hitaleh buaina bawl phallouh ahihban ah Naupang Curfew leng tuni February 29, 2016 nitak dak 6 apan thuthak om nawn masaiah koih uh hin Joint Committee in taklang ua, guta-lata, numei leh pasal kal a thanghuai tak a gamtat phal ahihlouh ban ah nitak nung a mipi patau sak theiding thawmging ngaih neih leh bawl a phallouh ban uah, Kanan vengsung a Zuzuak, khamtheih damdawi leh No. 4 zuak peuhmah in March 3, 2016 tan a khawldia theihsak ahih ban uah, hun kipia beinung a khawlsan lou om leh Joint Committee in a tung ua Action a lak bangbang khase theilou ding uh hin Joint committee thusuak in gen hi. Huailou in, Joint Committee in thupukna a lakte uh zahtak lou a action kila bangbang mimal vai, nam vaai banah indongta vai in bangmah saitheilou ding uh a vengsung hoihna ding a pawlpi 3 in a dinkhiak uh Joint Committee thupoukna thutawp hiding hin Joint Committee in a thusuah uah taklang uhi. 

xxxxxxxxxx

Saimsinpawlpi General Headquarters in ‘Siamsin Education Initiative’ tungtawn a Zodawn a om school tuamtuam a etkaite lak ah tutung Class X Board exam thei ding student bangzah hiam om a, zan sunnung dak 1:00 in SSPP Complex, Siloam Veng, Bungmual ah amaute a ding in hasotna leh thumsakna hun zat in om hi. Hiai hun zatna Langkhanpau Guite, Chairman, ADCC banah G. Thangchinkhup, DDM/NABARD leh Pauneihthang Valte, Chief Manager, SBI/CCPur Branch tel in mi poimoh hunkhop in uap uhi. Program zatna ahihleh T. Pausuanlian in makaih a, Thangsuanlal Vualnam, Joint Secretary (Public Relation), SSPP GHQ in vaidawnna thu gen in, Langkhanpau Guite, Chairman, ADCC in student-te a ding in hasotna thu gen in, student te’n theih tawp suah a panla a, I zilna tantan ah zattak leh dottheih ding tan khop a zil poimoh mahmah ahih dan gen in, tulel a officer lian taktak I neihte uh govt school/college apan ana khangkhia ahih lam thei kawm a, kuhkal tak a lai sim ding in hasuan hi. Thil I hih khempeuh ah lohsapna omthei tham ahiman in lohsap hun a leng lungke mailou a, hiai lohsapna pen kalbi poimoh tak a zat zawk ding ahih dan gen hi. Program hunsung in G. Thangchinkhup, DDM/NABARD leh Pauneihthang Valte, Chief Manager, SBI/CCPur Branch te’n leng thugenna saulou nei in, G. Gouthiansiam, Secretary (Human Resources), SSPP GHQ in Class X Exam dingte theihtuak thu poimoh tuamtuamte taklatna nei in, Exam Tips piakna nei a, Pastor H. Ginkhochin, Local Pastor, Bethany EBCC in Class X exam dingte a ding in thumsakna nei hi. Siamsinpawlpi GHQ etkaina nuai a om school tuamtuam apan tukum a Class X exam dingte ahih uleh Bukpi High School apan mi 4, Suangdoh Govt H/S apan mi 8, Convention English School, Sinzawl apan mi 26 leh Songtal Govt. H/S apan mi 12 hi ua, a vek un mi 50 pha uhi.

XXXXXXXXX

T. Goukhomang, ZEO/CCPur in thusuah bawl in Block chih a Dy. Inspector of Schools teng in amau bialsung a Private School omte survey bawl dingin theisak hi. Thusuak in a taklat dan in, hia thusuak pen Addl. Director of Schools (S/H) in apaisa February 11, 2016 a thusuah a bawl pansan a ZEO/CCPur in theihsakna a bawl hi a, survey hun ah Government teacher private school a sem omte zongkhia a, a kinlam a survey report pelut ding in theisak hi.

XXXXXXXXX

February kha a bei toh kiton in department tuamtuam apan pension hunkhop om a, tuni in leng department 3 in amau office chiat ah pension-te khakna nei uhi. Tuni sunnung dak 1:00 in District Council staff te’n District Council Meeting Hall ah tukum a pension mi 4 khakna nei ua, hiai hun zatna Langkhanpau Guite, Chairman ADCC leh Mrs. Mannuamching, CEO/ADCC banah CT Lian Guite, New Lamka West MDC tel in mi poimoh bangzah hiam te’n uap uhi. District Council nuai a sem tuni a pension-te ahih uleh V. Kamzagin, EO (Town), Hemkhothang, LDC, S. Kamzachin, LDC leh Thangzagen gangte, Water Carrier hi ua, District Council Staff te leh District Council Employee Association te’n hun sawttak sep nung a damtak a pension kipahpih etsakna in belpi khat chiat pia ua, Langkhanpau Guite, Chairman, ADCC leh Mrs. Mannuamching, CEO/ADCC apan thugen ngaihkhiakna om hi. Tuabangkal ah, ZEO/CCPur makaih in ZEO Staff te’n tuni sunnung 2:00 in ZEO Temporary Office, Synod House, Hill Town ah tuni a sepna apan pension Thanjam Pulamte, AI/CCPur Block khakna nei uhi. Hiai hun ah S. Thongminthang in vaidawnna thu gen in, S. Kaikhanlian, DI/CCpur Block in farewell speech gen in, staff-te sik-le-tang in Belpi khap 8 piakkhiakna nei a, Thanjam Pulamte in thugenna hun zang in, Upa G. Khupchinthang, AI/CCPur in thumna in hunkhakna nei hi. Tuaban ah, Medical Supdt. makaih in Lamka Damdawi Inn a sem staff te’n leng tuni a sepna apan pension Doctor 2 tel in staff nurse 7, grade IV 2 leh Ward Asst. 1 khakna nei ua, Lamka Damdawi Inn a sem staff te’n amaute kiang ah wall clock 1 chiat pia uhi.

XXXXXXXXXX

Langkhanpau Guite, Chairman, ADCC in tuni sunnung dak 2:30 in Lamka pansan press/media-te kimuhpih in tutung Class X leh Class XII exam dingte a ding in hasotna thu gen hi. Aman a gendan in, tulel a siamsinte tunung chiang a gam makai dingte na hihman un, kuhkaltak leh taima tak a panla a, exam siangthoutak a maituah ding in hasuan hi.

XXXXXXXXXX

February 27, 2016

Tutung Class X Board exam neihna ding toh kisai a Invigilator dia seh a om te’n tuni sunnung dak 1:00 in Don Bosco Hr. Sec. School Auditorium ah CCPur Private Centre Committee te makaih in Rehearsal nei uhi. Thutut kingah dan in, tutung Class X Exam ah Exam Centre ding in Ebenezer Academy leh Don Bosco High School zat hiding a, Invigilator 130-te etkaina nuai ah school tuamtuam 74 apan candidate 3,093 te’n exam nei ding uhi. Exam Main Centre Ebenezer Academy ah Block A leh Block B om in, Block A ah candidate 692 om in, invigilator 23 in enkai ding ua, Block B ah candidate 524 om in invigilator 21 in enkai ding uhi. Don Bosch Exam Centre Block A ah candidate 600 om in Invigilator 20 in enkai ding ua, Block B ah candidate 442 om in invigilator 16 in a etkai ding banuah Block C ah Invigilator 18-te etkaina nuai ah candidate 420 te’n exam nei ding ua, Block D ah external Candidate 415 te’n invigilator 11-te etkaina nuai ah exam nei ding uhi.

{youtube}/4vpQFBAgFkA{/youtube}

Tuni Rehearsal neihna hun ah T. Goukhomang, ZEO/CCPur in vaidawnna thu gen in kum paisate a CCPur District in minhoihna a ngahte tukum in leng kepbit sawm a panla ding in invigilator-te hasuan hi. Program hunsung in T. Hanglamthang, Officer-in-Charge in Committee Member-te mellahna nei in, H. Thangdam, SO in keynote Address gen a, Pumshong Hangshing, AOC (Confidential) makaih in vanzat tuamtuamte hawmkhiakna om in M. Chaoba Stanley, AOC (Head Office) in lohchingtak leh siangthou tak a exam neih ahih theihna dia panlak ding dan pulakna nei hi.

XXXXXXXX

Nehru Marg Youth Union (NYU) in hongtung ding February 29, 2016 (Seppatni) in Pa Biakpi tenna inn, Nehru Marg ah NYU kiphutnung kum 10 chinna thupitak in lawm ding uhi. Hiai hun zatna Lal Hossan, Vice Chairman, ADC/CCpur in Chief Guest hihna toh uap ding a, 2016-20 sung vaipo ding telna leng nei ding uhi. Program zatna ahihleh sunnung dak 3:00 in kipan ding a, K. Hnunliansang, Secretary, NYU in vaidawnna thu gen in, T. Chinzasawm, President, NYU in Presidential Address gen ding a, Chief Guest apan thugen ngaihkhiakna om in Dr. Khamlalmuan, Asst. Secy makaih in kipolhlimna om ding hi. Nitak dak 7:00 in 2015 kum a lohchinna ngahte kipahpihna program zat hiding a, huai hun ah T. Pauzathang, Adviser in siamsin naupangte a ding in hasotna thu gen in kipahman hawmna leh result puankhiakna om ding hi. Nehru Marg Youth Union ahihleh 1980 kum a vengsung mipi’n a sia a pha banah khantouhna lam enkaitu dia a phutkhiak hi a, a kum a sim in Silver Jubilee lawm thei ding hita mahleh February 29 (Leap Year) ni a kiphutkhia ahih dungzui a tukum pen a kum 10na hipan hi’n kigen hi. Kum paita sung in NYU in vengsung a ding in nna tamtak semkheta in, 2014 kum in NYU panlakna in vengsung mipi’n sum kithoh khawm in CCpur District a dia a masapen ding in vengsung tanvaktu ding Solar Street Light bawl in tuni tan in meivaklouh ni chih omlou in nitak teng in vengsung vak singsing gige zou lai hi. Nehru Marg kichi ahihleh Tedim Road apan Rengkai Road tan susuk a lampi hi a, 1965 kum vel a Manipur Governor in a min a phuah hi’n kigen hi.

XXXXXXXXX

Board of Secondary Education, Manipur (BSEM) in High School Leaving Certificate (HSLC) exam regular leh external candidate-te a ding routine suahkhia a, March 1, 2016 a exam kipan ding ahih dan a taklat banah March 19, 2016 in exam zohsiang hiding a, March 30, 2016 apan practical exam neih hiding in taklang hi. Exam ahihleh zinglam dak 9:00 apan sun dak 12:00 tan hiding a, March 1, 2016 in English, March 4, 2016 in Science, March 8, 2016 in Mathematics leh March 11, 2016 in Social Science subject exam hiding hi. March 15, 2016 in MIL subject (Mizo, Paite, Zou, Hmar, Tangkhul, Thadou-Kuki leh a dangdang) banah Additional English exam hiding a, March 17, 2016 in Hindi (MIL)/Additional Hindi leh March 19, 2016 in Home Science, Commerce, Computer Science, Higher Mathematics, Thang-ta, Fine-Arts chihte ah exam om ding hi. Tutung HSLC Exam ah Exam Centre ding Ebenezer Academy leh Don Bosco High School zat hiding a, Main Centre ding in Ebenezer Academy zat hiding hi. Ebenezer Academy ah Roll No. 16812 apan 18028 kikal a omkha candidate 1,216 te exam ding ua, Don Bosco High School ah Roll No. 18029 apan 19490 kikal a om kha candidate 1,877 te exam in, External Camdidate mi 415 te Don Bosco High School Block D ah exam ding uhi. Tutung Class X Exam ah Regular Candidate 2,678 om in external Candidate 415 om a, CCPur District pumpi ah school tuamtuam 74 apan student 3,093 te’n Class X exam pe ding uh hi’n thutut kingah hi.

XXXXXXXX

Evangelical Baptist Convention (EBC) in kemtu neilou naupangte kepna dia a bawl Zion Veng Child Development Centre (ZCDC) a Centract basis a sem ding mi 8 laksawm a, EBC mi, naupang kepna a lunglut, khalam a pianthakna kichiantak nei, khamtheih chi tuamtuam hihlou leh tep-le-muam a kikem siangthou te’n ngetna piaklut theih ding hi. Zion Veng Child Development Centre a post tuamtuam omte ahihleh Project Manager 1, Social Worker 1, Account cum Clerk 1 leh Child Development Worker 5 hi a, Project Manager ahihleh Graduate Post hi a, Children Ministry a experience nei leh Computer khoih theite deihsakna tuam piak ahih ding banuah kha teng in Rs. 9,000 sang ding uhi. Social Worker a ding in leng Post 1 om in, Graduate banah BSW/MSW zousate deihsakna tuam piak hiding a, kha teng in Rs. 8,000 sang ding uhi. Class XII pass te’n Accountant cum Clerk leh Child Development Worker post apply thei ding ua, Account cum Clerk a ding in Accounting leh Computer Accounting (Tally erp9) theisate deihsakna tuam piak ahih ding banuah kha teng in Rs. 7,000 sang ding ua, Child Development Worker te’n ahihleh kha teng in Rs. 3,000 sang ding uhi. Lunglut a chitna nei te’n Local Pastor/Chairman/ Secretary recommend na lai tel in Bio-data banah mahni khut a gelh testimony leh lai poimoh tuamtuam thuah in kingetna March 7, 2016 nitaklam dak 4:00 tan in Dorcas Hall, New Lamka ah piaklut theih ding hi.Written Test ahihleh March 9, 2016 zinglam dak 10:30 in om ding a, March 10, 2016 zinglam dak 10:30 in Dorcas Hall, New Lamka ah Personal Interview neih hiding hi’n thutut kingah hi.

XXXXXXXXX

Manipur Evangelical Lutheran Church (MELC) in kum nawn January kha chiang a MELC kiphutkhiak nung kum 60 chinna Diamond Jubilee lopna ding toh kisai in tukum 2016 pen Diamond Jubilee Year a puang in tuzingkal dak 7:30 in Lutheran Youth Fellowship makaih in Diamond Jubilee Marathon thupitak nei uhi. Hiai hun zatna Langkhanpau Guite, Chairman ADCC in Chief Guest hihna toh uap in thugenna hun zang a, Mrs. Mannuamching, CEO/ADCC tel in MELC saptuam sung a makai poimoh teng kimtak in kihel uhi. Langkhanpau Guite, Chairman, ADCC in tuailaite khovel pumpi a dia vak petute ahihman in Pathian in hiai vak pen mite mitmuh a vak ding in hon deih a, mite a dia vualzawlna naak hih sawm a kuapeuh in panla chiat ding in hasuan a, Diamond Jubilee Marathon hongkhia in flag-off bawl hi. Thutut kingah dan in, MELC in tu 2016 kum pen Diamond Jubilee Year a apian toh kiton in tukum sung in Diamond Jubilee lopna dan in Local Saptuam level, Division Level leh Headquarters Level ah kidemna tuamtuam sai hiding a, tuni a Marathon neih a om leng Jubilee lopna dan a neih a om hi’n kigen hi. Tuni a Diamond Jubilee Marathon Race ah tuailai 100 val kihel in, MELC Central Church, Zomi Colony ah kipankhia ua, Tedim Road zuitou in Dorcas Road a luttou ua, Marian Street, Phailian ah suakkhia in Tipaimukh Road zuisuk nawn in a kipatna mun mah uh zou uhi. Hiai Marathon Race Pasal ah Mangtungnung of Kamdou Veng leh Lamzamuan Zou of Simveng te’n 1na la inkipahman in Rs. 1,500 tuak sang ua, Manglunhau of Zomi Colony in 2na la in kipahman in Rs. 1000 sang hi. Numei ah Miss Manhoidei of Sim Veng in 1na la in kipahman in Rs. 1,500 sang a, Miss Niang Mary of Sim Veng in 2na la in kipahman in Rs. 1,000 a sang banah Miss Kimneinou in 3na la in kipahman in Rs. 500 sang hi. Tuaban ah Miss Kimneihoi of Kamdou Veng in special prize sang in kipahmante Langkhanpau Guite, Moderator, PCI (R), Mrs. Mannuamching, IAS leh Hausuanthang, MDC te’n piakkhiatna nei ua, LYF Diamond Jubilee Celebration Secretary Suanlyan Tungnung Marathon Race a telte leh hiai hun zatna a kihel mi poimoh tuamtuamte tung ah kipahthu gen hi.

XXXXXXXX

Zou Presbyterian Church Synod (ZPCS) Lailam Veng in tuni’n biakinn mun, Lailam Veng ah “Mangpa’n a hing umpi hi” chih thupi zang in ZPCS Lailam Veng kiphutkhiak nung kum 25 china Silver Jubilee lopna nei ua, zinglam dak 11:00 in Jubilee Suang honna leh Jubilee Dak khetna nei uhi. Hiai hun ah ZPCS Lailam Veng saptuam milip tamtak paikhawm ua, Kum 25 chin theih gigena dia Silver Jubilee suang kibawl Rev Hangpi Manlun, Lamka District Pastor in Silver Jubilee suang hongkhia in Pathian kiang ah latna nei a, saptuam a dia mi poimoh teltuam mi 25 te’n Jubilee dak khetna nei uhi. Thutut kingah dan in, 1991 kum in Zou Presbyterian Church Synod in mun tuamtuam a om ZPCS saptuam mi-le-sa te’ biak inn naihna baihsam zawkna ding ngimna in New Lamka Area, Simveng leh Bible Hill a omte kaina ding biakinn Beulahlane ah bawl in, huai ah hun bangtan hiam a kikhop nung un, Lailam Veng mun leh mual leikhe thak in 2004 kum in kituah phei in biakinn min ding in ZPCS Lailam Veng chi’n minvuah uhi. Tulel in hiai saptuam ah Pastor 1 etkolna nuai ah Saptuam Upa 6 om in, innkuan 151-te kikhawm ua, saptuam milip mi 841 omlel hi’n thutut kingah hi. Biakna Program ah Upa Khuplam in vaidawnna thu gen in, Upa Pauchinlian makaih in saptuam mipi ana mualliamsate suunna hun zat in om a, Rev. Khupkhansuan, Moderator, ZPCS in Silver Jubilee Souvenir hong in Pathian kiang ah latna nei hi. Program hunsung in Kamgenpau, Local Secretary in Saptuam khangthu sutna nei in S. Lamthang, Secretary, Silver Jubilee Sub-Committee in report piakna nei in Upa Chinthong, Chairman, Lamka District in Jubilee Message genna nei hi.

XXXXXXXX

Tuni sunma dak 11:00 in Tedim Chin Innpi, Lanva ah Tedim Chin Students’ Association te’n 2016-18 sung vaipo ding telna nei in member paikhawm te’n President ding in G. Chinkhanmuan telching nawn uhi.Election neihna hun ah TCSA nuai a branch leh unit tuamtuam apan palai hunkhop paikhawm in President ding in G. Chinkhanmuan a telching banuah Secretary ding in Gousuanthang telching ua, Finance Secretary ding in Miss Cing Ngaih Kim, Treasurer ding in Eloi Thang Nem Kim, Secy, Information & Puiblicity ding in Zam Khan Muan, Secretary (Property) ding in Zam Khan Mung leh C-in-C ding in Zam Sian Mung telching uhi. Telching thak a om te Thangkhankham, Election Commissioner in kichiamsakna nei in Upa Dou Za Lang in thumsakna nei a, makai luite toh charge kipiak khiakna nei leng ngal uhi.

XXXXXXXX

Lalpuithluii Foundation School in tuni sunma dak 11:00 in tukum a Class X exam ding Class of 2016-te khakna leh amaute a ding thumsakna hun zatna nei uhi. Hiai hun ah student leh staff-te banah Class of 2016-te nu-le-pate kihel ua, Sir Richard leh Sir Naresh makaih in Class of 2016-te mellahna om in, student te’n School Song sakna nei uhi. Thutut kingah dan in, tukum in Lalpuithluii Foundation School apan in Class X Candidate 54 (numei 23 leh Pasal 31) a om banah external candidate 5 om a, tuni a Farewell program zatna hun ah external candidate-te chihlou candidate teng kimtak a kihel in Rev. V. Khamvum. Local Pastor, Bungmual EBCC in amaute a ding in thumsakna nei hi. Program hunsung in tukum a Class X Board exam ding Class of 2016 student-te apan thugen ngaihkhiakna om in teacher leh school a ding in thil piak piakna nei ua, Sir Muannou, Headmaster in hasotna thu gen in student te’n item tuamtuam lahna nei uhi.

XXXXXXXX

SSPP Joint Headquarters Lamka in tutung Class X Board exam dingte khualna a apaisa February 16 apan CCpur Govt. College ah mathematics leh science subject a Free Coaching a neih uh lohchingtak a zohsiang a omta in tuni zinglam dak 10:30 in Closing Program zang uhi. Hiai hun zatna M. Gouzamang Guite, EM/ADCC in Chief Guest hihna toh uap in Functional President in T. Khaikhomang, Chairman, Finance Committee pang a, T. Khaikhomang, MDC in heutute thuman leh makaite zah dan siam poimoh mahmah ahih dan gen in, Pathian zonkhiak leh tel namte I hihman un, thumang tak leh kuhkaltak a lai I sim naknak leh lohchinlouh chih omtheilou ahih dan gen hi. Chief Guest a pang M. Gouzamang Guite in a thugenna ah, mahni hihna thei a laisimna kia awlmoh ding in nuapangte hasuan in, mi lohchingpente mi laisiamte hilou in, kuhkaltak a panlak a laisimte mi lohchingte hizaw uh ahih dan gen a,Government kaam hoih thou mahleh ei tungtawn a midang te sepna piak theih ahih lam phawk a panla chiat ding in hasuan hi.Hiai Free Coaching ahihleh apaisa February 16, 2016 a kipan hi a, coaching ah mi 86 kihel in Pathianni chihlou niteng zingkal dak 6:30 apan dak 10:00 tan class neih a om hi. Coaching hunsung in Maths Subject ah Sir Langhauthang in sinsak in, Chemistry Subject Miss Ruth in a sinsak banah Physics Sir Mung leh Biology Subject Sir Elvis Gindam in sinsak a, student te’n phatuampih mahmah uh hi’n kigen hi. Tuni a Closing Program zatna hun ah Lianbenson, Executive Secretary, EELC in student-te a ding in hasotna thu gen in thumsakna a neih banah Pathian min vualzawlna pia hi.

XXXXXXXX

Singtangmi tamzaw te’n mahni dikna leh tanvou a theihna ding uleh Manipur Government in singtangmite gam leh leitang laksuhna dia Bill 3 a pass-te uh a chiang zawsem a theih behna ding tupna in All Tribal Movement of Lamka (ATML) makaih in zan nitak dak 6:00 in Pearsonmun Community Hall ah Public Awareness Programme neih in om hi. Hiai hun ah Pearsonmun leh a sehvel a om mipi tamtak paikhawm in, Dr. Tualchin Neihsial in Manipur Government in singtangmi MLA leh Minister te apan nialna bangmah om hetlou a apass uh Bill 3-te toh kisai pulakna nei in Singtangmite khangthu leh singtangmite dikna leh tanvoute genna nei a, mi poimoh tuamtuamte apan thugen ngaihkhiakna om hi. Program hunsung in Mawi Dousel, Lalparzo Sanate leh Muan Hangzo apan lasak ngaihkhiakna om in Salpha mi 9-te zahna leh suunna hun zat in om hi.

XXXXXXXXX

Manipur Tribal Movement Road Construction (MTMRC) makaih a Sinzawl leh Tuivai Lei kikal lampi bawlna nasep lohching tak a paitou zel in tuni tan in mun tamkuamtak zoh in omta hi. Thutut kingah dan in, hiai lampi bawlna ding in JSB leh Bull Dozer zat a om in nasemtu te’n niteng in zingkal dak 6:00apan khomial tan nna sem ua, tuni chiang in a nasepna uh ni 5 chingta hi’n kigen hi. Hiai Lampi bawlna toh kisai in mipi kuapeuh in awlmoh mahmah in Singzawl leh a sehvel a om kho tuamtuam te’n a hih theih dandan un kithuahpih zel in, zan in leng mipi phatuam ngai pawlkhat in Sinzawl leh Phaitong kikal a Kawl-suang omte pua in lampi bawlna mun ah va koih ua, huai in nasemte dawn zangkhai mahmah hi’n kigen hi. MTMRC nasepna tamtak in kipahpih mahmah in, mahni hih theih dandan a panlak sawm in kisingsa lel ua, PCI (R) saptuam pumpi in zingchiang Pathianni nipi thawhlawm a donkhiakte uh, Guite Road bawlna ding in MTMRC khut ah pekhe ding ua, EBC saptuam inleng tuabang mah in Guite Road bawlna din thawhlawm dong khawm lellel ua, MTMRC nasepna kithuahpih ut te'n chiklai peuh in kithuahpihna piak theih ding G. Nengdouthang, Chairman, MTMRC in gen hi. Thutut kingah dan in, Guite Road a siat mahmah ziakin hoihtak a bawlna ding in hun sawt khop tak lut lai ding hi’n kigen hi.

XXXXXXXXX

February 26, 2016

District Health Society, CCPur saina in tuni’n Mission Compound kho gei a S. Molhoi khua a United Penticostal Church campus ah Free Medical Campthupitak om a, kho kiim-kho kiang apan mi tamtak paikhawm in Doctor 9 te’n damlou mi 417 en in damdawi leng Rs. 1 lakhs val man hawnkhiak in om hi. Zinglam dak 8:30 in Inaugural Program zatna om in, DC/CCpur Lunminthang Haokip, IAS in Chief Guest hihna toh uap a, Functional President in Dr. Thangchinkhup Guite, CMO/CCPur pang in S. Thienlaljoy Gangte, SDO/CCPur in Guest of Honour hihna toh a uap banah Bialtu MDC T. Khaikhomang, Chairman, Finance Committee leh Manglal Haokip, Chief of S. Molhoi te’n Special Invitee hihna toh hiai hun zatna uap uhi.

{youtube}/xtUn_Z5u6cI{/youtube}

Program zatna ahihleh Seiboi Mate, DPM/NRHM in makaih in Functional President a pang Dr. Thangchinkhup Guite, CMO/CCPur in vaidawnna thu gen a, aman Doctor-te mellahna nei in, S. Molhoi khua in a khua uh a luah nung uh kum 17 val a pai nung a Health Minister deihsakna tang a hiai Free Medical Camp neih theih a om ahih dan gen a, damdawi leng lakh 1 val man hawmkhiak hiding ahih dan gen in,Chief Guest a pang DC/CCPur Lunminthang Haokip, IAS in hiai Free Medical Camp hongkhiakna nei in thugenna hun zang hi. Chief Guest in a thugenna ah, India Government in damtheihna ngai poimoh mahmah in India khua-le-tui te’n damtheihna hoihtak a neih theihna ding un program tuamtuam pankhia in genthei-haksate a ding bik in a tuam liauliau in program tamtak bawlkheta hi’n gen hi. Hichibang a Free Medical Camp neih a om pen sum tamtak a lut banah thil haksatak ahihman in, hiai bang a panlate tung ah mipi’n kipah dan I siam uh poimoh mahmah hi’n gen hi. Pathian in mihingte damthei tak a Amah pahtawi dia hon bawl himahleh taksa a dia hoihlou thil tamtak I guanlut zel ziak ua natna tuamtuam hong piangkhia ahih man in kuapeuh nek-le-tak a kisuum poimoh mahmah hi’n gen hi. Guest of Honour a pang S. Thienlaljoy Gangte, SDO/CCPur in a thugenna ah, nek val ziak a natna tuamtuam hong om pan ahih man in, natna tuamtuam in hon boh ma a ki-etkol dan siam poimoh mahmah ahih dan gen in, hiai Free Medical Camp tungtawn a kuapeuh in damna hoihtak hon ngah uh a deihsak thu gen hi.Inaugural Program zoh in DC/CCPur in damloute kiang a hawm ding damdawi kikoihna munte etkhiakna nei in damdawite leng hoihtak in etchetna nei a, damloute etna munteng leng phakual in etkhiakna nei hi. Tutung Free Medical Camp ah Dr. Chiin Guite, Eye Specialist, Dr. Thanglenlal, Dental Surgeon, Dr. Seikholet Haokip, ENT, Dr. Lalzuitluangi, Gynaecologist, Dr. Tongzakai, Paediatrician, Dr. Shyam Kesjo Singh, Ortho Surgeon, Dr. Jire L. Pudaite, Dr. Belamy Leivon leh Dr. O. Jotin te’n damlou tuamtuamte etna nei ua, ENT ah damlou 21 om in, Dental ah damlou 9, Paediatric ah damlou 128, Eye ah mi 24, Medicine ah damlou 143, Ortho ah mi 54 leh Gynae ah damlou 38 om a, nitum tan in doctor te’n damloute etna nei lai uh hi’n thutut kingah hi.

XXXXXXXXX

YPA New Lamka Block in theihsakna thusuah bawl in, New Lamka Block huamsung a om Unit tuamtuamte panlakna phat huai a sakthu taklang in, kuapeuh in YPA panlakna nungthuap a, a soisel zawng leh a kalh zawng a pailou ding in theihsakna bawl hi. New Lamka huamsung ah tulai in maingaltak a zu-le-sa banah khamtheih leh a dangdang zuak a maingaltak a kipei veng khenkhat a muh ding om pen poisa mahmah in huchibang thil hih te’n a kinlam a tawpsan ding in theihsakna bawl a, YPA thupuante zahtaklou a gamteitei matkhiak a om lehj, YPA thupukna bangbang ah kuamah khase theilou ding a, thunung thuma leng kuaman gen theilou ding hi’n a thusuah ah taklang hi.

XXXXXXXXX

Tuni sunnung dak 2:00 in SBI-RSETI Office, Bijang ah District Level RSETI Advisory Committee te’n Quarterly Meeting nei in 2016-17 a ding Year Plan tel in thu tuamtuam genkhawmna nei uhi. Hiai meeting ah SBI Chief Manager, General Manager, DIC/CCPur, DDM/Nabardm District Employment Officer/CCPur, Director, SBI-RSETI leh LDM/CCPur te kihel ua, CT Lian Guite, Faculty, SBI-RSETI in tu kum paita sung a SBI-RSETI in training tuamtuam a piakte pulakna nei Faculty-te contract suksau ding dan toh kisai a gen banuah Annual Action Plan toh kisai genkhawmna nei uhi. Thutut kingah dan in, SBI-RSETI in tulel in Faculty 2 nei lel in, member paikhawm te’n faculty-te contract hun kum 1 suk sau dia a thupuk banuah guideline dungzui a a khaloh uh leh 10 percent a khansak hiding in thupuk uhi. Annual Action Plan toh kisai a genna uah, 2016-17 sung in Mansionary leh Cane & Bamboo Craft tel in training tuamtuam 20 sai hiding in gen ua, tuailai kum 18 apan kum 45 kikal sepna neilou mi 500 kiang ah training piak hiding in gen uhi.

XXXXXXXXX

Tutung Class X Board exam neihna ding toh kisai a Invigilator dia seh a om te’n zingchiang sun dak 12:00 in Don Bosco Hr. Sec. School ah Rehearsal nei ding ua, Invigilator dia seh a om teng kimtak a tel chiat ding in CCPur Private Centre Committee in theihsakna bawl hi. Sun dak 12:00 in M. Chaoba Stanley, AOC Head Office in Exam siangthoutak a neihtheihna dia panlak ding dan pulakna nei in, Pumshong Hangshing, AOC Confidential in vanzat tuamtuamte AOC leh SI-te kiang ah piakkhiakna nei ding hi. Program hunsung in T. Goukhomang, ZEO/CCPur in vaidawnna thu gen in, T. hanglamthang,. Officer-in-Charge in Committee Member-te mellahna nei ding a, H. Thangdam, SO in keynote Address gen in SP/CCPur leh DC/CPCur apan thugen ngaihkhiakna om ding hi.

XXXXXXXXX

EAC nuai a om Relief & Development-te in Lamka khopi sung a Women Self Help Group tuamtuamte a ding in ni 13 sung daih ding Micro-Entreprise Development Program nuai ah Piggery (Vok) leh Poultry (Ak) Farm bawl ding dan toh kisai training a neih uh First Batch te’n zan a azohsiang nung un 2nd Batch te’n tuni’n pan nawn in zinglam dak 10:00 in Inaugural Program zat in om hi. Inaugural Program zatna G. Thangkhosuanmung, EM/ADCC in Chief Guest hihna toh uap in, Functional President in Pauneihthang Valte, Chief Manager, SBI/CCPur a pang banah G. Thangchinkhup, DDM/NABARD in hiai hun zatna Guest of Honour hihna toh uap hi. Hiai training ahihleh Lamka khopi sung a Women Self Help Group tuamtuamte a ding bik a sai ahih dungzui in 2nd Batch ah Akgou Pawl WSHG, Kizenpawl WSHG, Nunu WSHG, Sara WSHG, Thoubaihpawl WSHG, Thoubaihpawl WSHG, Unity WSHG leh Zoheisa WSHG apan mi 30 val kihel uhi. Training hunsung in G. Thangchinkhup, DDM/NABARD, Simon L. Hrnagchal, Deborah Roneihlu, Mrs. Lamchiin, Lamzamuan leh Dr. Theinnieng, Vety & Animal Husbandary te’n gam kepbit ding dan banah sum tamloulou laihlutte apan kitoudelh theih ding dan toh kisai sinsak ding ua, March 5, 2016 in training zousiang ding uhi. Program hunsung in Functional President leh Guest of Honour apan thugen ngaihkhiakna om in, training a tel te’n mellah nei ua, Chief Guest apan hasotna thugen ngaihkhiakna om hi. Chief Guest in a thugenna ah, CCpur District mipi tamzawte mi taima leh kuhkaltak a nna semte himahleh mahni kitoudelh sawm a panla vang mahmah ahih dan gen a, hiai pen kuapeuh in tawpsan a midangte a dia vualzawlna naak hih sawm a panlak hunta ahih dan gen hi. Kuapeuh in mahni leh mahni kipanpih utna lungsim nei a, mahni innsung chiat bawl fel peuh leng I gamsung ah khantouhna thupitak hong tung ding ahi chi’n gen hi.

XXXXXXXXX

Halleluyah Prayer Band in hongtung ding march 3, 2016 (Ningani) zinglam dak 7:30 apan in GBA Centre Church, Chiengkonpang ah Ann Ngawl Thumna a 249veina nei ding uhi. Hiai hun zatna ahihleh Rev H Nengzatun, Chairman, Halleluyah Prayer Band Town Area leh Evan P Thawnkhansuan Member HPB Town Area in makaih ding a, Upa Lunkhomang Vice Chairman, HPB Town area in liemna thu genna nei in, Letzapao, Old Gelmol in Pathian phatna lasa ding hi.

Xxxxxxx

Zou Presbyterian Church Synod (ZPCS) Lailam Veng in a a saptuam uh kiphuhkhiak nung kum 25 a china Silver Jubilee zingchiang February 27, 2016 in ZPCS Lailam veng ah Mangpa’n a hing umpi hi chih thupi a nei in thupitak in lawm ding uhi. Hiai hun ah Jubilee suang honna leh latna Rev Hangpi Manlun, Lamka District pastor in neiding a, Jubilee dak khetging na mi tuamtuam 25 apan omding hi. Program hun sung mah in Souvenir honna Rev Khupkhansuan, moderator ZPCS in neiding a, Saptuang khangthu sutna Kamgenpau Local secretary apan om in, Upa chinthong Chairman Lamka District in Jubilee Message genna neiding a, S lamthang, Secretary Silver Jubilee celebration committee in report piakna nei in, PYF, Jubilee Choir apan phatna lapawl sakna leng om ding hi.

xxxxxxxxxxx

SBI-RSETI in sepna neilou tuailai kum 18 apan kum 45 kikal mite a dia EDP Training a piak uh paitou zel in, 48th Batch te’n tuni’n training zousiang in sunnung dak 2:00 in SBI-RSETI Office, Bijang ah certificate piakkhiatna nei uhi. Hiai training ahihleh ni 6 sung daih ding hi a, apaisa February 11, 2016 ni in training kipan in, Lamka khopi sung mun tuamtuam a dawr leh sumbuk bawl mi 18 kihel ua, training hunsung in CT Lian Guite, MBA in sum-sinna lam toh kisai a theih tuak poimoh tuamtuam omte hoih tak in sinsak, K. Hirachandra Singh, Director, SBI-RSETI/CCPur in training a telte kiang ah certificate piakkhiatna nei hi. Tuabangkal ah, SBI-RSETI in tunung sawtlou in AK khoi ding dan leh Beauty Parlour bawl ding dan toh kisai in training pe nawn ding ua, lunglutna nei te’n March 5, 2016 tan in min piaklut theih ding hi’n thutut kingah hi.

XXXXXXXXX

February 25, 2016

National Program for Prevention & Control of Deafness (NPPCD) makaih in tuni sunnung dak 12:30 in Vimala Raina High School ah “Ear Care can avoid hearing loss” chih thupi zang in International Ear Care Day zatna om hi. Hiai hun zatna Dr. Thangchinkhup Guite, CMO/CCPur in hongkhia a, T. Goukhomang, ZEO/CCPur, Dr. Dhaneshwar Singh, State Nodal Officer, Dr. Jire L. Pudaite, District Nodal Officer banah Donglianpau, Headmaster, Vimala Raina H/S te’n uap in, Vimala Raina H/S a kai Class V – Class X student te hiai hun zatna ah kihel uhi.

{youtube}/OPgfBN1xWS4{/youtube}

Program zatna ahihleh Seiboi Mate, District Program Manager, NHM in makaih in Dr. Thangchinkhup Guite, CMO/CCPur in hongkhia in keynote address gen a, aman a thugenna ah, World Health Organization in khozakna hoih kuapeuh in a neih theihna ding in March 3 pen International Ear Care Day in puang a, Manipur state in hiai ni pen a thupi theipen a zat a sawm ziak a CCPur Distrist in tuni a zang hi’n gen a, khozakna hoihtak neih theihna ding in bil (ear) hoihtak a kepbit poimoh mahmah ahih dan gen hi. T. Goukhomang Simte, ZEO/CCPur in a thugenna ah, hiai bang a programme thupitak Vimala Raina H/S a zat a om kipak mahmah ahih dan gen a, hiai hun a State Nodal Officer in Bil kep ding dan toh kisai sinsakna a piakte private school a kai naupang te’n leng theikha nailou ding uh ahih man in Vimala Raiha H/S a kai naupangte a ding bik in phatuam mahmah a, hiai school a kai naupangte hampha mahmah uh ahih dan gen hi. Program hunsung in Dr. Dhaneshwar Singh, State Nodal Officer in International Ear Care Day hong kizatpat dan pulakna nei in khovel pumpi a International Ear Care Day zang masa pen CCPur District ahih dan gen a, naupangte lak ah Bil kep siangthou ding dan banah naupang khozakna hoihloute theihkhiak ding dan sinsak hi.

XXXXXXXXX

Nehru Marg Youth Union (NYU) in hongtung ding February 29, 2016 (Seppatni) in Pa Biakpi tenna inn, Nehru Marg ah NYU kiphutnung kum 10 chinna thupitak in lawm ding uhi. Hiai hun zatna Lal Hossan, Vice Chairman, ADC/CCpur in Chief Guest hihna toh uap ding a, 2016-20 sung vaipo ding telna leng nei ding uhi. Program zatna ahihleh sunnung dak 3:00 in kipan ding a, K. Hnunliansang, Secretary, NYU in vaidawnna thu gen in, T. Chinzasawm, President, NYU in Presidential Address gen ding a, Chief Guest apan thugen ngaihkhiakna om in Dr. Khamlalmuan, Asst. Secy makaih in kipolhlimna om ding hi. Nitak dak 7:00 in 2015 kum a lohchinna ngahte kipahpihna program zat hiding a, huai hun ah T. Pauzathang, Adviser in siamsin naupangte a ding in hasotna thu gen in kipahman hawmna leh result puankhiakna om ding hi. Nehru Marg Youth Union ahihleh 1980 kum a vengsung mipi’n a sia a pha banah khantouhna lam enkaitu dia a phutkhiak hi a, a kum a sim in Silver Jubilee lawm thei ding hita mahleh February 29 (Leap Year) ni a kiphutkhia ahih dungzui a tukum pen a kum 10na hipan hi’n kigen hi. Kum paita sung in NYU in vengsung a ding in nna tamtak semkheta in, 2014 kum in NYU panlakna in vengsung mipi’n sum kithoh khawm in CCpur District a dia a masapen ding in vengsung tanvaktu ding Solar Street Light bawl in tuni tan in meivaklouh ni chih omlou in nitak teng in vengsung vak singsing gige zou lai hi. Nehru Marg kichi ahihleh Tedim Road apan Rengkai Road tan susuk a lampi hi a, 1965 kum vel a Manipur Governor in a min a phuah hi’n kigen hi.

XXXXXXXXX

Tuni sunnung dak 1:00 in All Manipur Tribal Women Union (AMTWU) makaih in District Hospital Morgue a numei thum pawl te’n buaina ziak a liamna tuak, tuni tan a etkol a omlaite leh maban a major operation nei dingte kithuahpihna nei in panpihna pia uhi. Thutut kingah dan in, Manipur Government in singtangmite gam leh leitang laksuhna dia Bill 3 a pass ziak un apaisa August 31, 2015 apan buaina nasatak piang in mi salpha mi 9 te’n a hinna uh taan in mi 60 val te’n liamna tuak ua, liamna tuak a tamzawte damsiangta mahle uh tuni tan in nek-le-tak zong theilou a etkol ngai mi 6 om a, AMTWU makaih numei pawl te’n ngai poimoh mahmah in lengkhawmna leh thumkhawmna a neih hun chiang un amaute a ding in sum-le-pai a neih dandan uh tawi khawm zel ua, neih dandan a sum a thoh khawmte uh tuni’n District Hospital Morgue ah piakkhiakna nei uhi. Liamna tuak tuni tan a etkol ngai a omte ahihleh Muansiam of Vengnuam South, New Lamka, Lunminlen of Bijang, David Lalrawngbawl of Rengkai, Kaplian of Gangpimual, Thangminlun of B. Phaicham leh Khailaljon of Chiengkonpang hi ua, numei pawl te’n amaute panpihna dia sum a thoh khawmte uh Rs. 2,000 chiat a hawm in, Miss Dorothy Hrangate, Convenor, AMTWU in piakkhiatna nei hi.

XXXXXXXXX

Ministry of Defence, ZRO/ZRA in tuni’n thusuah bawl in, gam leh nam a dia gin-omtak a nna ana sem Mr. Mangsianlal @ Mang David s/o Zamkholian of Vengnuam, New Lamka in Pawlpi apan ki-awngsut dia ngetna a bawl dungzui in, ZRO/ZRA in Mang David ngetna pomsak in tuni apan Pawlpi toh kizopna nei nawnlou hi’n taklang hi. Mang David ahihleh 2005 kum a ZRA 12th Batch a lut hi a, Pawlpi apan kitawp dia ngetna a piaklut hoihtak ngaihtuah ahih nung a thupukna lak a om hi a, Pawlpi in ZRO/ZRA kalh a gamtanglou ding leh ZRO/ZRA thuguk kembit dia kichiamna leng nei hi’n taklang a, ZRO/ZRA in a kul leh poimoh hunhun a zat theih dia mansa a om ding in theisak hi.

XXXXXXXXX

YPA Vengnuam Unit in thusuah bawl in thuthak om nawn masiah nitak dak 6:00 apan zingkal dak 5 kikal sung Vengnuam huamsung ah nitak curfew puang ua, hiai hunsung in Vengnuam huamsung ah naupang kuamah mawk vaklou ding in theihsakna bawl uhi. Tuaban ah, Vengnuam huamsung a guta-lata banah khamtheih zuak leh buaina bawl mat a om leh a tung a thil tung bangbang kuamah khase theilou ding hi’n Unit sik-le-tang in C-in-C Wing, YPA Vengnuam Unit in a thusuah ah taklang hi.

XXXXXXXXX

March kha a Leimakhong a Army Recruitment om ding toh kisai in CCPur District mipi sepaih pan a lunglutna nei te’n lohchinna a ngaih theihna ding uh ngimna in Team CT Lian leh 7 Assam Rifles te’ saina in zingchiang apan in ni 15 sung daih ding Pre Army Recruitment Training kipan ding hi. Hiai ding toh kisai a min pelut mi 82-te zingchiang zingkal dak 6:00 a 7 Assam Rifles Gate, Headquarters Veng tungkim chiat ding in Convenor, Team CT Lian in theihsakna bawl hi.

XXXXXXXXX

All Tribal Movement of Lamka (ATML) saina in zingchiang nitak dak 6:00 in Pearsonmun Community Hall ah Public Awareness Programme om ding hi. Hiai hun ah Dr. Tualchin Neihsial in Manipur Government in singtangmi MLA leh Minister te apan nialna bangmah om hetlou a apass uh Bill 3-te toh kisai pulakna nei in Singtangmite khangthu leh singtangmite dikna leh tanvoute genna nei ding a, mi poimoh tuamtuam te’n thugenna hun zang ding uhi. Program hunsung in Mawi Dousel, Lalparzo Sanate leh Muan Hangzo apan lasak ngaihkhiakna om in Salpha mi 9-te zahna leh suunna hun zatna om ding a, Pearsonmun khua leh a sehvel a om mipi kuapeuh tel chiat ding in ATML in ngetna bawl hi.

XXXXXXXXX

EAC nuai a om Relief & Development Department in NABARD sensakna tungtawn a Lamka khopi sung a om Women Self Help Group tuamtuamte a dia ni 13 sung daih ding Micro-Entreprise Development Program nuai ah Piggery (Vok) leh Poultry (Ak) khoi ding dan toh kisai kisinsakna apaisa February 11, 2016 apan a neih uh zousiangta in tuni sunnung dak 1:00 in EAC Training Centre, Rengkai Road ah Valedictory leh Certificate hawmkhiakna Programme zang uhi. Hiai hun zatna Thangneisang Khaute, Chief Manager, UBI/CCPur Branch in Chief Guest hihna toh uap in, Thangchinkhup Guite, DDM/NABARD leh Chinmuanthang, Branch Manager, Manipur Rural Bank te hiai hun zatna ah kihel in thugenna hun zang uhi. Programme zatna Rev. Darziding, PO, EAC in thumna a hongkhia in, Special Invitee-te apan thugen ngaihkhiakna om a, Government in khosak haksa leh BPL sungkuan te’n anntang man tawmchik a alei theihna ding un Food Security Act kichi pankhia ua, huai pen thil hoih mahmah himahleh gam kitoudelh zoulou akihih man in bandh leh blockade te’n subuai kha veve ahihman in CCPur District mipi’n lou bawlna leh ganvulhna lam uang bawl leng bangmah buaina in hon sukha nawnlou ding a, food security hoih mahmah khat hong suak ding ahih dan gen uhi. Program hunsung in training a tel mi tuamtuamte apan thugen ngaihkhiakna om in, amau te’n hiai training tungtawn a thil tamtak theih beh uh ahih dan gen ua, Chief Guest a pang Thangneisang Khaute in Certificate piakkhiatna nei hi. THutut kingah dan in, Micro-Entreprise Development Program nuai ah Piggery (Vok) leh Poultry (Ak) khoi ding dan toh kisai kisinsakna ah Pangkhawm Women SHG, IB Veng WSHG, Lunglut Pawl WSHG, Nunu WSHG, Lawmhoih WSHG, Ak Gou Pawl WSHG, Tilsan WSHG leh Chitak Pawl WSHG apan member 30 val hiai training ah tel uhi. Chief Guest in a thugenna ah, theihna tellou a thil hih himhim lohching taktak theilou ahih dan gen in, nidanglai a lou vat a nek zonna pen kingakna tak hinawnlou ahihman in nek muhna kichiantak neih theihna dia hichibang training te poimoh mahmah ahih dan gen hi. Mihing in I thil zil khiakte I zat keileh a phatuamna bangmah omlou a, himahleh I zilkhiakte zang a nna I sep leh I theihna leng pung deuhdeuh ahihman in, training a tel te’n training hunsung a na zil khiak teng uh phatuam tak a zang a nna tamtak semkhe ding in hasuan hi.

XXXXXXXXX

February 24, 2016

Manipur singtangmite nelhsiahna deihlou a kiphutkhia Joint Action Committee (JAC) Churachandpur panlakna a kibawlkhia Manipur Tribal Movement Road Construction Committee in Mizoram leh Manipur kawmtuah a nek-le-tak laklutna ding Guite Road siatna munte bawlhoih ding in apaisa February 22 zingkal in team khat a kuan khiak nung un, zan nitak in team hunkhop Lamka hong tungkik nawn in tuni sunnung dak 3:00 in PTC Conference Hall, Hiangtam Lamka ah Lamka pansan Press/Media-te kimuhpih in thil omdan pulakna nei in, flag-off program zatna toh kisai report piakna nei uhi. Hiai hun ah G. Nengdouthang, Manipur Tribal Movement Road Construction Committee in vaidawnna thu gen in, apaisa February 20, 2016 zingkal a lampi bawlna a zat ding vanzat tuamtuam kuantou in, Dorcas Hall kong, New Lamka ah JAC Chief Convenor H. Mangchinkhup in flag-off in Rev. V. Thangkhangin in thumna toh khakhia a, February 22, 2016 zinglam dak 9:00 a JAC Chief Convenor leh Manipur Tribal Movement Road Construction Committee Chairman makaih in nam makai tuamtuamhunkhop kuantou nawn hi’n gen hi.

{youtube}/wF1di6qxOOg{/youtube}

February 23sunnung dak 2:00 in lampi bawlna ding mun Tuivai leh Sinzawl kikal a gamlak ah nasep patna ding flag-off program thupitak zat a om in, huai ah Mizoram apan ZoRe-Unification Organization (ZORO) GHQ, MZP GHQ leh MSU GHQapan palai hunkhop kihel uh hi’n gen hi. Hiai nasepna ding toh kisai in sum khat leng neilou a kipan khia himahleh nasep pat thei dia a om tak man in panpihna pia mimal leh pawl tuamtuam tuang ah kipah thu gen in, tuni chiang in MTMRC kiang a sum lut zah Rs. 4,46,725 phazou in finance report kimtak om thei naikei mahleh tuni tan in Rs. 2 lakhs val zel zat gaih hita hi’n gen hi. MTMRC makai dia seh a omte’n siamna leh pilna nei hetlou himahleh gin-omtak leh gam leh nam a dia phatuamngai tak sem dia kipekhia ahih dungzui un mipi’n thumna a phawk gige ding in ngetna bawl hi. Lalniropuia, Secretary, MTMRC in a gendan in, Manipur a om Zosuante leh Mizoram a om Zosuante kikawmtuahna lampi omsun Guite Road a bawlna ding toh kisai in Manipur Tribal Movement Road Construction Committee in nna poimohtak semkha ahih dan gen in, maban ah theih tawp suah a panlak sawm ahihman in mipi kuapeuh kithuahpihna poimoh gige ding ahih dan gen hi. February 23 ni a flag-off program neihna hun ah MZP GHQ, MSU GHQ, ZORO leh SSPP JHQ Aizawl apan palai 4 hunkhop hong kihel ua, amau te’n a thugenna uah Guite Road bawlna ding toh kisai a lunglut mahmah in, chiklai peuh a panpih dia mansa a om uh ahih dan a gen banuah a tawp tan a taise lou a pang ding uh ahih dan a gen in panpihna leng pia uh hi’n gen hi. MTMRC a Work Secretary Thathang in Guite Road bawlna ding in JCB leh Bull Dozer zat a om in zan in mipi’n Mass Social Work nei in, buaina bangmah omlou a apaitouh zel leh lampi siatna mun diakte ni 2 ni 3 a zoh hidia gen in, maban ah lei nip omna teng phut mai a, Tuivai a lei laktouh a lampi a sun ahih ding banah nullah leng hoihtak a bawl hiding in gen hi. S. Zamkhanpau, Vice Chairman in Guite Road bawlna ding toh kisai in gen-le-sak tamtak om mahleh vaipo dia seh a omte lungkelou uh ahih dan leh thu-le-la gen neuhneuh omte positive tak a kila ahih dan gen hi.

XXXXXXXX

MSPDCI saina in hongtung ding February 26, 2016 in State Academy of Training, Takyelpat, Imphal ah Department tuamtuam a DDO power neite a ding in “One Time No Due Website” kichi zat ding dan toh kisai training om ding hi. Hiai training ah misiam tuamtuam te’n website zat ding dan toh kisai sinsakna nei ding ua, CCPur District te a ding in sunnung dak 2:00 apan dak 5:00 kikal sung hiding a, CCPur District a om DDO Power nei teng kimtak a tel chiat ding in Rosiemlien, Treasury Officer, Churachandpur in theihsakna bawl hi.

XXXXXXXX

Bible Hill Rengkai a omHope Baptist Academy in tuni zinglam dak 9:30 in NTBC Biakinn ah Chapel Service nei in DC/CCPur Lunminthang Haokip, IAS in uap in Tanchinhoih genna nei hi. Thutut kingah dan in, Hope Baptist Academy in naupangte siamsinna lam kia a khansaklouh a, khalam ah leng halhthakna a ngah theihna ding uh tupna in 2008 kum apan in kal teng Nilaini teng in Chapel Service nei ua, huai hunte ah mun tuamtuam apan thugen ding sam in khalam annkuang luina nei zel ua, tuni tan in sunzomtou lai uhi.Tuni a Chapel Service neihna hun ah Class V apan Class X student-te kihel ua, School Managing Board te banah mi tuamtuam in uap in, DC/CCPur Lunminthang Haokip, IAS in student-te a ding in hasotna thu gen in Tanchinhoih in naupangte vak hi. Hope Baptist Academy ahihleh New Testament Baptist Church saptuamte etkaina nuai ah 2000 kum a kiphutkhiak hi a, tukum in hiai school ah student 1000 val om hi’n thutut kingah hi.

XXXXXXXX

Malaria Department in February First Forthnight report suahkhiak in tu ni 15 sung in Malaria Positive 5 muhkhiak in om a, Malaria PF bel omlou hi’n taklang hi. Report in a taklat dan in tu February First Forthnight hunsung in PHC tuamtuam apan damlou mi 851-te sisan test a om in Malaria Positive 5 muhkhiak himahleh Malaria PF bel omlou a, Malaria natna ziak a damdawi inn a etkol leng omlou hi’n taklang hi. January khasung in Malaria Department damlou mi 1,582-te sisan test in Malaria Positive muhkhiak omlou hi’n leng report in taklang hi.

XXXXXXXX

Kum paita December kha a Senvon PHC huamsung a om Sipuikon PHSC nuai a kho tuamtuam apan Malaria Positive 17 muhkhiak a om toh kisai in hiai toh kisai State Headquarter in enkhe dia thusuah a bawl dungzui in Malaria Department a sem staff bangzah hiam in zan in Lamka nusia in Sipuikon khua zuan in zinkhia uhi. Hiai toh kisai enkhe dia zinte ahih uleh S. Thangthianmuan, NVBDCP Consultant in makaih a, Senvon PHC apan S. Jamdoupau, Health Supervisor, Harlane Buongi, Microscopist, Ruolchungnung, Male Health Supervisor leh Thianzalal, Multipurpose Worker te’n kithuahpih ua, amau spot enquiry bawl in thil omdan etkhiakna hoihtak in nei ding uhi. Thutut kingah dan in, thoukang omlouh hun a Malaria natna hichibang a tam muhkhiak a om pen State Headquarter in lamdangsa mahmah in Senvon PHC a MO Incharge kiang ah a kinlam a spot enquiry bawl ding in theisak mahleh aman tuni tan report pelut nailou hi’n kigen hi. 

XXXXXXXX

National Program for Prevention & Control of Deafness (NPPCD) makaih in zingchiang sun dak 12:00 in Vimala Raina High School ah International Ear Care Day zatna om ding hi. Hiai hun zatna Dr. Thangchinkhup Guite, CMO/CCPur in hongkhe ding a, Dr. Jire L. Pudaite, District Nodal Officer in vaidawnna thu gen in, Dr. Daneshwar Singh, State Nodal officer in Presentation pia in khozakna lam subuai thei thil tuamtuam omte pulakna nei in bil kep siangthou ding dan toh kisai sinsak ding hi. 

XXXXXXXX

Hongtung ding February 27, 2016 (Kiginni) in Lutheran Youth Fellowship (LYF) Singngat Division saina in Singngat community Hall ah Gospel Concert thupitak neiding uhi. Hiai Concert hun ahihleh Session 1 leh 2 in kikhen ding a, Session masa ah Singngat Hausa Haukholian, Muallum hausa Paulamsang, Suanpau Teacher leh Langchinthang Principal EBS in, Chief Guest, Guest of Honour, Functional President leh Chief Host in pangding uh a, Session nihna ah Nengkhosoi President ZSP Ghq, Pumminlal Chairman LYF Lamka Division, Tunmang Chairman LYF Ghq leh Ginkhankhup President ZYO Ghq in Chief Guest, Guest of Honour, Functional President leh Chief Host apang in hiai Gospel Concert hun uap ding uhi. Concert hunsung in Khaiminlun, Hatbawi Zou, Joseph Doulunlal, John Piapiang leh Manhoikim te’n lasakna neiding uh a, Ticket kizuak lel leng kuapeuh in ana lei a tua Gospel Concert hun uap chiat ding in Thanglunlal Samte General secy LYF singngat Division in news tungtawn in ngetna nei hi.

Xxxxxxxxxx

Zenhang Lamka a om Young Learners School in tuni sunning dak 12:30 in school campus ah Valedictory program nei in tukum a Young Learners School pawtsan ding Class X student-te thumsakna leh khak khiakna hun zang uhi. Hiai hun zatna student leh staff-te banah School Managing board te’n a uap banuah tukum a Young Learners School pawtsan ding Class X student-te’ nu-le-pate kihel ua, Miss Kim, leh Miss Lhing te’n Class of 2015 te mellahna nei in amaute kiang ah memento piakkhiakna makaih a, Rev. BL Sandam, Local Pastor, Lamka ICI Church in Class of 2015 te thumsakna nei hi. Program hunsung in Class of 2015 a Class Monitor te’n tu 2016 kum a Class X sinlel Class of 2016 Class Monitor-te kiang ah Baton (mohpuakna) piakkhiakna nei in Rev. Rohminglien Pakhuongte, Vice President, Education, PMS in hasotna thu gen in, Young Learners School Principal apan thugenna hun zang hi. Young Learners School ahihleh 1991 kum a kiphutkhia hi a, Class X First Batch te’n 2001 kum in board exam pan ua,hiai school in officer tamtak sekkheta in, tuni tan in a minhoihna uh khahsuah nailou uhi. Young Learners School Principal Mrs. R. Tusing in a thugenna ah, Class of 2015-te hiai school a dia batch 14na hi uh ahih dan gen a, student tamzaw aneu ua kipan hiai school a kaitou den ahihna uah, khelah thei mahmah in, student te’n leng school a khiaklah ding uh a gintak thu gen hi. Aban a genna ah, tuni a khakkhiak aom student te’n maban hun hongpai zel ding ah, banglam peuh a Pathian phawk a, amah a kikemsak gige dia hasuan in, maban a lohchinna hon neihtouh ding uh a deihsak thu gen hi. Young Learners School ahihleh Mrs. R. Tusing Principal hihna nuai ah 1991 kum in school hongkhiak in om a, tukum 2016 in Teaching staff 62 etkolna nuai ah Student 1,960 om in, Pawl sawm exam ding Pasal 58 leh Numei 54, Student 112 in Board exam maithuah ding uhi. Young Learners School in 2002 in pawl exam ding nei pan in, tukum a pawl sawm exam ding te ahihleh batch 14 na hi ta hi.

XXXXXXXX

February 23, 2016

Centre for Community Initiative (CCI) in tuni’n Malsawm Ability Resource Centre, Pearsonmun ah Early Intervention Unit hongkhiakna nei ua, hiai hun zatna Dr. Sara Verughese, Regional Director, Christoffel Blind-enmission, India Liasion Office, Bangalore in Chief Guest hihna toh uap a, The Malsawm Initiative a kai naupangte banah nu-le-pate tel in mun tuamtuam apan mi poimoh hunkhop hiai hun zatna ah kihel uhi. Program ahihleh zinglam dak 9:30 in kipan a, Pauzagin Tonsing, Director, CCI in vaidawnna leh keynote address gen in, CCI panlakna leh The Malsawm Initiatiative hong kipatkhiak dan pulakna nei a, maban ah government toh pangkhawm a training centre hoihtak suah theih ahih dan gen hi.

{youtube}/FFjkpz_oF_8{/youtube}

Aman a gendan in, amah ngei in leng naupang etkol ngai bik (children with special needs)te kemkha ahih dungzui in haksatna a tuahte uh theihpih in amaute etkolna ding tuam bik bawlkhiak ding lunggulh mahmah ahih dan gen a, vangphat huaitak in 2009 kum in Dr. Sara Verughese toh kimukha in minute 20 sung lel houlimna a neih nung ua hiai bang thil hong piangkhia ahih dan gen hi. 2010 kum pen motivation hun a zang in, Lalpuithluii Foundation School neitu Vunglallian in school compound kil khat ah bukta bawlsak in a kipatna ding un Rs. 10,000 pia a, huai apan hiai tan tungtou a,huchikawmkal ahvanzat leh sinsaktu kining ching a omlouh man in hiai school a kai tuak mahmah mi hunkhop kai theilou ua, amaute khualna leh amau te’n etkolna hoihtak a ngah theihna ding uh tupna in 2013 apan Malsawm Ability Resource Centre, Pearsonmun ah OPD patkhiak in om a, himahleh deih bang a etkolna piak theih ahihlouh man a hiai Early Intervention Unit honkhiak a om hi’n gen hi.Hiai Early Intervention Unit ahihleh Dr. Sara Verughese in hongkhia in Rev. S. Ginmalsawm, Director, Social & Development, EBC in Pathian kiang ah latna nei hi. Thutut kingah dan in, hiai Early Intervention Unit mun ah vualbanlou naupang kia hilou in piching leng etkol hiding a, sunnung dak 1:00 apan nitak khomial tan hon hiding a, special educator-te etkaina nuai ah siamsinna leng hoihtak piak hiding hi’n gen hi. Program hunsung in The Malsawm Initiative a kai naupang te’n special item tuamtuam lahna nei in, K. Guite, Chairman, CCI Managing Board in thugenna saulou nei hi. Aman a thugenna ah, a tupa Ginmalsawm a muh chiang a om theilou in a mit khitui in tuum zel a, himahleh hih ding dan tuan theilou ahih dan gen a, Pauzagin Tonsing in hichibang patkhiak ding dan a gen lai a leng ana awilou mahmah hi’n gen hi. CCpur District ah hichibang naupang tamtak om mahleh kuaman etkol theih ahih lam theilou in vakthaap leng hunkhop om a, Pauzagin Tonsing in muhkholna sautak nei a hiai thil hon patkhiak kipak mahmah ahih dan gen in, maban a project liantak a neihte leng amah kia in zoulou ding ahihman in kuapeuh kithuahpihna poimoh mahmah ding hi’n gen hi.Chief Guest a pang Dr. Sara Verughese in mipite pankhawmna ziak a The Malsawm Initiative hiai tan tung ahih dan gen in, mipite panpihna leh kithuahpihna mah a maban sawntou zel ding ahih dan gen a, Centre for Community Initiative penkum 5 lel a upa pan in, thil bangkim deih bang in pai kei mahleh naupang hiai zah lametna thak a hing thei dia sinsakna a piak uh kipahpih mahmah ahih dan gen in, hiai naupangte innsung, khotang leh saptuam a dia mi zattak pen a hong hih uh a lamet thu gen hi. North East pumpi ah vualphalou te’n siamsinna a ngah theihna ding un international organization 3 - Light For the World, Christoffel Blind-enmission leh Lilian Fonds in siamsinna piak sawm in panla lel a, huai a dia Centre for Community Initiative leng khat a tel thei dia a om man in kipak mahmah ahih dan gen hi.

XXXXXXXXX

All Manipur Tribal Women Union in singtangmite buaina leh Tribal Movement pailel sukhatsem dia apaisa February 8, 2016 apan Salphate luang kikoihna mun District Hospital Morgue ah salphate luang tutpih a lengkhawmna a neih uh paitou zel in tuni apan in hunchiam omlou in Ann Ngawl Thumna pan uhi. Thutut kingah danin, AMTWU in February 8 apan in niteng in District Hospital Morgue ah lengkhawmna nei in, mun tuamtuam apan numei pawl tamtak paikhawm zelzel ua, hiai hunte ah mi tuamtuam te’n Tanchinhoih genna nei in slogan tuamtuam sam in Pathian buan in thumkhawmna nei zel ua, MTFD-te a ding bik in thumkhawmna nei zel uhi. New Delhi ah Parliament Session tuni a pat ahih toh kiton in, Pathian in MP tuamtuamte zang a singtangmite haksatna puankhiak ahih theihna ding in lametna liantak nei in tuni apan in Ann Ngawl Thumna pan ua, Parliament Session neih hunsung teng sutzop touh hiding hi’n gen uhi. Singtangmi te’n Pathian lou ngal belh ding dang neilou in, mipi-misiam leh gam vaihawmtute lungsim khek thei Amah lou ngal kuamah omlou ahih dan numei pawl te’n thei chiang mahmah uh ahih man in hiai bang a ann ngawl thumna hon pat uh hi’n leng kigen hi. Ann ngawl thumna ahihleh zingkal dak 7:00 in kipan a, mipi paikhawm te’n lasak khawmna nei in, mi tuamtuam apan thugen ngaihkhiakna om a, mipi paikhawm te’n “Indouna chu Lalpa Indouna a nih… Hnehna chu Lalpa ta a nih” chih 7vei gen in, “Haleluiah” chih 15vei sam ua, lasakkhawmna nei in Thumkhawmna nei uhi.

XXXXXXXXX

Naupang kum 5 nuailamte Zeng dalna damdawi dawnsakna Intensified Pulse Polio Immunization (IPPI) neihna toh kisai in tuni’n District Family Welfare Officer in Booth Day Report suahkhia in, Booth Day February 21, 2016 (Pathianni) in CCPur District sung ah naupang kum 5 nuailam mi 32,906 kiang ah Zeng dalna damdawi dawnsak a om hi’n taklang hi. Report in a taklat dan in, Tipaimukh, Parbung leh Vangai Range ah Divisional Supervisor 2 etkaina nuai ah naupang kum 5 nuailam mi 3,950 te Zeng dalna damdawi dawnsak dia panlak hi a, tuni tan Parbung, Tipaimukh leh Senvon bial ate report tung naikei mahleh naupang 3,064 kiang ah Zeng dalna damdawi dawnsak in om a, hiai bial a ding in OPV Vial 250 zat in om hi. Thanlon-Sinzawl Division ah Divisional Supervisor 3 etkaina nuai ah naupang 3000 kiang ah damdawi dawnsak dia panlak a om in, Booth Day ni in naupang 2,587 kiang ah Polio damdawi dawnsak in om a, Singngat-Behiang leh Zezaw Division ah naupang 2,335 kiang ah Zeng dalna damdawi dawnsak a om in hiai bial ah Divisional Supervisor 3 zat in om hi. Henglep Sub-Division ah Divisional Supervisional 2 zat a om in naupang kum 5 nuailam 3,582 kiang ah Zeng dalna damdawi dawnsak in om a, Saikot-Samulamlan Division ah Divisional Supervisor 5 zat a om in, Booth Day ni in naupang kum 5 nuailam 8,257 kiang ah Polio damdawi dawnsak in om hi. Khopi sung ah Divisional Supervisor 2 zat a om in naupang kum 5 nuailam mi 12,144 kiang ah Polio damdawi dawnsak dia panlak a om in, Booth Day ni in naupang 11,381 kiang ah Zeng dalna dawdawi dawnsak in om hi. CCPur District ah Booth Day ni in Polio Booth 444 honkhiak a om in naupang kum 5 nuailam mi 32,906 kiang ah Zeng dalna damdawi dawnsak in om a, tuni leh zingchiang tan in House-to-House visit omlai in final report ahihleh Kiginni a suahkhiak man dia panla hilel hi’n thutut kingah hi.

XXXXXXXXX

STC/BSF a om Kendriya Vidyalaya, CCPur ah naupang kum 5 tunglam Class I sin nuamte a ding in admission kihong lel a, lunglutna nei te’n March 10, 2016 tan in ngaihven theih ding hi. Hiai school ahihleh CBSE nuai a affiliation kibawl hi a, Co-Educational (numei leh pasalte kaina) School ahih banah Sappau banah Hindi leh Sanskrit sin-utte a ding in hoih mahmah hi’n kigen hi. BPL Card neite a thawn liauliau a kaisak ahih banuah admission form leng a thawn hi a, computer leh activity hoihtak pansan naupangte sinsakna piak a om in, CBSE Guideline dungzui a Continuous & Comprehensive Evaluation (CCE) piak hi ua, India gamsung mun tuamtuam apan sinsaktu siam taktak te’n naupangte sinsakna a piakna mun uh hi’n leng kigen hi.Naupangte a ding in compound kiningching a om banah Children Park leng hoihtak om a, football, volleyball, Table Tennis, Badminton leh Indoor Games tuamtuam a ding kimawlna vanzat chikim koih in om hi. Naupang kum 5 tunglam Class I zilsak utte a ding in March 10, 2016 tan in ngaihven theih ding a, seat 40 kia om ahih man in lunglutna nei te’n a ngaihven kin uh poimoh mahmah ding hi’n kigen hi. Class II apan Class IX te a ding in ahihleh April 4, 2016 apan kihong pan ding hi’n thutut kingah hi.

XXXXXXXXX

Manipur Government in singtangmite dikna leh tanvou laksuhna dia Bill 3 a pass uh deihlouh etsakna leh Tribal Movement pailel sukhatna ding in JAC Against Anti-Tribal Bill in Village Authority makaih a Lamka Police Station kong a sit-in-protest nei dia thupukna a lak dungzui un apaisa February 1, 2016 apan sit-in-protest pat a om in tuni tan tatsatlou in paizom tou zel lai hi. Tukal sung a sit-in-protest nei dia Bungmual VA-te mohpuakna piak ahih dungzui un zan apan in Bungmual kho mipi te’n Lamka Police Station kong ah sit-in-protest nei pan ua, amau Kiginni tan sunzom tou ding uh hi’n thutut kingah hi. Manipur Government hi’n Centre Government hitaleh Bill 3-te toh kisai tuni tan gen-le-sak bangmah a om nailouh ziak a JAC in sit-in-protest a pat uh hi a, thuthak om masiah sutzop touh hiding hi’n kigen hi.

XXXXXXXXX

Tuni sunnung dak 3:00 in Tuailai1434Pro Team-te makaih inDistrict Hospital Morgue ah Salphate Suunna leh Thumkhawmna hun zat in oma, mun tuamtuam apan tuailai tamtak paikhawm uhi. Hiai hun zatna Miss Manngaihkim in makaih in N. Pumsuanmung, Youth Co-ordinator, EBC in vaidawnna thu gen in, thumkhawmna neihna ziak leh Tuailai 1434 Pro hong piankhiak dan pulakna nei hi. Aman a gendan in, August 31, 2015 apan in Manipur a singtangmite omna bial teng ah buaina nasatak om in EBC sung a om tuailaite a dia poimoh mahmah BYF kiphutkhiak nung kum 50 chinna Golden Jubilee lopna hun zat theilou dia hong om tak in heutu, makai leh mohpuakna nei te’n Pathian buan kawm a khitui naptui toh tuailaite maban ding gelkhawmna a neih nung un diktatlouh ziak a hiai tan tung ahih dan theikhe thak in Paunakte Bung 14 chang 13 pansan in tuailaite diktatna toh kibulphuh thakna dia kihanthawnna ding in Tuailai 1434 kichi hong piangkhia hi’n gen a, tuailaipih salphate luang omna kiang a Pathian buan a gamsung a diktatna om theihna ding tupna a hiai bang program sai a om hi’n gen hi.Aman thugenna saulou a neih zoh in Salpha mi 9-te suunna hun makaih a, Rev. K. Kamchinkhup, Convenor, Tuailai 1434 Pro in salpha sungkuante a ding in thumsakna nei hi. Program hunsung in EBC Central Choir-te apan lasak ngaihkhiakna om in, Evan T. Damkhothang apan Tanchinhoih ngaihkhiakna om a, thawmkhawmna hun Sir Pauthianmuang, Lecturer, EBC leh Dr. Suankhanhau te’n makaih in 2vei zat in om a, mipi paikhawm te’n diktatna toh kibulphuh thak a, Pathian in I gamsung a vai a hawm theihna ding in thumkhawmna nei uhi.

XXXXXXXXX

Board of Secondary Education, Manipur saina in zan (March 1, 2016) in Manipur pumpi ah High School Leaving Certificate (HSLC) Exam pat in om a, Churachandpur District ah High School tuamtuam 74 apan External Candidate toh sim in student 3,093 te’n exam pia in siangthoutak leh buaina bangmah omlou in a ni khat ni zohsiang in om a, March 4, 2016 in Science subject exam nawn ding uhi. Tutung HSLC Exam ah CCpur District in Exam Centre 2 zang in, Candidate teng zinglam dak 8:30 in exam centre tung in huai ah Police te’n frisking hoihtak in nei ua, exam centre huamsung ah book, bag leh a dangdang tawilut sak hilou in gate bul ah koihsak in om uhi.

{youtube}/V_PAmxZ1LKE{/youtube}

Thutut kingah dan in, Exam Main Centre Ebenezer Academy ah Block A leh Block B om in Block A ah Roll No. 16812 apan 17504 kikal a om kha candidate 692-te tu in, Block B ah Roll No. 17505 apan 18028 kikal a om kha candidate 524-te tu ua, Invigilator 44 in enkai uhi. Don Bosco High School Sub-Centre ah Block D tan om in, Block A ah Roll No. 18029 apan 18628 kikal a om kha Cnadidate 600-te tu ua, Block B ah Roll No. 18629 apan 19070 kikal a om kha candidate 442-te tu in Block C ah Roll No. 19071 apan 19490 kikal a om kha candidate 420-te ua, Block D ah External Candidate Roll No. 1039 apan 1452 kikal a om kha candidate 415-te tu in Invigilator 65 in enkai uhi. Exam Main Centre Ebenezer Academy ah zinglam dak 8:45 in assembly om in, huai Churachandpur District Private School Association (CDPSA) in candidate-te a ding in hasotna thu gen in, exam siangthou leh lohching tak a zoh ahih theihna dia student te’n kithuahpih ding in chialna bawl ua, Pastor K. Pumsuanthang, Local Pastor, EBCC Pethuel in Candidate-te a ding in Pathian kiang ah thumsakna leh Vualzawlna ngetsak hi. Zan a exam neihna hun ah chiin dan kilawmlou ching matkhiak omlou in siangthou tak leh lohching tak in zoh in om a, zinghal (March 4) in exam sutzop hiding a, Candidate te’n Science subject Exam ding uhi.

XXXXXXXXX

Mizo Zirlai Pawl (MZP) Genera Headquarters in thusuah bawl in, zan in Mizoram Chief Minister Lal Thanhawla kimuhpih in Career Awareness Campaign neih ding dan leh Mizoram Lokayukta bawlkhiak a om toh kisai banah Tuivai leh Sinzawl kikal lampi bawlhoihna ding toh kisai genkhawmna nei in memorandum pia hi’n taklang hi. MZP GHQ in Mizoram ah kineksiatna douna ding Lokayukta kichi om theihna ding in 2012 apan pan ana lata in tuni tan in zat hinai kei mahleh Chief Minister in Assembly masapen ah The Mizoram Lakayukta Amendment Bill polut ding ahih dan theisak hi’n thusuah ah taklang a, Mizoram ah siamsinna khansakna ding in MZP GHQ makaih a Career Awareness Campaign a tamthei pen sai hiding hi’n gen hi. Tuaban ah, MZP GHQ in JAC Against Anti Tribal Bills nuai a Manipur Tribal Movement Road Construction Committee makaih a Tuivai leh Sinzawl kikal lampi bawlna leng Mizoram CM kiang ah tun in, Mizoram Chief Minister Lal Thanhawla in hiai lampi bawlna dia theih tawp suah a panlak pih ding ahih dan gen hi’n MZP GHQ in a thusuah ah taklang hi.

XXXXXXXX

Churachandpur District in lam tuamtuam ah khantouhna a ngah dungzui in siamsinna lam ah leng masawnna nasatak a om lai in, February 2016 tan in CCpur District sung ah sepna zong mi 74,539 om in huaite lak ah numei 19,979 leh pasal 54,560 om hi’n thutut kingah hi. Hiai toh kisai a CCpur District Employment Exchange in December 2015 tan a record a bawlna uah, Class X pass sepna zong mi 23,101 om in, Class XII pass sepna zong mi 11,936 om a, Graduate sepna zong mi 6,925 om hi’n taklang a, Post Graduate sepna zong mi 676 a om banah Diploma Holder (Engineering leh a dangdang) sepna zong mi 131 om hi’n leng taklang hi. Employment Exchange record dungzui in December 31, 2016 tan a CCpur District mi sepna zong mi 42,769 (Numei 15,607 leh pasal 27,162) om a, huaite lak ah Schedul Tribe 39,247 om in, Schedule Caste mi 71 leh OBC mi 216 om hi’n record ah taklat in om a, January 2016 tan a sepna zong mi 74,539 tungzou hi’n leng thutut kingah hi.

XXXXXXXX

District AIDS Prevention & Control Unit (DAPCU) in hongtung ding March 4, 2016 sunma dak 11:00 in District AIDS Control Officer makaih in DACO Office Chamber ah review meeting nei ding ua, February kha sung a NACP Centre tuamtuamte report etkhawmna om in, Strategic Information Management System (SIMS) toh kisai genkhawmna nei ding uhi. Hiai meeting ah NACP Centre tuamtuam a Project Manager, Stand Alone Lab. Technician leh Counselor teng kimtak a tel ding in Phirtahnglien Buhril, DACO/CCpur in theihsakna bawl hi.

XXXXXXXX

Lamka Damdawi Inn ah tu February khasung in naungek 228 piang in damlou ki-ensak 6,654 a om banah tulel in Blood Bank ah sisan unit 47 omlel hi’n thutut kingah hi. Report in a taklat dan in, tu February khasung in Lamka Damdawi Inn Maternity Ward ah naungek 228 (pasal 119 leh numei 109) piang in, huaite lak ah nau phiik (twins) 3 a om banah Intra Uterine Death (IUD) 2 om a, nau piangtung si 1 om in, nau neih ziak a sib el omlou hi;n taklang hi. Tu 2016 kum in Lamka Damdawi Inn ah naungek 444 (Pasal 241 leh numei 203) piangta in nau phiik 5 om a, IUD leng 5 a om banah nau piangtung si 1 om in nau neih ziak a si kuamah omlou hi’nleng report in taklang hi. Tuabangkal ah, tu February khasung in naungek kum 1 nuailam (Neonate) 44 OPD ah ki-ensak in Anti-Netal Check-up bawl mi 226 om a, OPD a ki-ensak himhim mi 6,654 phazou hi’n thutut kingah hi. Blood Bank ah tulel in sisan unit 47 omlel a, huaite lak ah A+ Unit 9, B Group Unit 17, AB Group Unit 4 leh O Group 17 hi’n thutut kingah hi. Tu February khasung in Lamka Damdawi Inn Blood Bank in February khasung in mi tuamtuam apan sisan 97 mu in, Unit 98 pekhia ua, Voluntary Blood Donation Camp aapan in Unit 22 a muh banuah sisan zat theihlouh unit 3 om hi’n thutut kingah hi.

XXXXXXXX

Manipur Government in singtangmite dikna leh tanvou laksuhna dia Bill 3 a pass uh deihlouh etsakna leh Tribal Movement pailel sukhatna ding in JAC Against Anti-Tribal Bill in Village Authority makaih a Lamka Police Station kong a sit-in-protest nei dia thupukna a lak dungzui un apaisa February 1, 2016 apan sit-in-protest pat a om in tuni tan tatsatlou in paizom tou zel lai hi. Tukal sung a sit-in-protest nei dia College Veng VA-te mohpuakna piak ahih dungzui un tuni apan in College Veng mipi’n Lamka Police Station kong ah sit-in-protest nei pan ua, zingchiang in leng sunzom ding uhi. College Veng mipite ahihleh Kawnpu leh Rengkai kho mipi’n kithuahpih ding ua, hiai hun ah mipi a tamthei pen tel ding in College Veng VA in theihsakna bawl hi.

XXXXXXXX

Apaisa February 21-13, 2016 sung Intensified Pulse Polio Immunization (IPPI) 2nd Round neihna toh kisai report suahkhiak a omta in, IPPI 2nd Round ah Polio dalna damdawi vial 2419 zat a om in, naupang 36,289 kiang ah Zeng dalna damdawi dawnsak a om hi’n taklang hi. Report in a taklat dan in, Tipaimukh Block ah naupang kum 5 nuailam 3,488 kiang ah Zeng dalna damdawi dawnsak a om in, Thanlon Block ah naupang 3,076 kiang ah hiai Zeng dalna damdawi dawnsak in om hi. Singngat Block ah naupang kum 5 nuailam mi 2,850 kiang ah Polio damdawi dawnsak a om in, Henglep block ah naupang 4,037 kiang ah Zeng dalna damdawi dawnsak aaom banahSamulamlan Block naupang 10,565 kiang ah damdawi dawnsak a om in, Lamka Town Area huamsung ah naupang kum 5 nuailam mi 12,273 kiang ah Zeng dalna damdawi dawnsak a om hi’n report in taklang hi. Thutut kingah dan in, IPPI 2nd Round ah Divisional Supervisor 19 zat a om in, Sectoral Supervisor 87 zat ahih banah Booth tuamtuam a duty ding ASHA Worker 419 leh Health Staff 1,357 zat in om a, Booth Day ni in mun tuamtuam 444 ah Polio Booth honkhiak in om hi.

XXXXXXXX

Zanhal (February 29) nitak dak 11:30 vel in galvan tawi pawlkhat in K. Salbung a om Addl. DC/Kangpokpi leh CEO/Kangpokpi hihna len lel DK Thangboi tenna inn Marino Cottage ah grenade bomb paihpuak ua, si-le-liam kuamah omkei mahleh compound sung a om gari 2 a kisiat banah building mun tamtak ah bomb hal in a denkhakna ma muh ding om hi. Thutut kingah dan in, zanhal nitak dak 11:30 vel in K. Salbung a om DK Thangboi, MCS tenna inn ah galvan tawi pawlkhat in bomb paihpuak in, thil tun theih phet in bialtu MDC Khaipao Haokip tel in vengsung mipi’n kidelh huan in zan khovak in thil tuna mun ah omden uhi. Bomb hal in compound sung a om Bolero (MN-03A/2274) leh Chevrolet Car (MN-01W/5201) dengsia in inn bang mun tamtak a suksiat banah tukverh/tolet glass tamtak leng susia a, thil tun hunlai in inn ineitu DK Thangboi, MCS leng omlou hi’n kigen hi. Hiai thiltung toh kisai in zan zingkal dak 7:00 in SP/CCPur L. mangkhogin Haokip, IPS makaih in Police team te’n thil omdan etkhiakna nei in suizuina nei lel lel ua, hiai thu puankhiak ahih tan in ginlelh matkhiak kuamah nei nailou uhi. DK Thangboi zi Mrs. Ngairemi in a gen dan in, thil tunna mun pen amau inn ahih lam thei pahlou in, a khonung sawtlou a thei khe pan ahih dan gen a, kuamah apan vauna a muhlouh banuah a pasal kiang a sum demand a om lam leng theikhalou hi’n gen a, hiai toh kisai in Police Station ah FIR gelh lut in omta hi.

XXXXXXXXX

Young Paite Association, New lamka block in a paisa February 29, 2016 nitak dak 6 in YPA khominthang Unit vehna nei uhi. YPA New lamka block in YPA Khominthang unit vehna a neih uh ahihleh YPA New Lamka Block in New Lamka block huamsung a Unit tuamtuam vehna neiding chia program a bawl nung ua, Unit 11 omte lak a Unit a veh masakna pen uh hin kigen hi. YPA New Lamka Block in YPA Khominthang Unit vehna a neih hun uah YPA general Hqtr apan, JAC apan leh New Lamka block apan thugenna hun zat in om hi. Unit vehna hun a YPA New Lamka block Secretary Lianmuanthang Valte in a genna ah, YPA kichi a zawng a hau kuamah khentuam neilou a nasem hin gen a, lungsim dang bangmah neilou ahihdan leh tutung a Manipur singtang mite I buai na uah leng YPA New Lamka Block in pan a laktheihna lam chi tuamtuam ah panla in salpha te galna in YPA in sum muhna neikei mahleh dangka 27,000 a galna pia hin gen hi. YPA Gen Hqtr President S Chinngaihpau in a genna ah, gamsung buaina toh kisai in hikei taleh KKL, YPA I chihte phattuam ngaihna nasep lampang ah sivuitu dia zat ahihbang un, JCB zang in salphate luang koihkhiakna ding in hankhuk toh himahleh YPA tellou a sivui theih hilou ding hin gen a, lam tuamtuam ah singtangmite kiphinna nengniam sawm in panlakna pau mahleh numei te ziak in I movement uh paitou lel a, tua te hoihtak a I ngaihtuah thak chiang in Pathian thilbawl ahi chi hi.

Tuni tan a I thumnate uh lohching tou zel ahihman in, lungke lou a naksem a I pan uh poimoh ahi chia a gen banah, Gideon in mi 300 toh gal a dou a a vualzoh bang in, Pathian lau a gal I dou nakleh tawm chik in Singtangmite movement paipih leh leng kilohching ding ahi chi hi. JAC Chief Convenor H Mangchinkhup in a genna ah, 1970 kum in India President VV Giri in Manipur singtangmite a ding liuliau in laisuah in huai ah India Danbupi nuai a Article 371C pansan in Manipur Governor in kumteng in singtangmite kivaipuakdan leh gamsung khantouhna toh kisai thilte phualpi solkal ah report pezel ding chih himahleh tuni tan hiai thu sepsuah a omlouh ban ah, India Danbupi nuai a Article 164 pansan in phaizang bial te ah Panchayat leh Gram Sabha chihte om in, huai a member peuhmah kiang ah allowance piak himahle uh, Manipur singtangmite kivaipuakna Village Authority member te’ kiang ah allowance khat leng piak a omlou hin gen hi. Manipur singtangmite kivaipuakna toh kisai in, Hill Areas committee chih phuankhiak a om in, tua committee kiang ah Singtangmite sukha theiding Bill himhim pass ahihma in theihsak masak ding chih himahleh Manipur solkal in Bill thumte Money bill ahi chihkhum hin gen a, huaikia lou in leng Manipur ah phaizang mite toh singtang mite’n MLA a kikim a neih hunta ahihdan gen in, ahuchih keileh Singtangmite a tuam a I kivaipuak ding uh ahi chi hi. Tutung a naktak a pangkhawm ahihkeileh tunung in ei a ding a buaipih tham ding Bill tuamtuam Popilation Commission, Land Reform chihte Assembly tutkhawmna ah puaklut a omlai ding hin gen hi. S Manlian President YPA New Lamka Block in leng YPA kichi sum muhna neilou himahleh phattuam ngaihna nasep ahihman in YPA a hun I zat leh I lungsim tawldam ahihdan gen in, singtangmite kiphinna toh kisai in YPA theihpih louh a siluang koihkhiak sawmte naktak a mohpaih ahihdan gen in, YPA theihpihna tellou in salphate luang koihkhiak sak hilou ding chi hi. YPA New Lamka Block in ahihleh hongtung ding March 9, 2016 in YPA V Munhoih Unit vehna neiding ua, March 16, 2016 in YPA Vengnuam Unit vehna nei nawn ding uhi.

Xxxxxxxxxx

V. Nunlian in a bawl, Lamka khopi sung a lasa siam tuamtuam te’n a sak uh 'Ka Phatna Zaila' (V. Nunlian La-te) kichi gospel music video album zan nitak dak 6:00 in Rayburn Presbyterian Church, New Lamka ah honkhiak in om hi. Hiai hun zatna Elder Langkhanpau Guite, Moderator, PCI (R), Rev. Pumsuanmung, Youth Co-ordinator, EBC, Sir Ted Seymour leh Timothy Treca te’n Special Guest hihna toh uap in thugenna hun zang ua, Rev. S. Vung Minthang, General Secretary, EBC in hongkhia in Pathian kiang ah latna nei hi. Hiai album ah la 12 om in, a la teng V. Nunlian in a phuah leh a kaih a bawl vek hi a, lasa siam minthang Glady Lalparzou, Chingngaihlian, Khaw-khawl, Ningmuanching, Pastor H. Biakson, Biakhoih, Lalnuntluangi @Te-i leh Rody Zaliensing te'n siamtak a asak uh ahi hi.

XXXXXXXX

Angel’s Vision a Lineman semlel T. Ginsonlian (28) s/o T. Thongzalam of Vengnuam, New Lamka in a paisa January 11 sunma dak 11:45 vel a PT Sports Complex kiim lak a Cable Main Line gui niamchik chik a kizante dawmsang a nna semlai High Tension gui in man a, kintak a Lamka Damdawi Inn tut a om a Doctor te’n RIMS, Imphal a etkol ding in refer nung un, February 29, 2016 nitak dak 8 velding in RIMS Urology ah a liamna dampih zoulou in si hi. T. Gonsonlian ahihleh January 11, 2016 a a lawmte toh PT Sports Complex kiim lak a Main Line gui niamchik a kizante dawmsang in nna sem hi ua, amah inntung ah pang in cable guite kai tang a aom lai huih nung in inntung a High Tension niamchik a kizan mut liing in inntung a om T. Ginsonlian man a, innkiim-innkiang a om mi pilvang khenkhat in kintak in Khominthang Power House ah meivak sumit in a hinna humbit theih in om mahleh, a puan-ak leh khekol teng kangtum vek a, a kong nuailam teng leh a nungzang teng leng kang nasa mahmah in a taksa 60 percent vel kang hi’n doctor te’n gen uh a, February 29, 2016 nitak a damzoulou a sihna a tuahphut ziak in, Angel’s vision in kisuun mahmah in zan nitak news leng amah sunna ziak in hon kikhah lou hi. T Ginsonlian ahihleh February 12, 1987 kum in Thanlon Sub Division sung a om Muikot, Savaipaih khua ah piang in, laisiam thei tak ahihziak in Class VI apan Class XII kikal JNV, Tuinom ah kai in, Class X leh XII First division in zou hi. Angel’s Vision a Technician a sepma in, Kawlbem Mizoram ah kum khat leh a kim sung casual teacher in sem a, a nung in EBC Mission School Thyamkonjin ah kum khat leh a kim sung mah Teacher in sem a, 2008 kiimlak vel ding in Huihkhi kichi magazine minthang mahmah ana suahkhia in, 2014 kum in Angel’s Vision ah Linemen Technician sem a, Angel’s Vision a a sepsung in, a mohpuakna zou mahmah a, sepna ah mi chitak leh mi thanuam a chiamteh ahihman in Angel’s Vision in suun petmah in ka suun uhi.

XXXXXXXX 

Young Paite Association (YPA) General Headquarters in tuni zingkal dak 7:00 in YPA GHQ Hall, Hiangtam Lamka ah YPA kiphutkhiak nung kum 63 chinna Raising Day lopna nei in, YPA puanlap kaihpalhna a om banah Salphate leh YPA makai ana mualliamsate suunna hun om in, YPA Danbupi honkhiakna om hi. Hiai hun zatna ah YPA GHQ a vaipote banah Central Executive Committee leh Advisory Board teng a tel banuah Block leh Unit tuamtuam a Office Bearer teng kihel ua, zingkal dak 7:00 in YPA GHQ President Chin Ngaih Pau in YPA puanlap kaipalh in Upa H. Nengsong, Sr. Adviser, YPA GHQ in thumna in hun zatna hongkhia hi. Program hunsung in YPA GHQ President in vaidawnna thu gen in, President thuchah genna nei a, aman muhkholna sautak nei a YPA ana phutkhetute zahna siangpen pia in, maban ah sep-le-bawl ding tamtak omlai ahih dan gen hi.

{youtube}/FZPEjFU1Jaw{/youtube}

I minam in buaina I tuah taktak leh mipi ma a kal 1 kal 2 suan a panla ding mi chitak leh ginom poimoh mahmah ahihlam theih khiak in om a, June kha chiang a election neihna ding ah kuapeuh in lungsim vaksak a, I na I gam a ding heutu hoih I neih theihna ding un kuapeuh thum leng deih huai a sakthu gen hi. Kuapeuh in hiai tan a hunsak mailou a, tua I paipih pen uh hangsantak a I paipih uh poimoh mahmah ding hi’n gen a, gam leh nam khantouhna ding in kuapeuh in kalsuan in panla chiat ding in ngetna bawl hi. Program hunsung in Paukhanmawi Guite, General Secretary, YPA GHQ in 2013-16 sung a sep leh bawl tuamtuam a neihte uh toh kisai report pia in, V. Chinkhenmung, Finance Secretary, YPA GHQ in sum dinmun toh kisai report pia a, YPA Gen. Secy lui Tunglut Thuamkhopau makaih in gam leh leitang a dia hinna ana pia Salpha mi 9-te leh 2013-16 sung a YPA sung a heutu masate suunna hun zat in om hi. Thutut kingah dan in, 2013-16 sung in YPA sung ah Life Member, Patron Member leh Unit leh Block tuamtuam a makai 6 in tangtawn mun ding ana zuan ua, amaute ahih uleh Upa Thangchinzam Ngaihte, HN Amzathang, Thianneihhoih Guite, T. Thuamhau, H. Siamchinkhup leh V. Tuanliankap hi ua, Paukhansiam in a phuah “Phamsa mihangte” chih la Miss Chingngaihlian in siamtak a sa in mipi’n suunna hun zang uhi. Program hunsung in Rev. N. Pumsuanmung, Youth Co-ordinator, EBC in hanthawnna thugenna nei in, YPA kichi tup-le-ngim hoihtak nei a kiphutkhia ahih dungzui in kuapeuh in tup-le-ngimte thei a kibawlhoihna ding munte ah kibawlhoih hun mahmahta ahih dan gen hi. Hanthawnna hun zoh in Upa V. Vungzathang, Chairman, CEC, YPA GHQ In YPA Danbupi 6th Amendment hongkhia in Rev. K. Lian Bension, Executive Secretary, EELC in vualzawlna pia in Pathian kiang ah latna nei hi.

XXXXXXXX

District Family Welfare Officer, Churachandpur saina in hong tung ding March 9, 2016 in Kawnpui Playground ah Rural Child Health (RCH) Camp toh kithuah Medical Camp om ding hi. Zinglam dak 10:30 in District Malaria Officer makaih in inaugural program zatna om ding a, huai ah Dr. Thangchinkhup Guite, CMO/CCpur in Medical Camp honkhia in thugenna hun zang in, Dr. J. Son Gokham, Medical Superintendent, District Hospital/CCpur in siangthouna toh kisai genna nei ding hi. Program hunsung in, DAPCU leh RNTCP Churachandpur te’n HIV & Sexually Transmitted Infection (STI) banah TB natna toh kisai leh kiven ding dan toh kisai sinsakna nei ding ua, DIO Churachandpur in Vote of Thanks gen ding hi. Medical Camp doctor tuamtuam te’n damloute etna nei in damdawi leng a om bangbang a thawn in hawmkhiak hiding hi’n thutut kingah hi.

XXXXXXXXX

Apaisa November 8, 2015 a National Means cum Merit Scholarship Exam neihna toh kisai in result puankhiak in omta a, Vimala Raina High School apan student 4 leh Bijang Loubuk Jr. High School apan student 1 in lohchinna ngah uhi. Vimala Raina H/S apan lohchinna ngahte ahih uleh Miss Dina Vaiphei (108 marks), Kaplunmang (104 marks), Ngaineihat (78 marks) leh Nemngaithiam (74 marks) hi ua, Bijang Loubuk Jr. H/S apan Andrew Laltanpui (76 marks) in lohchinna ngah hi. Lohchinna ngah te’n Zero Balance in Bank assount hong in kha teng in Rs. 500 sang ding ua, Government school apan Class X a pass ua, 50 percent tunglam a muh uleh Class XI leh Class XII tan ah hiai Scholarship mu zomtou ding uh hi’n thutut kingah hi.

XXXXXXXX

Hongtung ding March 5, 2016 sun dak 12 in Nghathal Playground ah Muan Eimi Football Club saina in Grassroot Level Football Coaching kipan ding a, sun dak 12:00 in opening ceremony zatna om ding hi. Hiai hun ah Chief guest in CT Lian Guite MDC, New Lamka West pang ding a, Functional President in H Thangzamang, Secretary, UZO GHQ pang in, Guest of Honour in Ginchinthang Ngaihte pang ding a, Chief Guest in Grass Root Level Football Coaching hongkhia in Pastor Thangchinlun in Pathian kiang ah latna nei ding hi.

Xxxxxxxxxxx

Tuni sunma dak 11:30 in Khomawi Hausa Lalnghaisan tenna inn kong, Tedim Road ah Hyundai EON Car leh BSF-te Gypsy kiphu tuah a, gari mailam tuak kise nak sim mahleh si-le-liam kuamah omlou hi. Thutut kingah dan in, EON Car (MN-01S/4325) ahihleh Himanta Singh s/o (L) Tomba Singh of Sekmai Koujeng Leima Leikai, Imphal West District in a hek hi a, Lamka a hih ding poimoh nei a hong zin kiklam hi ua, a mai ua Diesel Auto tai a pelhna lam uah SHQ/BSF, Koirengei ate zatlai Ram Kumar Rai in a hek Bulletproof Gypsy (AP 23H/4697) toh kiphu tuah a, gari mailai tuak kise nak sim mahleh si-le-liam kuamah omlou hi. Hiai thil tung toh kisai in Car neitu leh BSF official te’n Lamka Police Station ah kihouna nei in, gari bawlna toh kisai a sen-le-pan om teng Car neitu in a sen vek dia kihoulem a pm dungzui in Police in hiai toh kisai in case bangmah chiamtehlou hi.

XXXXXXXX

Autonomous District Council, Churachandpur in hongtung ding March 5 leh 7, 2016 in ASC churachandpur nuai a om sumsinna inn teng in License kipete diktak a ana zang mah uh hina hiam chih enkhe kawm ding in revenue drive neiding uhi. Hiai hun ah Thanghaulian, T Peter leh Ph Somendro Singh in Tuibuang area apan Light House kikal moh paw ding uh a, Lalnghinglova, Lalkhosei leh Th Dhaneswar Singh te’n Light House apan Zenhang bazaar uap in Rengkai Bazar tan mohpaw ding uhi. Huai banah, Nasir, H thangkhankham leh Ginkhanpau in Police station apan tipaimukh road tawn in Phailian tan banah, Tedim riad tumlampang IB Road huamkha in revenue drive neiding ua, V daikhansuan, O Sheila Singh leh K Lalremmawia in Tedim Road suahlam pang Rengkai Road bul apan Lailam lei bul tan mohpaw ding ua, H Shanta Singh, Md Fakruddin leh Tunzalian in Tedim Riad dung lamsak leh lamkhang Lailam lei apan apan Lanva, New Lamka area tan mohpua in, Tualkhanlal, Vialkhogen leh Lalchhuanga in IB road junction apan Tedim Road tumlam pang Lailam lui gei, Thangzam Road leh New Bazar area mohpaw ding uh a, huai ding toh kisai in March 5 leh 7 sunma dak 10 in Executive Officer ADCC town ah ki-report chiat ding in Smt Mannuamching CEO ADC Churachandpur in theihsakna bawl hi.

XXXXXXXX

Haleluyah Prayer Band, Town Area te’n tuni zingkal dak 7:30 apan in GBA Central Church, Chiengkonpang ah Ann Ngawl Thumna a 249veina nei ua, saptuam tuamtuam apan mi tamtak paikhawm uhi. Hiai hun zatna ahihleh P. Lala in makaih in Upa Lunkhomang, Vice Chairman, Haleluyah Prayer Band, Town Area in vaidawnna thu gen in, Rev. H. Nengzatun, Chairman, Haleluyah Prayer Band, Town Area leh Evan P. Thawnkhansuan, Member, Haleluyah Prayer Band, Town Area te’ makaih in thumkhawmna neih in om hi.

XXXXXXXX

Manipur Government in singtangmite dikna leh tanvou laksuhna dia Bill 3 a pass uh deihlouh etsakna leh Tribal Movement pailel sukhatna ding in JAC Against Anti-Tribal Bill in Village Authority makaih a Lamka Police Station kong a sit-in-protest nei dia thupukna a lak dungzui un apaisa February 1, 2016 apan sit-in-protest pat a om in tuni tan tatsatlou in paizom tou zel lai hi. Zan leh tuni’n College Veng VA makaih in College Veng mipi’n Lamka Police Station kong ah sit-in-protest nei ua, Kawnpui leh Rengkai khua apan mi bangzah hiam in kithuahpih uhi. Zingchiang leh zinghal in Kangdou Veng, Nghathal, B. Vengnom leh Kanaan Veng, New Lamka te’n sit-in-protest nei ding ua, mipi a tam thei lam in uap ding in ngetna bawl uhi.

XXXXXXXXX

Mizoram apan lasa siam minthang mi 3 in khamtheih sal a tangte leh tagah kemtu neiloute panpihna dia a bawlkhiak uh Operation Kingdom Ministry te’n Lamka hong pha in, tuni sun dak 12:00 in MPC Manipur Group Office, Hmuia Veng ah Lamka pansan Press/Media-te kimuhpih in hiai Miniztry hong piankhiak dan pulakna nei ua, zingchiang in Salphate mi 9-te luang omna DistrictHospital Morgue pha in Ann Ngawl thumna nei numei pawlte toh kithuah khawmna nei ding uhi. Lamka a hong zin Operation Kingdom Ministry-te ahih uleh Chairman hihna len lel Lalruatpuii in hon makaih in Secretary hihna len Lalbiakhlimawmi @ Tete-I leh Treasurer hihna len Lalremtluangi @ Maremi Pautu te’n hon zui ua, MPC Manipur Group in kithuahpih in tuni zun dak 12:00 in MPC Office ah Press/Media-te toh houlimna nei uhi. Lalruatpuii in a gendan in, 2014 October kha in Lamka ah lasa dia chial a om in, Hill Town Hausa Dongzakai inn ah tung ua, huai ah a lawmte 2 – Tete-u leh Maremi Pautu toh kimu in, houlimna a neihna uah khantheih sak a tangte suahtakna ding lampi bawlsakna dia Ministry khat bawlkhiak lunggulh mahmah uh ahih dan kithei khia in, Aizawl a tunkik un Operation Kingdom Ministry kichi pankhe ngal ua, tuni tan in khamtheih sal a tang mi 30 leh 40 kikal vel ana enkolta in, tulel in mi 20 enkol on Home tuamtuam ah koih uh hi’n gen a, hiai Ministry tungtawn a kibawlhoih mi hunkhop leng omta ahih dan gen hi.

Centre hoihtak a neihlouh ziak un khamtheih sal a tang a etkolte uh Home tuamtuam ah koih in amau lasa in vak ua, sum a muhkhiakte uh khamtheih sal a tangte etkolna ding in zang zel uhi. Tu in Centre bawlna ding mun leh mual neita mahle uh inn bawlna ding sum omnailou ahih man in, Van Jubilee Dar kichi music video album bawl in apaisa February 19, 2016 in honkhiak in om a, hiai music video album leisak ut te’n chiklai peuh a lei theih ding hi’n gen hi. Tu Kiginni in Lamka khopi sung mun tuamtuam ah street preaching nei ding ua, huai ah donation box koih hiding a, huai a sum muh khiak teng Centre bawlna dia zat hiding hi’n gen hi. Treasurer hihna len Maremi Pautu in mi lak a khutdoh a hilou uh ahih dan gen in, Pathian in talent a piak lasak siamna zang a hiai Ministry paipih uh ahih dan gen a, street preaching a neih hun ua mi’n sum a piak khawmte uh zang a khamtheih sak a tangte enkol uh ahih dan gen hi. Secretary hihna len lel Tete-i in Centre hoihtak bawlkhiak a, hiai Centre a om te’n khalam kia a hah thakna ngah mailou a, Centre a pawtsan hun ua nek-le-tak baihsamtak a azon theihna ding ua training centre toh kithuah bawl lunggulh mahmah uh ahih dan gen a, mi phatuam ngai te’n Centre bawlna ding mun-le-mual pekhinta mahle uh a inn bawlna ding sum-le-pai om nailou hi’n gen hi. Operation Kingdom Ministry in a tuppen ahihleh khamtheih sak a tang Pathian lunggulhna neite a ding liauliau a kipankhia ahih dungzui in huchibang haksatna nei te’n chiklai peuh a sap theih uh ahih dan a gen hi. Amau ahihleh tulel in Chiengkonpang a om Pa Ginzamang inn ah kinga in, zingchiang in District Hospital Morgue ah numei pawlte toh hun zangkhawm ding ua, Kiginni chiang in street preaching nei in, Seppatni chiang in Imphal ah paisuk ding ua, maban ah Myanmar a Zosuante omna mun teng siksuak vek sawm uh hi’n gen uhi.

XXXXXXXX

Khamtheih sal a tangte leh tagah kemtu neiloute panpih a Pathian nna sem dia kipekhia Mizoram Gospel Singer minthang mi 3 in a patkhiak Operation Kingdom Ministry te’n tuni sunnung dak 1:00 in District Hospital Morgue pha in gam leh leitang a dia hinna ana pia Tribal Martyr mi 9-te galna nei in, Ann Ngawl thumna nei numei pawlte toh kithuah khawmna nei uhi. Hiai hun ah mun tuamtuam apan mipi hunkhop tak paikhawm ua, khalam a dangtak mahmah leh Pathian buan a niteng a Hospital Morgue a hun zang numei pawlte Operation Kingdom Ministry te’n su gamlum mahmah in thu kigente leh la kisate tungtawn in Pathian khasiangthou in nna thupitak in sem hi.

{youtube}/l1UIvURWOo8{/youtube}

Program hunsung in Lalruatpuii, Chairman, Operation Kingdom Ministry in thugenna hun zang in, Operation Kingdom Ministry hong piankhiak dan pulakna nei in, Pathian in Zosuante thuak ding a phal ziak a hiaibang thil tungsak ahih dan gen a, Amah thil hih theihna ginglou mite lak a latsakna dia ei hon zang ahihman in “I thou ding ua, ginglou mite vuallelhna ding in phat tak leh belh tak Pathian ahih dan langsak thak in hiai hun manphatak mawk zat mang kei ni uh” chi’n gen a, Martyr mi 9-te sungkuante a dia thumsakna nei hi. Lalremtluangi @ Maremi Pautu, Treasurer in Lamka hong phak ding uh lin mahmah ahih dan gen a, himahleh hiai mun hong tun un a gintak khel a Pathian in nna sem in hun nuamtak zang lel uh ahih dan gen a, zekai ngeilou Pathian in a hun tak a nna hon sem ding ahih dan gen in, Salpha sungkuante kiang ah galna sum pia in “4 Days Late” chih la sa hi. Program hunsung in numei pawl te’n leng niteng a ana dan un, thusam tuamtuam sam ua, Miss Lalbiaklhimawmi @ Tete-i, Secretary leh Lalruatpuii te’n lasakna nei in, LS Gangte in thumna in hun khakna nei hi. Operation Kingdom Ministry te’n ahihleh zingchiang in khopi sung mun tuamtuam ah street preaching nei in lasakna hun zang ding ua, huai hun ah leng mipi a tam theipen tel ding in chialna bawl uhi. 

XXXXXXXX

PA Sangma, Convenor, North East MP Forum in Heart attack ziak a ahunlou tak a sihna hanmual a zotna tung ah Paite Tribe Council (PTC) General Headquarters in suun mahmah uh ahihdan puang in, tuni sunnung lam in PTC GHQ Office ah Pumlianpau Ngaihte, President, PTC GHQ makaih in suunna hun zang uhi. PA Sangma ahihleh in North East a dia politician kumlui mahmah hi a, Manipur singtangmite buaina toh kisai awlmoh mahmah in pan naktak in ana la a, a sih tan dong in Manipur singtangmite a dia theih tawp suah a panla hi’n kigen hi. Hiai bang a pan ana laknate PTC GHQ in theihpih in suun thu puang a, amah suunna in minute khat sung dai dide in hun zang uhi.

XXXXXXXX

District AIDS Prevention & Control Unit (DAPCU) in tuni sunma dak 11:00 in District AIDS Control Officer Phirthanglien Buhril makaih in ama Office Chamber ah review meeting nei in February kha sung a NACP Centre tuamtuamte report etkhawmna om in, Strategic Information Management System (SIMS) toh kisai genkhawmna nei uhi. Hiai meeting ah SHALOM, LRRC, PPO leh LWS tel in Churachandpur District sung a NACP Centre tuamtuam a Project Manager teng a tel banuah Stand Alone Lab. Technician leh Counselor teng kimtak in kihel uhi. Meeting hunsung in, tu financial year beima a target muhzoh ding dan toh kisai leh khota tuamtuam a awareness campaign neih ding dan a gen banuah lam tuamtuam ah masawnna nasa zawsem om theihna dia panla a, National Level tan a report hoihtak piak theihna dia panlak ding dan genkhawm uhi. Tuaban ah, tu February khasung in HIV Positive 6 muhkhiak a om in, amau te’n service lungtun huaitak a ngah theihna ding ua theih tawp a panla ding in DACO in ngetna leh theihsakna bawl hi.

XXXXXXXX

Mizo People Convention (MPC) Headquarters Manipur in tuni sunma dak 11:00 in YMA Hall, Hmuia Veng ah Mizo Economic Development Agency (MEDA) makaih in Workers’ Meet nei in, MPC in ma a sawn theihna dia panlak ding dan kikup khawmna nei uhi. Hiai hun ah MPC Manipur Headquarters nuai a om Unit 13 apan palai 70 val paikhawm ua, Rev. LC Kima, Consultant in thumna a hongkhia in Upa Vanlaltinliana, President in makai paikhawmte mellahna nei in, MPC Headquarters Manipur in tuni tan a sepsuah tuamtuam a neihte uh pulakna nei hi. Program hunsung in Lalzuitluanga, General Secretary in “Heutute hihna leh mohpuakna” chih thupi zang in thugenna hun zang a, sunnung lam in heutu tuamtuam paikhawm te’n maban pai ding dan toh kisai a panlak ding dan gen khawm in Ipen Discussion nei ua, Upa Khamzadinga, Consultant in Workers’ Meet neihna thumna in khak hi.

XXXXXXXX

Paite Tribe Council (PTC) General Headquarters in President makaih in tuni’n tutkhawmna nei in, PTC Conference Hall zat man toh kisai genkhawmna nei ua, thupukna dungzui in Conference Hall zat man ni khat a Rs. 500 hisek pen tuni apan Rs. 1000 hita ding hi’n gen uhi.

XXXXXXXX

Gangpimual MPCS KKP te’n a bawl uh “Pakchim Puangka” kichi Gospel Music Video Album hongtung ding March 6, 2016 (Pathianni) sunnung dak 1:00 in Gangpimual MPCS Campus ah honkhiakna om ding hi. Hiai hun ah H. Minlun, Asst. Leader, KKP in vaidawnna thu gen in Upa S. Tinlal, Secretary, Lamka South Presbytery in hongkhia in Upa Paukhokap in Pathian kiang ah latna nei ding hi. Program hunsung in Rev, Gintinthang, North Lamka Presbytery in Tanchinhoih genna nei ding a, mi tuamtuam apan thugen ngaihkhiakna om ding hi.

XXXXXXXX

Churachandpur District Nurses Association (CDNA) in tuni sunnung dak 1:30 in OPD Hall, District Hospital ah CDNA Member tukum a sepna apan pension-te khakna program zang uhi. Hiai hun zatna CDNA Member teng in a uap banuah Pensioner-te’ sungkuante kihel in, Mrs. Chingkhovung, President, CDNA in vaidawnna thu gen a, Mrs. Zokhumi, Member, CDNA in tukum a pension-te mellahna nei in thil piak piakna hun makaih hi. Thutut kingah dan in, tu February kha in CDNA member mi 12 a sepna uapan pension ua, amaute ahih uleh Mrs. Suanniang, Dy. Nursing Supdt, Mrs. Lamniang, Nuring Tutor, P. Demnem, Nursing Sister, Ningmang, Staff Nurse, Chalsiam, Staff Nurse, Zalianchungi, Staff Nurse, Kimneiching, Staff Nurse, Chinggohniang, Staff Nurse, Zokhumi, Staff Nurse, Khanniang, ANM, Thumchum, ANM leh Johnu Vaiphei hi uhi. Program hunsung in Pensioner-te apan thugen ngaihkhiakna om in, Mrs. Chinzaniang, Secretary, CDNA in report pia in T. Tunkhansing, Vice President, CDNA in kiaphthu gen in, Upa T. Jamzathang in thumna in hun khakna nei hi. Thutut kingah dan in, CDNA Member tukum a pension-te a vek un kum 30 val ginomtak leh taimatak a nna ana semte hi ua, CDNA in buaina bangmah omlou a chidamtak a sepna apan pension thei a om kipahpih etsakna in pakkhi ok-sak in belpi khat chiat pia uhi.

XXXXXXXX

Churachandpur District sung a sumsinna inn teng in License kipete diktak a kizat leh kizatlouh toh kisai enkhe ding in Autonomous District Council, Churachandpur in tuni’n Lamka khopi sung ah Revenue Drive pan a, 2016 sung a licence renew nailoute leng renew bawlsak ngal uhi. Revenue Drive nei ding in District Council staff mi 18 zat a om in, amaute team 6 in kikhen ua, March 7, 2016 (Seppatni) tan sunzomtou ding uh hi’n kigen hi. Hiai hun ah Thanghaulian, T. Peter leh Ph. Somendro Singh te’n Tuibuang area apan Light House kikal mohpuain, Lalnghinglova, Lalkhosei leh Th. Dhaneswar Singh te’n Light House apan Zenhang bazaar uap in Rengkai Bazar tan enkai hi.

{youtube}/5evAS9jcDwQ{/youtube}

Tuabanah, Nasir, H.Thangkhankham leh Ginkhanpau te’n Police station apan Tipaimukh Road tawn in Phailian tan a etkai banuah Tedim Road tumlampang IB Road huamkha in revenue drive neiding ua, V.Daikhansuan, O. Sheila Singh leh K. Lalremmawia te’n Tedim Road suahlam pang Rengkai Road bul apan Lailam Lei bul tan mohpua ua, H. Shanta Singh, Md. Fakruddin leh Tunzalian te’n Tedim Road dung lamsak leh lamkhang Lailam Lei apan apan Lanva, New Lamka area tan mohpua in, Tualkhanlal, Vialkhogen leh Lalchhuanga in IB road junction apan Tedim Road tumlam pang Lailam Lui gei, Thangzam Road leh New Bazar area mohpuauhi. Thutut kingah dan in, tulel in CCpur District sung a sumsinna inn bawl, District Council nuai a registration bawl 3000 val om a, tuni a Revenue Drive neihna toh kisai a mohpuakna piak a om te’n a tamzaw zou in, March 7, 2016 in zousiang ding uh hi’n thutut kingah hi. 

XXXXXXXX

Nghathal-Kawnpui-Thingkangphai huamsung a omte a ding khualna in hong tung ding March 9, 2016 in District Family Welfare Officer, Churachandpur saina in Kawnpui Playground ah Rural Child Health (RCH) Camp toh kithuah Medical Camp om ding hi. Zinglam dak 10:30 in District Malaria Officer makaih in inaugural program zatna om ding a, huai ah Dr. Thangchinkhup Guite, CMO/CCpur in Medical Camp honkhia in thugenna hun zang in, Dr. J. Son Gokham, Medical Superintendent, District Hospital/CCpur in siangthouna toh kisai genna nei ding hi. Program hunsung in, DAPCU leh RNTCP Churachandpur te’n HIV & Sexually Transmitted Infection (STI) banah TB natna toh kisai leh kiven ding dan toh kisai sinsakna nei ding ua, DIO Churachandpur in Vote of Thanks gen ding hi. Medical Camp doctor tuamtuam te’n damloute etna nei in damdawi leng a om bangbang a thawn a hawm hiding hi’n thutut kingah hi.

XXXXXXXX

Socio-Economic Development Organization (SEDO) saina in tuni’n District Training Centre, Tuibuang ah Disaster Management toh kisai Awareness Campaign om in, resource person tuamtuam te’n zinling leh siatthutna hong tun hun a kiven ding dan toh kisai sinsak uhi. Hiai hun zatna DC/CCpur Lunminthang Haokip, IAS in Chief Guest hihna toh uap in, Functional President in SP/CCpur L. Mangkhogin Haokip, IPS pang a, thangjang Haokip, resident, Kuki Inpi CCPur tel in mun tuamtuam apan mi 354 val hiai hun ah kihel uhi. Hiai program ahihleh Canara Bank/CCPur Branch, SBI/Tuibuang Branch leh SP/CCpur te’ sensakna tungtawn a SEDO in a sai uh hi a, program sunma dak 11:30 in kipan a, OK Pao, Consultant, SEDO in vaidawnn thu gen in Awareness Program neihna toh kisai pulakna nei a, DC/CCpur in hongkhia in thugenna hun zang hi. Program hunsung in K. hnunliansanfg, Structural Engineer, AE/DRDA in “Earthquake construction design & seismic retrofits” chih thupi zang in zinling apan kihumbit theihna dia inn bawl ding dan sinsak a, Md. Ayub Khan, Staff Officer Training, Relief & Disaster Management, Govt. of Manipur in gintaklouhpi a siatna hong tung thei thil tuamtuamte pulakna nei in V. Pumsiam, Senior Instructor, Director of Civil Defense leh Ch. Raisii Leo, Sr. Inspector, Directorate of Civil Defense te’n Zinling om hun a kiven ding dan leh liamna tuakte etkol ding dan toh kisai sinsak uhi.

XXXXXXXX

Tuni sunma dak 11:00 in District Training Centre, Tuibuang ah Thanlon leh Tipaimukh Nominee-te makaih in National Food Security Act nuai a Rationing Agent dia lak thak a om te’n training nei uhi. Hiai hun ah Thanlon Sub-Division sung a Rationing Agent dia lak thak a om mi 24 banah Tipaimukh Sub-Division sung a Rationing Agent dia lak thak a om mi 32-te kihel ua, Thangjangam, UDC in nasep ding dan toh kisai pulakna nei hi. National Food Security Act, 2013 ahihleh Centre Government in India gamsung a om khosak India gamsung a om khosak haksa leh tuantual te’n nek-le-tak man niamzaw a angah theihna ding ua hon patkhiak hi a, Manipur in a baih theipen hiai Act zat ahih theihna ding in panla lel in, CCPur District ah CCPur Sub-Division chihlouh Sub-Division dang teng in Rationing Agent ding guang felta in, training leng nei khinvekta uh hi’n thutut kingah hi. National Food Security Act tungtawn in NFSA Card nei te’n FPS Centre-te ah anntang Kg 1 Rs. 3 zel in lei theita ding uhi.

XXXXXXXX

Manipur Tribal Movement Road Construction Committee te’n tuni sunnung dak 3:00 in YPA GHQ Office, Hiangtam Lamka ah Lamka pansan Press/Media-te kimuhpih in Thathang Langel, Secretary (Works) in tuni tan a panlak dan report piahi. Thathang Langel in a gendan in, Sinzawl leh Tuivai kikal lampi bawlna buaina bangmah omlou a lohching tak a paitou zel ahih dan gen in, tuni tan in kilometer 7 zoh hita hi’n gen a, tulel in lampi bawlna ding in Bulldozer 1 lehg JCB 1 zat a om in, Land Surface Clearance teng zohsing ahih chiang in shingling sung hiding hi’n gen hi. Hiaibang panlakna pen kuapeuh in kipahpih mahmah in, Langkhanpau Guite, Chairman ADCC in Rs. 2,500 a piak banah Paukhanlian, MDC in Rs. 1000 leh nasemte nek ding Bawngsa a piak banah Aizawl a om Thangkhansiam Ngaihte in Ngatin 3, Chi ser 1, Dal ser 2, Phulun hunkhop pia in, Hebron Veng a om Nu Vung in Chini pia hi. Tuaban ah, Aizawl EBCC Pastor Pastor Biakmuan leh Custom Officer Nangchinkhup te’n leng panpihna a piak banah Miss Liankhoman tel in mi tuamtuam te’n thumsakna nei gige ua, Aizawl leh Lamka kikal a Sumo service te’n nasemte hai ding kuva puak gige uh hi’n gen a, amaute tung ah kipah mahmah ahihdan gen hi.

XXXXXXXX

Zomi Relief Committee (ZoREC) in nikum July Kha a India leh Burma a tuilian thuakte panpihna ding van leh sum a kaihkhopte uh buaina ziak a hun sawttak hawmkhe theilou a aom nung un van hawmkhiakna First Phase Gundung area ah va nei ua, van hawmkhe dingte Pastor Liankhanlal in thumna tawh khakhia hi. Thutut kingah dan in, hiai van kihomte Puan, anntang leh um-leh- bel te ahunlai a hawmding chih himaleh Manipur sung abik tak in Tribal district buaina ziak leh misite vuikhiat ahih nai louh ziak in amaute suunna leh zahtakna ziak a tuni tan dinkhawm a om lai hi’n kigen a, van sethei ding bangzah hiam om ahihman in, alou theilou a zan a hawmkhiak a om hi’n kigen a,tunung sawtlou in Joumol khua leh Burma lam adingte homkhiat hiding hi’n kigen hi. Tuilian thuakte panpihna dia vengchih a Chief/ Village Authority/ Organisation tuamtuam leh mimal/ Dawr kaite’n kiphaltak a van tuamtuam a piakkhawmna tung uah ZoREC in kipahthu gen uhi.

XXXXXXXX

Khamtheih sal a tangte leh tagah kemtu neiloute panpih a Pathian nna sem dia kipekhia Mizoram Gospel Singer minthang mi 3 in a patkhiak Operation Kingdom Ministry te’n tuni’n Lamka khopi sung mun tuamtuam ah Street Preaching nei in ministry pan uhi. Tuni sunma dak 11:00 in Sumkong Kaimun, Tuibuang ah street preaching nei in, DC/CCpur apan chialna a ngah dungzui un District Training Centre, Tuibuang a SEDO saina a Disaster Management toh kisai Awareness Campaign neihna mun ah lasakna va nei ua, sunnung dak 2:30 in Lamka Police Station kong a Sit-in-Protest neihna mun ah thugenna hun zang in lasakna leng nei ua, Nehru Marg Junction tel in mun tuamtuam ah nei ua, tunitak dak 8:00 in Rengkai Bazar ah nei nawn ding uh hi’n thutut kingah hi. Operation Kindgom Ministry ahihleh Mizoram apan lasasiam mi 3- Lalruatpuii, Tete-i leh Maremi Pautu te’n a patkhiak uh hi a, amau lasa in mun tuamtuam ah vak in, lasak tungtawn a sum a muhkhiakte uh zu leh khamtheih sal a tangte etkolna ding in zang uhi. Tuni a Street Preaching neihna hun ah ze leh khamtheih sal a tangte etkolna ding sum penkhawm utte a ding in bawm bawl ua, min tamtak in a neih khomkhom uh sum pekhawm uhi.

XXXXXXXX 

Immunization toh kisai a government paidan kikhek om zek ziak in tuni’n DFWO/CCPur makaih in PHC/CHC a sem nurset-te bnah District immunization Office leh District Hospital a sem staff te’n FHW Training School ah training nei in, naupangte kap ding dan toh kisai kisinsakna om hi.

 {youtube}/SKTCWv1TaGo{/youtube}

Hiai hun ah Henglep PHC, Saikot PHC, Sagang PHC, Singngat PHC, Behiang PHC, Zezaw PHC, Thanlon PHC, Sinzawl PHC, Parbung CHC, Senvon PHC, Patpuihmun PHC leh Sibapurikhal PHC huamsung a om Sub-Centre 70 vel apan Nurse 80 val kihel ua, Dr. VC Pau Tonsing, DFWO/CCPur in immunization toh kisai a thil kikhek tuamtuam omte pulakna nei in, thil pai ding dan toh kisai sinsak hi. Thutut kingah dan in, Government in numei naupaai leh naungekte immunization piakna toh kisai in Inactivated Polio Vaccine leh Pentavalent Injection kichi bawlkhe thak in, April kha pan zat pat ahih theihna dia panlak hilel hi’n kigen hi. 

XXXXXXXX

Lamka Traders & Self Employed Association (LATSEA) leh SBI/CCPur Branch te saina in hongtung ding March 9, 2016 (Nilaini) sunnung dak 2:00 in YPA GHQ Hall, Hiangtam Lamka ah Lamka khopi sung a sumsin mite a ding in bank poimoh dan toh kisai kisinsakna om ding hi. Hiai hun ah Bank lam te’n sumsin mite leh mahni kitoudelh a sumdawn te’n bank a poimoh dan leh bank in facility tuamtuam a neihte uh pilakna nei ding ua, phatuam tak a bank zat theih ding dan toh kisai sinsak ding uhi. Hiai program ahihleh Lamka khopi sung a dawr bawlte leh mahni kitoudelh a sumdawng mite a ding bik ahih man in, kuapeuh a tam theilam tel ding in LATSEA in chialna bawl hi.

XXXXXXXX

Siamsinpawlpi General Headquarters in “Sungkuan in Siamsinna mah awle!” chi a kumpuan a neih paitouhpih zel in, siamsinte lak a laibu sim utna leh deihna chii tuhna hiding in laibu koihkhawmna Laibu-Lii (The Siamsin Library) bawlkhiak sawm in panla lel a, tuni chiang in mi kiphalte tungtawn in laibu koihna ding bangzah hiam bawlzoh a omta in, zan in leng SSPP JHQ Delhi apan library a koih ding laibu parcel 2 hong tung nawn hi. Hiai Laibu-Lii in a tuppen ahihleh siamsin lellelte leh sepna zonglelte a dia resource centre hoihtak hihsak banah kuapeuh in library zatdan a theihna ding uleh laisim utte’n bouruak thovengtak a lai a sim theihna ding uh hi a, library bawlzoh ahih chiang in laibu a tam theilam koih ahih ding banah net facility leng hoihtak koih hiding hi’n kigen hi. Tuni tan a mun tuamtuam apan mi kiphal tamtak in Laibi-Lii a koih ding laibu hunkhop tak pekhawmta ua, Laibi-Lii Committee leh SSPP GHQ in kipahthu gen in, maban ah leng kuapeuh in mahna kiphal dandan a laibu pekhawm lai ding in ngetna bawl hi.

XXXXXXXX

Churachandpur District sung a National Food Security Act nuai a Rationing Agent leh Sub-Dealer dia seh a om te’n beneficiary-te limlak pelut ding in M. Ginzasuan, District Supply Officer, CCPur in theihsakna bawl hi. Beneficiary-te limlak hong lut masiah beneficiary-te a ding anntang leh SK Oil quota bawl theih hilou ahihman in Rationing Agent leh Sub-Dealer teng in ngai poimoh a, a kinlam a pelut ding in theihsakna bawl hi.

XXXXXXXX

Singngat Sub-Division huamsung a om mipite a dia SDO/CCPur Office a Adhar Card Centre hon a om a kinlam a Sub-Division Headquarter a suantou ding in Joint Philantrophic Organization, Singngat in SDO/CCPur kiang ah ngetna bawl a, Adhar Card a ding lemlak lakna dia golhgukna sum late tung ah a kituahpih bang action la ding in leng ngetna bawl uhi. Hiai toh kisai a JPO/Singngat in thusuah a bawl kimu in a taklat dan in, 2015 apan government in Adhar Card lakna dia sum sen ngailou ahih dan a puankhiak nung in staff khenkhan in Adhar Card a ding lemlak lakna ding in Rs. 200 apan 600 kikal la om uh hi’n taklang a, tuaban ah, SDO/CCPur office a Adhar Card Centre hon a om pen Singngat Sub-Division huamsung a om mipite a dia haksa lua ahihman in March 12, 2016 ma ngeingei a Sub-Division Headquarter ah suantou ding in ngetna bawl uhi. Hun kipia sung a suantouh ahih kei leh JPO/Singngat in kiphinna pan ding a, hiai hun a thil tung deih huailou a om leh JPO Singngat in mohpolou ding uh ahih dan a thusuah uah taklang uhi. Hiai thusuah ah YPA Singngat Block President leh Secretary banah KKL Singngat Block President leh Secretary leh ZYA Singngat Block President leh secretary te’n suai kai uhi.

XXXXXXXX

Manipur State Power Distribution Company Ltd. (MSPDLC) in Lamka khopi sung a meivak kipekhe teng Prepaid vek sawm in panla lel a, New Lamka area teng zohsiang ahih nung in tu in town area lak ah nasep sunzom lel uhi. Hiai toh kisai in Managing Director, MSPDCL in mipi theih ding in thusuah bawl in, consumer kuapeuh in Prepaid IPC Connection leh metre bulh man kila ngeilou ahihman in hon ngen a omleh kuaman ana pelou ding in theihsakna bawl a, activation kibawl hun chiang in consumer khempeuh in Application Form No. MA0000005 ana fill-up a, first time recharge man Rs. 200 ana pia a, sum sangtu kiang ah receipt la teitei ding in theihsakna bawl hi. Prepaid toh kisai a nekgukna/golhgukna tuak kha te’n Mobile No. 7085055672 ah chiklaipeuh a SMS tungtawn a thuzak theih ding hi’n leng Managing Director, MSPDCL in a thusuah ah taklang hi.

XXXXXXXX

Manipur Government in singtangmite khutdotlou a gam leh leitang laksuhna ding Bill 3 a pass uh deihlouh ziak a kiphinna in ma sawntou zel in, tuni tan Centre Government leh Manipur Government gen-le-sak bangmah a omlouh ziak in JAC Against Anti-Tribal Bills panlakna in Village Authority makaih in February 1, 2016 apan Lamka Police Station kong ah niteng in sit-in-protest neih in om a, tuni tan tatsatlou in lohchingtak in paitou zel lai hi. Tuni a sit-in-protest nei ding in Vengnuam, Lanva leh Pearsonmun mipite seh a aom dungzui un hiai kho 3 apan in mipi 300 val paikhawm ua, sit-in-protest neihna mun ah mipi kita zoulou in, Police Station huangsung tanpha a va tutou pawl leng mi hunkhop om a, Pearsonmun kho hausa T. Thanchhung leh Mrs. Pari w/o V. Dongzathang, IRS (Retd) te’n sit-in-protest a telte singpi dawnna man ding Rs. 1000 tuak va pia uh hi’n thutut kingah hi. Sit-in-protest neihna ahihleh government lam apan gen-le-sak kichiantak a om masiah sutzoptou hiding a, March 9, 2016 apan in Tangnuam, Khomoi/Bethel Veng leh Khominthang te’n sit-in-protest neihna makaih ding uhi.

XXXXXXXX

India gamsung a annhuanna ding a kizang Liquid Petroleum Gas kichi mizawngte a ding in Subsidized rate in piak himahleh mihausa tamtak in, mizawngte hamphatna ding a kibawl subsidized LPG cylinder zangsek uh ahihdan theihkhiak a om ziak in, phualpi solkal in ngaikhawk mahmah in tukum January apan kum khat a dangka Lakh 10 val lohkhe te’n LPS subsidized cylinder te zang thei nawnlou ding uh chin thusuah bawl mahleh Lamka khopi ah subsidized leh non-subsidized LPG Gas Consumer bangteng om hiam chih theih hinailou hin kigen hi. Angel’s Vision palai in Lamka khopi sung a Gas distributor tuamtuam om lak ah Kim Joe Gas etkhiakna va kinei a, huai ah Gas consumer tamtak in kumlui apan Gas lakman ding a sum a piakzah uh a kibatlouh thu leh, kum khat a innkuan khat in Gas kining ching a muh theihlouh thu uah lamdang a sakthu uh gen uhi. Tulel in ahihleh Cooking gas chih a om LPG Consumers te kiang ah solkal in kumkhat in cylinder 12 tan pekhe gige hidan a gen hi a, Gas latute kiang a phualpi solkal in chinih a khen a Subsidized leh non-subsidized a a khen nung in, India gamsung a gas latu crore 16 val om lak ah mihausa Lakh 57 val in subsidized rate a gas a leizel uh pekhia in, non subsidized in la uhi. Kumlui in leng Prime Minister Narendra Modi in, MP, MLA, minister, IAS leh IPS officers, professors leh professional te kiang ah subsidized rate a gas a leizel pen uh koihkhia non subsidized a gas lata ding in nget na bawl a, tua hileh India gamsung a mizawng tamtak te’n hamphat pih ding uh hin gen mahleh tuni tan in, mihausa leh sepna nei kumkhat a Lakh 10 income nei tamtak in pekhe tuanlou in Subsidized rate ngen in gas lei gige lai uh hin kigen hi. Delhi ah ahihleh non-subsidised cooking gas cylinder khat ah dangka Rs 606.50 man a, subsidised LPG cylinder Kg 14.2 a gik in Rs 417.82 man hin leng kigen hi. Manipur state sung a teeng innkuan tamzaw tham te’n ann huanna ding a LPG gas a neihlouh lai un, LPG consumers tamtak in subsidy te kiang a domestic LPG refills piak a om ahihlam uh theilou uh a, a tangpi in Subsidy LPG Refill te society a khosakna niam te kiang ah piak ahihlam leng theilou uhi. Manipur ah tulel in LPG Cooking gas kichi a refill man a tamluat ziak in, a zang zoulou innkuan Lakh hunkhop om uh a, huai ziak in mi tamzaw tham in, singkhuah zang in zing leh nitak in ann leh meh huanna ding in zanglai uhi. State sung a LPG gas man tam luat ziak mah in ann huanna ding a kizang singkhuah zonna a hun tamtak a sukbei kia uh hilou in, ann huanna ding a singkhuah a kizat chiang in mihing damtheihna a ding a a lauhhuai hun tam thei mahmah in, environment tanpha a ding in lauhhuai ban hin kigen hi.

Tuabang a mizawng te a ding a Subsidy bawlsak ahihlai in, sum leh pai muhna hoihtak nei innkuan hausa hunkhop in subsidy LPG Refill hamphatpih uh ahihdan leng suikhiak in om a, Subsidy kichi te mizawngte a ding ahihdan India PM in naktak a a tangkou pih lai in, Manipur ah nikhat a summuhna hoih taktak nei, bureaucrats, contractors, MLA leh Minister-te tanpha in LPG subsidy hamphat pih uh ahihdan theihkhiak in om hi. Tulel in Manipur ah LPG gas Refill man dangka 683 hi a, Subsidy hamphatpih thei innkuante kiang ah LPG refill man dangka 420 lel lak in om a, himahleh Lamka khopi sung ah tulel in gas latute’n cylinder khat ah dangka 659 pia uh a, distributor lam apan Bank account a leh lut ding chih himahleh Bank account a lutzah consumer te lak ah leng kibang lou hi. A lamdang mahmah khat ahihleh Lamka khopi sung a Gas hawmzak tute’n Sekmai bottling Plant apan Gas a laksawnte uh kidaih lou hidan in gen mahle uh Bazar ah Black a leitheih ding tamtak muhtheih ding in om a, koi a kipan a Gas cylinder full khat black a bazaar a zalentak a leitheih ding a om hiam chih theih haksa mahmah lai hi. KYC leh DBTL regulations kichi Manipur a zat ahihma in, Ministers, MLA leh IAS, MCS leh officer tamtak in, Gas hawmzaktu Distributor te kiang ah official letter Head zang in Gas cylinder 10, 20 leh 30 tanpha zang uh hin kigen hi. Tulel in Manipur ah Gas nei zoulou tamtak omlai uh a, tuate’n bangchileh LPG gas connection neithei ding uh hiam chih ngaihtuahpih naksang in, milian milal tamtak in, mizawng te a ding a kibawl subsidy rate a LPG gas refill in poisakna nei hetlou in, paidan in nei uh chihthu om hi.

Indian Oil Corporation Imphal Divisional Retail Sales Office, apan thu kiza dan intukum January 17 tan in Manipur state sung pumpi ah LPG Gas consumer 3,23,435 om a, phualpi solkal panlakna ziak in subsidized leh non-subsidized a khen a hihnung in, nidang a subsidized a Gas ana la mi 66,130 in LPG subsidy a la nawnlou ding in a gas book uh pekhia uh a, Non-Subsidized a la ding in kipia uhi. Tulel in leng Ministry of Petroleum and Natural Gas in kuateng in non-subsidized a lathei a, kuateng in subsidized rate a gas la thei ding uh hiam chih a list pelut ding in Indian Oil Corporation Imphal Divisional Retail Sales Office ah theihsakna bawlkhin hin leng kigen hi. Ministry of Petroleum and Natural Gas in a gendan inSubsidized a Gas lathei dingte ahihleh kum khat a dangka Lakh 10 nuailam lohte hiding uh a, non-subsidized category a omthei dingte ahihleh kumkhat a dangka Lakh 10 tunglam lohte hiding uhi. Huai a ding in tunung in kumkhat a dangka Lakh 10 tunglam loh peuhmah in a summuhna laite uh gas Distributor te kiang a pelut chiat ding in leng Ministry of Petroleum and Natural Gas in theihsakna bawlta hi. Huailou in LPG Consumer lak a Subsidized a gas lathei ding peuhmah in a subsidized muhding uh a Bank account ua a lut theihna ding in, Aadhar numbers Gas distributors te kiang a pelut ding in leng theisak a, LPG consumers peuhmah Aadhar numbers pelut lou peuhmah in tukum April apan subsidy mu nawnlou ding uh hin leng thutut kingah hi.

xxxxxxxxxx

Board of Secondary Education, Manipur saina in Manipur pumpi ah Class X (HSLC) Exam lohchingtak a paitou zel a, tuni’n candidate te’n Maths subject exam in, CCPur District apan candidate te’n buaina bangmah omlou in lohching tak leh singthou tak in exam a ni 3 ni zousiang uhi,. HSLC exam ahihleh March 1 a kipan hi a, Churachandpur District apan High School tuamtuam 74 apan External Candidate toh sim in candidate 3,093 om in exam centre 2 – Ebenezer Academy Main Centre leh Don Bosco Hr. sec. School Sub-Centre zat hi a, tuni tan in chiin dan hoihlou zang matkhiak omlouh banah exam centre apan nohkhiak om nailou a, CCpur District in Manipur pumpi a dia exam centre siangthoupen hihna a ngah uh kembittou lai uh hi’n kigen hi.

{youtube}/gzhTEVKzLro{/youtube}

Tuni a Maths Exam neihna hun ah Ebenezer Academy Main Centre ah candidate 1216 om lak ah 1208 present in mi 8 absent ua, Don Bosco Hr. sec. School Sub-Centre ah candidate 1462 om lak ah candidate 1452 present in mi 10 absent ua, External Candidate 315 om lak ah tuni a exam neihna hun ah candidate 305 present in candidate 10 absent ua, CCpur District pumpi a regular candidate 2678 om lak ah tuni’n candidate 2660 present in candidate 18 absent uhi. Tuni tan in candidate te’n English, Science leh Maths subject exam khinta in, hongtung ding March 11, 2016 in Social Science subject exam nawn ding ua, March 19, 2016 in exam zousiang ding uhi.

XXXXXXXXX

Hebron Veng Village Authority in tulai in Nationl Food Security Act nuai a beneficiary-te a ding NFSA Card bawl lel a, Hebron Veng list a telkha te’n zinglam dak 9:30 apan sunnung dak 3:00 sung in Village Authority Office ah lai poimoh teng tawi in ngaihven theih ding a, thuchian kimzaw leng VA Office ah kanchet theih ding hi’n Hebron Veng VA Chairman apan thutut kingah hi. Tuabangkal ah, College Veng Village Authority apan thu kiza dan in, College Veng Village Authority huamsung a om Food Security List a tel kha peuhmah in Aadhaar Card number, Bank Account Number, Mobile number, Passport Copies 2 (Background ngou ahihding) Chinjames leh T Doulian kiang ah a kinthei lam in pelut ding in theihsakna bawl uhi.

XXXXXXXXX

Government in mipite khantouhna ding ngaihtuah in pan nasatak a la lel in, mipi’n tuinek kiningching a ngah theihna ding in in khopi sung ah Pipe khungsuak simta in tamtak in leng phatuampih mahle uh department in pipe kikhungte hoihtak a a-etkailouh ziak in pipe keh tam mahmah a, tui kai hun chiang in kholai ah tui luang zuazua maimah hi. Khuga Dam apan Bijang/Tuibuang area piaksukna dia pipe kikhung leng tuni’n Sielmat Lei bul ah keh in lampi lai ah tui tamtak luang let a, gari a taite leh khe a paite a ding in nawngkai zou hial hi. Hun dang ah leng khopi sung a pipe kikhungte hoihtak a etkai ahihlou ziak in tui kai hun chiang in lampi lai ah tui luang in lampi a suknawi banah su-nal in gari a taite a ding in lauh huai thei mahmah hi’n tamtak in gen uhi. Hiai toh kisai in department lam a et hoih thak a, lampi lai a tui a luan nawnlouhna dia pipe kehte a bawl hoih mengmeng deih huai sakthu tamtak in gen uhi.

XXXXXXXXX

Red Shied Division nuai a Khuga Batalion te’n tuailai sepna zong lel-te khualna in apaisa 2015 kum in line tuamtuam a ding in job counseling centre cum free coaching sai in training pia ua, huai ah Thangkhohao Haokip s/o Onlun Haokip of Laijon Veng, Tuibuong in Military Clerk a ding in lohchinna ngah in, calling letter leng muta in tunung sawtlou in training ding in kuan khe ding hi. Thutut kingah dan in, Khuga Battallion in January 2015 apan in tuailai sepna zong lelte a ding in Khuga Dam a Madras Regiment-te omna mun ah free coaching sai ua, huai ah Thangkhohao Haokip leng va tel a, Khuga Batallion in coaching a tel teng kiang ah exam piak ding dan kia hilou in, training tanpha leng neihpih uh hi’n kigen hi. Dec 30, 2015 a Leimakhong ah Army Recruitment rally om hun ah aman military clerk a ding in lohchinna va ngah hi’n thutut kingah hi. Aman tu in Calling Letter leng muta in, March 15, 2016 in Army HQ, Rangapahar, Dimapur ah ki-report in huai apan a posting na mun ding South Bengalore a Army Service Corps (ASC) ah join ding a, Khuga Batallion in a thawn in Dimapur tan va kha ding uh hi’n kigen hi. Thangkhohao Haokip in a gendan in, Free Coaching hunsung in Army te’n General Studies, Mathematics leh English ah sinsakna pia uh hi’n gen a, phattuampih mahmah in Khuga Battalion tung ah kipak petmah ahihdan gen hi. Thangkhopao Haokip in ahihleh tulel in CCPur Govt. College a BA (Hons) 6th Semister sinlel in, Anu’n 2000 kum in sihsan a, aman sanggam numei 2 leh pasal 1 nei in, tulel in Apa Onlun Haokip toh Laijon Veng, Tuibuong ah khosa lel uhi.

XXXXXXXXX

District AIDS Prevention & Control Unit (DAPCU) in monthly report suahkhia in tu February khasung in nau paaite tel in mi 1002 te sisan a test na uah HIV Positive 6 muhkhiak a om hi’n taklang hi. Report in a taklat dan in, tu February khasung in ICTC tuamtuam apan naupaai sisan test mi 543 om in, huaite lak ah HIV Positive muhkhiak omlou a, mi nautang sisan test mi 114 a om banah Injecting Drug User (Khamtheih hih) sisan test mi 203 leh Female Sex Worker leh MSM sisan test mi 142 om hi’n taklang a, HIV Positive 6 muhkhiak in om hi. Thutut kingah dan in, hiai report ahihleh DAPCU in Lamka khopi sung a ICTC Centre 14 apan report a kaihkhawm uh hi a, khamtheih hih leh numei kizuakte lak ah HIV Positive muhkhiak omlou in, Positive 6 muhkhiak a omte mi nautangte lak a ngen hi’n kigen hi. Positive 6 muhkhiak a omte counseling hoihtak a neih ahih nung in ART Centre ah register hi ua, mi 4-te ART damdawi ne thei ding dinmun a om in, tu in mi 1 in ART damdawi ne panta hi’n thutut kingah hi.

XXXXXXXXX

Tuni (March 8) pen International Womens Day a puan ahih toh kiton in khovel pumpi mun tuamtuam ah Womens Day zat in om a, CCPur District in leng Rural Women Upliftment Society (RWUS) msakaih in RWUS Training Hall, Sielmat ah zat in om hi. Hiai hun ah New Boljang, Kamdou Veng, Khawmoi, Neihsial Veng, Saikot, S. Kanan Veng, Sielmat, Rengkai, Mualpi, Bethel, Mualsan leh Lajangphai apan mi 50 vel paikhawm ua, Mrs. Mary Singson leh Miss Margereth, Advocate te’n International Womens Day thupi “Planet 50-50 by 2030: step it up for gender equality” chih thupi pansan in numeite dikna leh tanvou banah numei dinmun dopsang ding dan toh kisai sinsak ua, Miss Nissi makaih in item tuamtuam ah kidemna nei uhi. Program hunsung in Miss Nissi in vaidawnna thu gen in, Miss Kimneinieng, Chairman, CCPur District Legal Services Authority in keynote address gen in, International Womens Day hong kipat khiak dan toh kisai pulakna nei hi. Aman a gendan in, khovel pumpi h numeite nelhsiahna nasatak om sukbeina ding in WHO in 1975 kum pen International Women’s Year a puang in 1977 apan in March 8 pen International Women’s Day dia bikhiak in tunitan zattouh a om hi’n gen hi. Numeite kichi pasalte bang a mihing khat ahih banuah pasalte hih bangbang hih thei ua, himahleh numeite naktak a nelhsiah in om a, hiai bang nelhsiahna sukbeina ding leh numeite dinmun dopsangna ding tupna a kum teng a International Women’s Day zat a om hi’n gen hi.

XXXXXXXXX

Nghathal, Kawnpui leh Thingkangphai huamsung a omte a ding in tuni’n District Family Welfare Officer, CCpur makaih in Reproductive Child Health (RCH) Camp neih in om a, hiai camp ah naupang bangzah hiam tel in natna tuamtuam nei mi 938 val ki-ensak uhi. Zinglam dak 10:30 in inaugural program zat in om a, hiai hun ah Dr. Thangchinkhup Guite, CMO/CCPur in RCH Camp hongkhia in thugenna hun zang a, Health Minister thupiak dungzui a NKT huamsung a om mipite a dia hiai camp sai a om ahih dan gen in kuapeuh in a hamphatpih uh a deihsak thu gen hi.

{youtube}/nMRyyJPcFTI{/youtube}

Dr. T. Pumzathang, RNTCP/CCPur in TB natna apan kiven ding dan banah hiai camp ah TB vei dia kigingmoh kuapeuh in test bawl theih a, result tungtawn a positive muhkhiak a omte government in a thawn a enkol ding ahih dan gen hi. T. Benjamin, District Supervisor, ICTC in HIV leh Sexually Transmitted Infection (STI) toh kisai genna nei in, HIV veite a ding in damdawi omta ahih dan gen in, hiai damdawi pen HIV veite a dia a damsiangna ding uh hikei mahleh a natna control theihna ding ahihman in HIV/AIDS ziak a sih sese ngai nawnlou hi’n gen hi. Program hunsung in Kawnpui kho hausa Lalzawmlian in Kawnpui kho mipite’n hichibang deihsakna a tangna tung uah kipahthu gen in, damlou ki-ensak Imphal a refer ngai om leh damdawi inn pai ngai nawn seselou dia bawlsak ding in ngetna bawl a, Dr. VC Pau Tonsing, DFWO/CCPur in kipahthu gen in, Inaugural Program zou uhi. RCH Camp ah OPD 5 honkhiak a om in, Medical OPD ah Dr. Leivon Belami Kom leh Dr. G. Khenzamung Samte tu in damlou 521 en ua, Children OPD-I ah Dr. Tongzakai, MD tu in naupang damlou 160 en hi. Children OPD-II ah Dr. O. Jotin Kumar tu in naupang damlou 65 en in, Gynae OPD ah Dr. Kimboi tu in numei nau paai leh numei lam natna tuamtuam nei mi 25 en a, Eye OPD ah Mrs. Chingnu, PMOA leh Mrs. Bhubaneshwari, PMOA te tu in, NKT Jr. High School a kai naupang teng free eye testing neihsak vek ua, NKT Jr. H/S a kai naupang kum 5 nuailam teng kiang ah Vitamin A neksak vek in om uhi. Tuaban ah, Mrs. Nalini Devi, DPHNO leh Rebecca Gangte, Counsellor te’n Family Planning leh Nutrition toh kisai in mi 49 kiang ah counseling nei in, RNTCP Staff te’n mi 8 apan Sputum (khaksuah) la ua, natna tuamtuam nei damlou ki-ensak teng kiang ah damdawi a om bangbang a thawn in hawm in om hi.

XXXXXXX

Churachandpur District sung a sumsinna inn teng in ADC tungtawn a License kipete diktak a kizat leh kizatlouh toh kisai etkhiakna Autonomous District Council, Churachandpur in apaisa March 5 leh 7a aneih in a tamzaw zoh ahih nailouh ziak in zingchiang apan in sunzom nawn ding uhi. Thutut kingah dan in, CCPur District sung ah sumsinna dawr 3000 vel om a, kal masa a Revenue Drive neihna hun ah a kimkhat leng zoh ahih nailouh ziak a zingchiang a sutzop hiding hi’n kigen hi. Tuabangkal ah, area khenkhat a dawr bangzah hiam ah licence renew bawlna ah sum kila khial bangzah hiam om a, tuaban ah licence lem (fake) kibawl leng bangzah hiam ahih dan theihsuah in om hi. Hiai toh kisai V. Kamzagin, EO (Town) in Press/Media-te kiang a agendan in, renewal bawlna toh kisai sum kila khial pen mohpuakna piak a omte kal ah “communication gap” om ziak ahih dan gen in, kuapeuh in receipt tawi in Town Office ah va ngaihven theih ding hi’n gen a, fake licence toh kisai leng etkai hilel ahih dan a gen hi. Trade Licence a khep a punsak a omna toh kisai a genna ah, District Council in government apan sum muh neilou a, office etkaina ding leh semtu tuamtuam casual a laka omte khaloh hiai revenue tungtawn a piak hi’n gen a, semtu casual a lak a omte’n khasum kiningching deuh a san theihna ding uh tupna a ziak a revenue man khansak a om hi’n gen a, kuapeuh in Revenue Drive neihna toh kisai a kithuahpihna an ape chiat ding in ngetna bawl hi.

XXXXXXX

Ex-Servicemen Welfare Association, New Lamka te’n tuni sunnung dak 1:00 in Association Office Naik N. Thonzakam tenna inn, College Veng, New Lamka ah Annual Conference toh kithuah Association kiphutkhiak nung kum 29 chin lopna nei uhi. Hiai hun ah Ex-servicemen Welfare Association, New Lamka a member tamzawte kihel ua, hun zatna Sibudar Major Upa L. Venson in makaih in Naik Upa T. Dawnglam in thumna in hun honna nei a, Sibudar Upa Phungkam in vaidawnna thu gen in member thakte mellahna nei hi. Program hunsung in Secretary in tu kum paita sung a activity tuamtuam a neihte uh pulakna nei in, Finance Secretary in sum dinmun leh Association in van tuamtuam a neihte dinmun report pia a, member paikhawm te’n maban a panlak ding dan kikup khawmna nei uhi. Hiai hun a member paikhawm te’n tu kum thak apan member mualliamte puandum a tuam nawnlouh a, belpi khap 9 leh sum Rs. 10,000 a gal hita ding in thupuk uhi.

XXXXXXX

SBI/CCPur Branch sensakna tungtawn in Lamka Traders & Self Employed Association (LATSEA) in Lamka khopi sung a sumsin mite a ding in YPA GHQ Hall, Hiangtam Lamka ah Town Hall Meet nei uhi. Hiai hun zatna DC/CCPur Lunminthang Haokip, IAS banah Thienlaljoy Gangte, SDO/CCPur te’n a uap banuah SBI lam apan mi poimoh hunkhop kihel uhi. Hiai program ahihleh Lamka khopi sung a sum sinna dawr bawlte leh mahni kitoudelh a sum dawng te’n phatuam tak a bank a zat theihna ding uleh bank te’n facility tuamtuam a neihte uh pulakna dia LATSEA in SBI/CCPur Branch toh pangkhawm a hon sai uh hi a, Lamka khopi sung a sum sinna dawr bawl leh mahni kitoudelh a sumdawng mi tamtak paikhawm uhi.

Program hunsung in CT Lian Guite, Convenor, LATSEA in program neihna ziak pulakna nei in, bank zat phatuam ding dan genna nei a, CCPur District ah mihing 2.7 lakhs val om in, sepna neilou mihing 1.5 lakhs val om hi’n gen a, mi khat in ni khat a amuhkhiak Rs. 140 vel phazou in a zatkhiak zah Rs. 200 vel tungzou ahihman in economy niam mahmah a, tua ziak a CCPur district sung ah sualna sang hiding ahi chi’n gen hi. CCPur District sung ah bank branch 15 vel om in huai ah sum tamtak om a, mipi’n a zat dan i siamlouh ziak a i khan ding bang a kikhang theilou ahih dan gen in, maban ah mipi lam in leng bank paidan hoih tak a thei a aphatuam theipen a zat sawm a panlak ding ahih dan gen hi. DC/CCPur in gam khantouhna ding in economy hoihtak poimoh a, economy a hoihna ding in bank te’n mohpuakna liantak nei uh ahih dan gen a, government lam in leng pan nasatak la in training tuamtuam sai a, huai te kuapeuh in ngai poimoh thei leng deih huai mahmah ding hi’n gen hi. Tulai khovel ah kuapeuh in dakkal 24 sung tawlngalou in nna semta ahih man in, Lamka khopi in leng nitak hun pen a phatuam thei pen a i zat uh hun mahmahta hi’n gen a, tu in MANERADA in khopi sung ah street light 200 koih ding in panla lel a, huai pen kuapeuh in kithuahpih a, phatuam tak a zat ahih theihna ding in kuapeuh in panla le deih huam a sakthu gen hi. G. Thangchinkhup, DDM/NABARD in NABARD tungtawn in hamphatna ngah theih ding dan pulakna nei in, Lamka khopi sung ah nektak zonna a niam mahmah lai in mahni kitoudelh a sep ding tam pumdim ahih lam kuapeuh in phawk thak a, midang apan thil va nget chihte tawpsan hun mahmahta ahih dan gen in, Bank te’n mipite muang a, mipite leng bank-te muan ngam dia om hun mahmahta ahih dan gen hi. SDO/CCpur in sumdawnna lam ah i sum muhna to hi senna kituahsak sang in i sum muhna toh i saving leh i senna a kituah ding ahi chi’n gen a, huai dia kuapeuh in panla chiat ding in mipi paikhawmte hasuan hi. Program hunsung in Songliankhual, Credit Officer in loan apply ding dan banah loan lak hun chiang a theih tuak poimoh tuamtuam omte pulakna nei in, Thangthiankham Ngaihte, Relationship Manager & Medium Enterprise in loan la te’n a ditkik theihna ding ua panlak ding dan toh kisai genna nei hi.

XXXXXXXX

Khuga Dam apan Tuibuang/Bijang area a omte tuisiang dawn ding piaksukna GI Pipe tuni sun dak 12:00 vel in Bijang Lei bul a puakzak a, lampi lai ah tui luang dim in a kiim leh kiang a omte patau man mahmah uh hin kigen hi. Thutut kingah dan in, PHE Department in hiai pipe pen nikum October kha vel a aphum uh hi a, tukum January kha in khatvei ana puakzak ngeita in department te’n sik peuh in gaak mahle uh phatuam tuanlou in tuni sun dak 12:00 vel in a 2veina ding in puakzak nawn a, hiai kiim a omte patau man mahmah in, ana taise man pawl leng om hi’n kigen hi.

{youtube}/jB8zUbsOKkI{/youtube}

Hiai tuilong ahihleh Bijang Lei tung a pai in, connector zang a leikawm a lutsak nawn hi a, 90 degree phial a kawi suk sak a om in, tui khah hun chiang in pressure in hon leh phuttouh chiang a hiai bang thil tung ahih dan muh theih in om a, a pipe leng lei apan inch 4 vel in kaangtou zou hial hi. Zan hal (March 8) in leng hichibang mah in Sielmat Lei bul ah pipe puak keh in, khe a paite leh gari a taite a ding in nawngkai mahmah a, tu in department in Bijang Lei a bang mah in sikkhau in gak maimai ua, hoihtak a etkai ahih kei leh thil huaise zaw tungthei ding dinmun in om hi. Tamtakte gendan in, pipe pipe kizop dan leh pipe paisak dan lungtun huailou mun tamtak ah om a, department lam in a etkai zohlouh ziak ua hichibang thil tung ahih dan muhtheih in om hi’n gen ua, department in hichibang thil a tun nawnlouhna dia a kinlam a pan a lak uh deih huai a sakthu uh gen uhi. Tuabangkal ah, CCpur Govt. High School huangsung a tui kholna dia kibawl tanky a ding tui laklutna nasatak inleak a, department in a kinlam a abawl kei leh zat theihlouh ding hi’n kigen hi. Lamka khopi in Khuga Dam apan tui nek ding kiningching ngahta ding chi a mipi kipaktak a aomlai ua, department lamte fellouh ziak a hichibang thil om te’n mipite lungliap sak mahmah in, lametna teng uh leng bei zou hial hi’n kigen hi.

XXXXXXXXX

Hill District Sports Association, Manipur (HIDSAM) saina in hongtung ding March 14 apan March 19, 2016 sung in Tangkhul Naga Long Ground, Ukhrul ah Hill District Sports Meet a 3veina om ding hi. Hiai sports meet ahihleh March 15, 2015 sun dak 12:00 in DC/Ukhrul Hrishikesh Modak Arvint, IAS in hongkhe ding a, inaugural program zatna D. Gamei, Addl. DC/Ukhrul, Col. David S. Nehemiah, Commandant, 47 Assam Rifles leh Ningshem Vashum, SP/Ukhrul te’n Guest of Honour hihna toh uap in, Functional President in P. Raghumani Singh, President, AMFA pang ding hi.Thutut kingah dan in, Manipur a om hill district teng in kimawlna tungtawn a kitanauna hoihtak a tun theih ding leng kimawlna lam khansakna ding in HIDSAM panlakna in 2014 kum in Hill District Sports Meet a masapen DSA CCur in zintun in Lamka Public Ground ah neih in om a, huai ah CPCur in champion hihna la in, Sadar Hills in runners-up in pang hi. Hill District Sports Meet a 2veina ahihleh DSA Tamenglong in zintun in, Mini Sports Complex, Tamenglong ah neih in om nawn a, huai ah DSA, Sadar Hills in champion hihna la in runners-up in Ukhrul pang a, hiai kum in numeite a ding in Volleyball leng telsak a om in, DSA Chandel in champion hihna la in runners-up in Ukhrul pang hi. Tutung Hill District Sports Meet ah leng Sadar Hills tel in Hill District 6 apan team khat chiat kihel nawn ding ua, opening match ah opening match ah defending champion DSA Sadar Hills leh tournament zintuntu DSA Ukhrul kimawl ding ua, March 19, 2016 in final kimawlna leh closing ceremony om in, Dr. Yaronso, Chairman, ADC/Ukhrl in Hill District Sports Meet-2016 khak ding hi.

XXXXXXXXXX

Hongtung ding March 12, 2016 zinglam dak 10:00 in District Training Centre, Tuibuang ah Kuki Women Organization for Human Rights (KWOHR) saina in Right to Information toh kisai Seminar leh Consultative Meeting om ding hi. Hiai Seminar ahihleh KWOHR in Manipur Alliance for Child Rights, CCPur Chapter toh pangkhawm a asai uh hi a, school 10 val apan student tamtak paikhawm in resource person tuamtuam te’n sinsakna ding uhi.

XXXXXXXXXX

District Program Manager leh District Community Mobilizer makaih in Health Block 5 a ASHA Facilitator te’n tuni sunma dak 11:00 in CMO Mini Conference Hall ah Mother & Child Tracking System toh kisai genkhawmna nei uhi. Hiai hun ah, Samulamlan, Henglep, Thanlon, Singngat leh Tipaimukh Block a ASHA Facilitator-te kihel in, Seiboi Mate, DPM leh Vung Mary, District Community Mobilizer te’n Health Centre tuamtuam a nau-paai leh naupang natna tuamtuam dalna damdawi kap a om registration kibawl te Block Report bawl ding dan leh a thuah a min omkhate etkai ding dan toh kisai sinsak uh.

XXXXXXXXXX

Centre for Community Initiative (CCI) in vualphaloute khualna a Malsawm Ability Resource Centre, Pearsonmun a Early Intervention Unit (EIU) a bawl uh, honkhiak ahih toh kiton in tu in zat theih hita a, lunglutna nei kuapeuh in zot theihta hi’n thutut kingah hi. Hiai Early Intervention Unit ahihleh Centre for Community Initiative in The Malsawm Initiative a seat tang zouloute khualna leh mi tamzaw sem in hamphatpih theih ding uh tupna a apatthak uh hi a, apaisa February 23, 2016 ni a Dr. Sara Verughese, Regional Director, India Liaison Office, CBM in a honkhiak ahi hi. Early Intervention Unit ah vualphaklouhna nei naupang leh pichingte kiang ah apoimoh bang un special education, behaviour modification, life skills, physiotherapist leh speech therapist piak hi ding ua, sunnung dak 1:30 apan kitum tan hon hiding a, hiai hunsung in lunglutna nei kuapeuh in zot theih ding hi’n Miss Kaylie Lalrokim, School Administrator in gen hi.Tuabangkal ah, North East state 5 a NGO 12 in a sepkhiak diing Regional Action on IncluSive Education (RAISE) kichi Manipur state a ding hongkhiakna hongtung ding March 30, 2016 in MARC, Pearsonmun ah om diing hi. Hiai project in a tup ahihleh North East a Inclusive Education hatsakna ding akum 5 project hi a, Manipur a semsuahtu ding in Centre for Community Initiative hi ding hi. Hiai sepsuahna ding in international NGO thum - Christian Blind Mission (CBM), Light for the World leh Lilianne Fonds in kithuahpihna a piak diing ban uah Gov't of India nuai a ministry tuamtuam toh leng semkhawm ding uhi.

XXXXXXXXXX

All Manipur Tribal Women Union in Tribal Movement pailel sukhatsemna dia apaisa February 8, 2016 apan Salphate luang kikoihna mun District Hospital Morgue ah salphate luang tutpih a lengkhawmna leh Pathian thu lam a kipolhkhawmna a neih uh tuni tan tatsatlou in lohching tak in paitou zel hi. Thutut kingah dan in, February khabul apan niteng in District Hospital Morgue ah veng tuamtuam apan numei pawlte paikhawm in, mi tuamtuam apan Tanchinhoih genna om in slogan tuamtuam genna nei in kipolhkhawmna nei zelzel ua, MTFD-te a ding leh tribal movement hatsemna ding in Pathian buan in thumkhawmna nei zel ua, AMTWU makaih a hichibang program zatna kha khat val bang ching nawnta hi. Tuaban ah, apaisa February 8, 2016 apan in New Delhi a Parliament Session neih hun sungteng in numei pawl te’n District Hospital Morgue ah ann ngawl thumna pan ua, Pathian in MP tuamtuamte zang a singtangmite haksatna puankhiak ahih theihna ding in tawlngalou in thumna kha khat sung a neih nung un zanhal (March 8) in tawpsan ua, siangtangmite buaina a kul leh poimoh bang a thumna toh delhzui tou zel ding uh ahih dan gen uhi. Tuni in leng mun tuamtuam apan mi hunkhop paikhawm nawn in, thumkhawmna a neih banuah slogam tuamtuam sam in, a lapi uh “Pathian gam leh a diktatna” chih la sa in hun zang uhi. Tuabangkal ah, All Tribal Movement of Lamka (ATML) makaih in nitak teng in District Hospital Morgue ah program zatna om gige a, hiai hunte ah kuapeuh tel theih gige ding hi’n thutut kingah hi.

XXXXXXXXXX

(Akisaikha kuapeuh kiang ah)

I nam khangthu a dia mang ngei nawn lou ding in salpha 9-tak i na suunta uhi. A sihna ziak uh heutute kia hilou in, kuapeuh in i theih vek ahita hi. A tomlam a gen in, mipi ai-ohte'n mipi phawk nawn lou a, a gen/hih ding dawl uh a gen/hih louh ziak uh ban ah, kum tampi mipi nelhsiah a kivaihawmkhumna ziak ahi.

Mipi'n haksatna genseng louh phutou a, salpha luang 9-te vuilouh a a-omlai un, mipite nungthuap ding leh humbit dia lamette a pan mipi ‘movement’ dalna leh vauna lou ngal muh neilou in, khasia kisa leh tongkhongtak in mipite om hi. Huai kia hilou in, hoih deihna toh 'AW' suah khenkhatte, mimal leh pawl khenkhatten, leh galvan thahatna toh vau zelzel uhi.

Ø Anai pen a theih unaupa Mungngaihthang (Shillong a om) in kum paisate a gam-le-nam a vei thu leh pawlpi diklouhna hi a a theihte, kawktuam nei le hilou, thu dik-le-tang gen hinapi in, March 9, 2016 in Bungmual a om, ama' ‘Cell phone’ lui zang, a sanggamnu' tapa, tuabang thu ziak a mat in om hi. Hiaibang gen-le-sak a neih nawn leh kaplup hi ding tan in leng thautawite'n vauna pelai uhi.

Ø January 2016 khabul in Damkam Bazar a hotel, mi omkhawmna mun ah thautawi pasal 2/3 in numei khat Nianglian hia? chi in dong ua, Nianglian a target uh ahihdan gen in tua numeinu vauna ana pia uhi.

Ø November 14, 2015 in Pa K.Paukhohau kum 70+ (Salpha Pu Tunkhopum Baite nungzui hon dampih omlai tamloute lak a khat) in mipi thangpai gamtatna nung zuun kilawm a sak nai louh thu a gen ziak in thautawite khutlum thuak in, liam leh sikai neunuau a nutsiat in ana om hi.

Ø Huan ah, ‘threat calls’ tuamtuam, mimal leh pawl om tuamtuamte'n (adiak in numeite) leng hun tampi ah mu uhi. Hun paisa ah, huhamtak a kithahna leh numei tung a thangtatna mulkimhuai tampi leng ana omtou ngitnget hi. Dikloutak a khutlum ana thuakkhate leng, mipite'n a mawk in mangngilh lou hi.

Ø February 2016 in Unaupa Dongkolson Vualnam in dik sa a milim (Manipur MLA-te’ lim) Facebook a a ‘share’ sawn ziak in, a sepna (Vaigam) tanpha ah Manipur Government a pan thupiak tawi in Rajasthan Police-te'n a sepna mun ah, a seppihte’ mitmuh mahmah a thudot in om hi. Hichibang a ‘common issue’ omlai a mimal a target bawltute leng kithei a, mimal khat in dik hi a a theih thu a ‘aw’ a suahngam ziak a chiamteh a sukbuai leh sukdaih sawmna in mipi thu dik-le-tang gumte khendai lou ding ahi. 

Gam-le-nam bawl hoih seem ding ngaihtuah leh ngimna a mipi sim dia thugelhtute - min leh hihna taklang lou a vauna suahkhiat chiing pawl om a, tamvei tak minbei a thusuah bang leng omta hi. Hucibangte nam-le-gam kibawlhoihna deihloute ahihman un, a hihtute'n kintak a atawpsan uh kideih mahmah hi.

Mipi lungdong leh tawltate' ‘AW’ nelhsiah nawn lou a, mihing hinna kizahtaksak a, i sahkhua leh gam danbu in hon phalsak zalenna kuamah in midangte’ zalenna hentaangsak nawn lou ding in leng ka hon ngen uhi. I Martyr-te ua pan theihtheih bel gam leh mite a minautangte mah in ki-it a, thu dik-le-tang leh gam leh mipi’ a dia hoih gupna ziak a thuakna a poimoh leh kiman in, sihna tan le ngam kihi chiatta ahi, chih ahi.

Thautawi ziak hiam, gamnuaimi hih ziak hiam, thuneihna tawi kisak ziak hiam, kuahiam gup neih tuam ziak hiam a hiamgamna leh kivaunate tengteng mipi'n kingai theilou in, kimohpaih hi. Pawl nei kuapeuh heutute'n leng a mizatte uh gamtatna “theihpih lou” chi mailou a, hoihtak a enkai ding in nget ahi. Mimal leh pawl tung a dikloutak a vauna pia a gamtatna om nung a, heutute'n theihpih lou ka hi uh chih phiing zel pen mipi'n pomlou in gingta lou hi.

Tu huntan a gam leh mipi a dia hoih, mipi lamet leh deihte ngen a, i pankhawm theih kei ua, i nam sung un siatlam a nawt zel leh, kuamah a dia deihhuai loupen, nam pumpi adia manthatna hongtung thei ahi.

Gam-le-nam chidamna ding in leh I nam maban ding khualna in - mimal leh pawl, hiamhei leh thuneihna tawite'n, kivauna leh hiamgamna nasep kuapeuh in hon tawpsan ding in gam leh nam itna ziakin, kon ngen uhi.

Veina lianpi toh. Ngen tute:

New Delhi apan: 
1. Sumthanlian Suantak 
2. Chinliankhup Phaipi 
3. Mangnou Ngaihte 
4. Dongzahau Tunglut 
5. Kam Khansiam Ngaihte 
6. Khamchin Naulak 
7. Mang Nunthuk 
8. Jamminlian Vualnam 
9. Min Khooptong 
10. Thanglianlal 
11. Muan Vualnam 
12. Nengsonlian Naulak 
13. M. Paulianthang 
14. Pauginmuan 
15. Sam Ngaihte 
16. T. Pausangmuan 
17. Dongkhansiam Thomte 
18. Thangkhanlian Guite 
19. Thanglian Hauzel 
20. Thangsonmung Guite 
21. Thangzasiam Paite 
22. E. Thawnsuanmung 
23. Thawnthianlal 
24. Upa Dr. Langkham Ngaihte 
25. Siambiaklian Valte 
26. Thangkhanlal Ngaihte 
27. Janeth Muang Valte 
28. Letchinthang Shoute 
29. Upa Biakkhanmang 
30. PS Khual

New York apan: 
1. Leivang Thawnkhokam Ngaihte

Mumbai apan 
1. Thawngsonhau Ngaihte, 
2. Lalhmangaih Hauzel, 
3. Liangousang Vualnam, 
4. Summinlun Vualnam, 
5. Upa T Roumuan, 
6. Chinngaihlian, 
7. Laljohn Sektak, 
8. Thangzason Ngaihte, 
9. Ginkhansuan Naulak 
10. Dr Vanlalruati Tonsing 
11. Thangliansang Khuptong

Bangalore apan: 
1. Thang Ginlun Valte 
2. Songchinlian Vualnam

Coimbatore apan: 
1. Lt Col Thangson Shoute

Kolkatta apan: 
1. Ginbiakthang Suantak 
2. Lian Samte

Lamka apan: 
1. Mang Guite 
2. Ms Kim Swante 
3. Lawmpi Tangpua 
4. Thangchinkhup Samte 
5. Suanlian Ngaihte, 
6. Ginkaplian Langel 
7. Gousut, 
8. H. Chinmuansang 
9. Upa Goukhanchin Hangzou 
10. Ngaikhanvung, 
11. Jamminthang Naulak, 
12. Hanghal Lianzagou, 
13. Nengsuanthang Tawmbing, 
14. S. Khamson. 
15. Pauneihthang Valte 
16. Thangbiaklian Hangzou 
17. Thangnou Hangsing 
18. Kimzaching 
19. H Gouchinthang 
20. Khaikhopau Ngaite 
21. Joy Thanglian Ngaihte 
22. Pauthianmuan Hangzou 
23. Tunzasiam Vualnam 
24. Genson Khuptong 
25. Chinsuanthang Hangzou

Chennai apan: 
1.Thangkhanmuan Vualnam 
2. Ginlianthang Tawmbing

Appeal bawltu behlapna:

75. Minlun
76. S. Thuambiaklian. 
77. Tuankhanthang. 
78. Freddy Tonsing 
79. Sutzalian Tonsing
80. Amkhanchin Ngaihte
81. Thangsuanlian Tombing
82. T.Khamkhanpau
83. H.Lalmuan
84. Joseph Hangliansiam
85. Tombing Liansang
86. Nemkim Zou
87. Maj HN Suanlian, Delhi 
88. Maj Ginsonlal Tonsing, Delhi
89. CT Lian Guite, Lamka 
90. Sangluai Ngaihte, Lamka 
91. Biak Hanghal 
92. McMuan S Ngaihte, Delhi
93. David Gouz, Imphal 
94. Thangmuanlian Tombing, Zenhang Lamka
95.Lawma Laingek, New Delhi
96. Songthianmuan Naulak, Delhi 
97. Florence Guite, Himachal Pradesh
99. Kamzalian Tomging, Mumbai
100. Niinglunmawi, Mumbai
101. Nemkhanching, Lamka
102. Kakap Hauzel, Kanan veng.
103. Khual Sektak, Kanan veng.
104. Zoulian Tangpua, Hebron veng.
105. Khansong Valte, Hebron veng.
106.Biaksang Valte Chennai
107.Lealyan Thomte, Denmark
108.Kapgoulian Vualzong , New Delhi
109. Goulun Paul Naulak, Mumbai

(Hiai open in athutuun kenle kavei, appeal bawlte lak ah katel ut nachih leh namin leh omna a ban ah gelh inla forward in)

[Kuahiam min maihkhak om zenzen leh hon theisak ding in i kingen hi. Appeal bawlnuam i omleh bawl theih lailai ahi. Injustice leh hiamgamna ka deihkei a beisak hita hen chia ngetna aw suak; kuamah challenge leh chouna hilou ahi.]